Mose III, 5:2 - BAIBLO ALOO NGMAMI KLƆUKLƆU Ɔ

² Ke nɔ ko li e he be, nɛ e ya ta nɔ́ ko nɛ he tsɔ we he, we mi lohwe gbogboe jio, nga mi lohwe gbogboe jio, lohwe tsɔwi a gbogboe jio, nɔ́ nɛ e pee ɔ woɔ e he mu nɛ, e yeɔ fɔ.

Mose III, 5:2 ပူးပေါင်းရင်းမြစ်များ

Mose III, 5:17

Ke nɔ ko li e he be, nɛ e pee yayami, nɛ e tɔ̃ Yawɛ mlaa amɛ eko nɔ ɔ, e yeɔ fɔ, nɛ e sa nɛ a gbla e tue.

Mose V, 14:8

Nyɛ ko ye kpotoo. E he tsɔ we; ejakaa a gba e nane kokloto mi lɛɛ, se e gɔle we nɔ́ nɛ e yeɔ nɛ e taa ekohu. Nyɛ ko ye lohwe nɛ ɔmɛ a lo, nɛ nyɛ ko ta a gbogboe he hulɔ.

Hagai 2:13

Jehanɛ, Hagai bi ke, “Ke nɔ ko ya ta gbogboe ko he kɛ ble e he, jehanɛ, ke kaa e ya ta niye ní nɛ ɔmɛ eko he ɔ, anɛ lɔ ɔ hu ma ble jamɛ a ní ɔmɛ hu lo?” Osɔfo ɔmɛ ha heto ke, “Ee, e bleɔ mɛ.”

Mose III, 11:11

A he tsɔ we; lɔ ɔ he ɔ, nyɛ ko ye, nɛ nyɛ ko ta a gbogboe he hulɔ.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Luka 11:44

Musu tloo nyɛ! Nyɛ ngɛ kaa yɔkɔhi nɛ a tui a he so, nɛ nihi nyɛɛɔ a nɔ nɛ a li.”

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

Mose III, 7:21

Jehanɛ hu, nɔ tsuaa nɔ nɛ maa ta nɔ́ ko nɛ he tsɔ we he, nɔmlɔ jio, lohwe jio, bɔ nɔ́ ko jio, nɛ e maa ye lo nɛ a kɛ sã tue mi jɔmi bɔ ha Yawɛ ɔ, á je lɛ we, á ko bu lɛ ngɔ si Mawu ma a mi bi ɔmɛ a nɔ hu.

Mose III, 5:4

Ke nɔ ko ka kita nya mi gu kaa e maa pee nɔ́ ko, kpakpa jio, yaya jio, nɛ e li e he be ɔ, ke e ba na le ɔ, e yeɔ fɔ.

Mose III, 4:13

Ke e ba mi kaa Israel ma a tsuo tɔ̃ Yawɛ mlaa a eko nɔ, nɛ pi kaa a je blɔ tɔ̃ ɔ,

Mose III, 5:3

Ke nɔ ko li e he be, nɛ e ya ta nɔ́ ko nɛ he tsɔ we he, nɔ́ nɛ jeɔ nɔmlɔ mi jio, nɔ́ nɛ jeɔ e he jio, ke e ba na le nɔ́ nɛ e pee ɔ, e yeɔ fɔ.

Mose III, 11:8

Nyɛ ko ye lohwe nɛ ɔmɛ, nɛ nyɛ ko ta a gbogboe he hulɔ; a he tsɔ we.

Mose IV, 19:22

Nɔ́ tsuaa nɔ́ nɛ nɔ ko nɛ he tsɔ we maa ta he ɔ, e ble nɔ́ ɔ; ke nɔ ko ta jamɛ a nɔ́ ɔ he ɔ, lɛ hu e he tsɔ we kɛ yaa si gbɔkuɛ.”