Mose III, 5:16 - BAIBLO ALOO NGMAMI KLƆUKLƆU Ɔ

¹⁶ Ní klɔuklɔu ɔmɛ nɛ e ha we sisiisi, nɛ́ ba pee hiɔ nɛ ɔ, é wo. Jehanɛ, é ngɔ hiɔ ɔ mi dlami enuɔ mi kake kɛ bɔ he kɛ ba ha osɔfo ɔ. Osɔfo ɔ maa ngɔ agbosu ɔ kɛ sã fɔ yemi bɔ, nɛ e kɛ ma kpata Mawu ha nɔ ɔ, konɛ a kɛ e he yayami ɔ nɛ pa lɛ.

Mose III, 5:16 ပူးပေါင်းရင်းမြစ်များ

Mose IV, 5:7

e jaje yayami nɛ e pee ɔ, nɛ e to e yayami ɔ nane mi sisiisi. Jehanɛ, e ngɔ nane mi tomi nɔ́ ɔ mi dlami enuɔ mi kake kɛ bɔ he ha nɔ nɛ nɔ nɛ e tɔ ɔ.

Mose III, 22:14

“Ke nɔ ko li e he be nɛ e ye ní klɔuklɔu ɔ eko ɔ, é wo nɔ́ ɔ he hiɔ sisiisi, nɛ e ngɔ nɔ́ ɔ jua a mi dlami enuɔ mi kake ngɔ piɛ he kɛ to nane mi kɛ ha osɔfo ɔ.

Mose III, 27:31

Ke nɔ ko suɔ kaa e ma kpɔ eko ɔ, é wo hiɔ ɔ kaa bɔ nɛ a tsɔɔ ɔ, nɛ é ngɔ jua a mi dlami enuɔ mi kake ngɔ piɛ he.

Mose III, 27:27

Se ke lohwe ɔ he tsɔ we lɛɛ; a wo he jua ha nɔtsɛ ɔ, nɛ e kɛ e jua a mi dlami enuɔ mi kake nɛ piɛ he. Ke a be lohwe ɔ kpɔe ɔ, lɛɛ e jua lɛ kaa bɔ nɛ a wo he jua a.

Mose III, 27:15

Jehanɛ, ke nɔ ɔ ngɛ hlae nɛ e kpɔ e we ɔ, e ngɔ e we ɔ he jua a mi dlami enuɔ mi kake kɛ piɛ jua a he, kɛkɛ ɔ, we ɔ maa pee e nɔ́ ekohu.

Mose III, 27:13

Se ke nɔ ɔ ngɛ hlae nɛ e kpɔ lohwe ɔ, lɛɛ e wo hiɔ sisiisi nɛ e ngɔ e he jua a mi dlami enuɔ mi kake kɛ piɛ sika a he.

Mose III, 5:10

Enɛ ɔ se ɔ, é ngɔ lohwe enyɔne ɔ kɛ sã sami bɔ kaa bɔ nɛ a to ke a pee ɔ. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Luka 19:8

Zakeo te da si nɛ e de Nyɔmtsɛ ɔ ke, “Nyɔmtsɛ, bu tue! Ma ngɔ ye níhi fa kɛ ha ohiatsɛmɛ. Ke i sisi nɔ ko ɔ, nɔ́ nɛ i kpɔ ngɛ e dɛ yaka a, ma ku ngɔ bɔ he si eywiɛ ha lɛ.”

La 69:4

Nihi nɛ ye he ngɛ mɛ tsɛ̃e yaka gu ɔ, a he hiɛ babauu pe ye yi bwɔmi. Ye he nyɛli lakpatsɛmɛ nɛ ngɛ ye hɛ mi hlae nɛ a kpata a, yiwutsotsɛmɛ kpanakuhi ji mɛ. Anɛ níhi nɛ pi ojo nɛ i ye kɛ na a, lɔ ɔmɛ hu ma ngɔ kɛ ha lo?

Mose III, 5:13

Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ. Mamu nɛ piɛ ɔ peeɔ osɔfo ɔ nɔ́ kaa bɔ nɛ e ngɛ ngɛ niye ní bɔ sami he ɔ.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose II, 22:1

“Ke nɔ ko ya ju na nɛ e gbe, loo e jua a, a ma he lɛ na enuɔ kɛ to na kake ɔ nya; ke to ɔ, lɛɛ a ma he lɛ to eywiɛ kɛ to to kake ɔ nya. Ke a na lohwe ɔ nɛ e ju ɔ ngɛ e dɛ hɛ ngmengmle ɔ, na jio, teji jio, to jio, lohwe kake he ɔ, e wo lohwe enyɔ nya hiɔ. Ke nɔ́ ko be e dɛ ɔ, a jua lɛ kaa nyɔguɛ nɛ a kɛ wo nɔ́ nɛ e ju ɔ he hiɔ. “Nyɔ mi ke a nu julɔ nɛ ngɛ we ko mi sɛe, nɛ a fia lɛ nɔ́ nɛ a gbe ɔ, nɔ nɛ gbe lɛ ɔ yi fɔ kaa e gbe nɔmlɔ. Se ke piani nɛ e ba mi ja a, lɛɛ nɔ nɛ gbe julɔ ɔ yeɔ fɔ kaa e gbe nɔmlɔ.

Mose III, 7:2

He nɛ a gbee lohwe nɛ a kɛ sãã sami bɔ ngɛ ɔ, á gbe lohwe nɛ a kɛ maa sã fɔ yemi bɔ ɔ ngɛ lejɛ ɔ kɛ̃. A tsɛ̃ e muɔ ɔ ngɔ pue bɔ sami la tɛ ɔ he tsuo.

Mose IV, 5:8

Se ke nɔmlɔ nɛ ɔ be je mi, nɛ e be weku no pɔtɛɛ ko nɛ a kɛ nane mi tomi ní ɔmɛ ma ha lɛ ɔ, lɛɛ nane mi tomi ní ɔmɛ maa pee Yawɛ nɔ, nɛ a kɛ ma ha osɔfo ɔ. Slo nɔ́ nɛ ɔ ngɛ agbosu ɔ nɛ a kɛ peeɔ kusumi kɛ tsukɔɔ nɔ ko nɛ tɔ ɔ he ɔ.

Samuel I, 6:3

A he nɔ ke, “Ke nyɛɛ kɛ Israel Mawu ɔ somi daka a maa ya a, nyɛɛ kɛ lɛ ko ya dɛ gu; e hia doo kaa nyɛɛ ngɔ fɔ yemi bɔ kɛ ya nɛ nyɛ ya kpata lɛ. Ke nyɛ pee ja loko nyɛ ma na he wami, kɛkɛ nyɛ maa le nɔ́ nɛ he je nɛ Mawu ngɛ nyɛ tue gblae ɔ.”

Mose III, 4:20

É pee na ku nɛ ɔ kaa bɔ nɛ e pee nɔ́ nɛ a kɛ ba sã yayami pami bɔ ɔ pɛpɛɛpɛ. Bɔ nɛ osɔfo ɔ maa pee nɛ e kɛ kpata Mawu ha ma a, nɛ a kɛ a he yayami maa pa mɛ ji nɛ ɔ nɛ.