Mose III, 5:12 - BAIBLO ALOO NGMAMI KLƆUKLƆU Ɔ

¹² E ngɔ kɛ ba ha osɔfo ɔ, nɛ osɔfo ɔ nɛ ngɔ mamu ɔ e dɛ kɔkɔ kake kaa bɔ ɔ tsuo nane mi dami okadi. Osɔfo ɔ nɛ sã enɛ ɔ tsuo kaa bɔ nɛ a kɛ la sãã ha Yawɛ ngɛ bɔ sami la tɛ ɔ nɔ. Yayami pami bɔ ji nɛ ɔ nɛ.

Mose III, 5:12 ပူးပေါင်းရင်းမြစ်များ

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 2:9

Osɔfo ɔ nɛ ngɔ bɔbɔyoo ko kɛkɛ kaa okadi ngɛ niye ní ɔ tsuo nane mi. É sã nɔ́ nɛ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 2:2

nɛ e ngɔ kɛ ba ha Aaron bimɛ ɔmɛ nɛ ji osɔfo ɔmɛ. Osɔfo ɔ nɛ piti mamu bukɔbukɔ kɛ e nɔ nu, kɛ tsopa kɛ e he via a tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ. Enɛ ɔ daa si kaa okadi ngɛ bɔ ɔ nɛ nɔ ɔ kɛ ba a tsuo nane mi kɛ ha Yawɛ. Enɛ ɔ ji bɔ nɛ a kɛ la sãã, nɛ jee via ha Yawɛ.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Ni Tsumi 10:4

Kornelio hyɛ lɛ too; gbeye nu lɛ, nɛ e bi ke, “Nyɔmtsɛ, mɛni sane?” Bɔfo ɔ de lɛ ke, “Kue nɛ o ngɛ fae, kɛ kpakpa nɛ o ngɛ pee ɔ, Mawu na he bua jɔmi.

Mose IV, 5:26

Osɔfo ɔ nɛ ti niye ní bɔ ɔ dɛ mamɛ kake kɛkɛ kaa okadi, nɛ e sã lɔ ɔ ngɛ bɔ sami la tɛ ɔ nɔ.

Mose III, 6:15

É piti mamu bukɔbukɔ, kɛ nu ɔ, kɛ tsopa kɛ e he via nɛ ngɛ niye ní bɔ ɔ nɔ ɔ tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ, konɛ e je via liliili, nɛ e pee kaimi nɔ ha Yawɛ.

Mose III, 3:11

Osɔfo nɛ ngɛ ní tsue jamɛ a be ɔ mi ɔ nɛ sã enɛ ɔmɛ tsuo ngɛ bɔ sami la tɛ ɔ nɔ kaa niye ní bɔ nɛ a kɛ la sãã ha Yawɛ.

Mose III, 3:4

lohwe ɔ se tso mi ngmɛ enyɔ ɔmɛ kɛ a he zɔ ɔ, kɛ fafali ɔ he nɛ hi pe kulaa a.

Mose III, 2:16

Osɔfo ɔ nɛ ngɔ niye ní bɔ nɛ ɔ bɔbɔyoo kɛkɛ kaa okadi ngɛ niye ní bɔ ɔ tsuo nane mi. É sã nɔ́ nɛ ɔ, kɛ tsopa kɛ e he via a tsuo kaa bɔ nɛ a kɛ la sãã ha Yawɛ.

Mose III, 1:17

É pɛtɛ pɛli ɔmɛ a he, nɛ́ e fɛ lohwe ɔ mi, se e ko kplɔ pɛli ɔmɛ ngɛ he; lɔ ɔ se ɔ, e sã lohwe ɔ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã, nɛ jeɔ via ha Yawɛ.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 5:11

Se ke nɔ ɔ be nyɛe ma ha lahuɛ enyɔ, loo beleku lahuɛ enyɔ ɔ, lɛɛ é ngɔ mamu bukɔbukɔ kilo kake kɛ ba kaa yayami pami bɔ. E ko ngɔ nu, loo tsopa kɛ e he via kɛ pue nɔ, ejakaa e ji yayami pami bɔ.

Mose III, 5:13

Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ. Mamu nɛ piɛ ɔ peeɔ osɔfo ɔ nɔ́ kaa bɔ nɛ e ngɛ ngɛ niye ní bɔ sami he ɔ.