Mose III, 5:1 - BAIBLO ALOO NGMAMI KLƆUKLƆU Ɔ

¹ Ke a tsɛ nɔ ko ke e ba ye odase ngɛ sane yemi he, nɛ nɔ ɔ de we nɔ́ nɛ e na, loo e le ngɛ munyu ɔ he ɔ, e pee yayami; a gbla e tue.

Mose III, 5:1 ပူးပေါင်းရင်းမြစ်များ

Mose III, 5:17

Ke nɔ ko li e he be, nɛ e pee yayami, nɛ e tɔ̃ Yawɛ mlaa amɛ eko nɔ ɔ, e yeɔ fɔ, nɛ e sa nɛ a gbla e tue.

Abɛ Womi 29:24

Nɔ nɛ kɛ julɔ ya dlaa ju ní ɔ, e he mi jɔɛ lɛ kɔkɔɔkɔ; e nuɔ kita nɛ a ka ngɛ nɔ́ ɔ he, se e peeɔ kɔ̃, konɛ a ko nu nɔ́ ko kɛ je e nya.

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Mose III, 19:8

Nɔ tsuaa nɔ nɛ maa ye eko ɔ, a gbla e tue, ejakaa e ble Yawɛ nɔ́ klɔuklɔu ɔ. A ma je lɛ we, nɛ a be lɛ bue ngɔ si ye ma a mi bi ɔmɛ a nɔ hu.

Mose III, 7:18

Ke nɔ ko ye lo nɛ ye ligbi etɛ ɔ eko ɔ, Mawu be e bɔ sami ɔ he tsui nae, nɛ a be bue ha lɛ kaa e sã bɔ hulɔ. A hiɔ; nɔ nɛ maa ye eko ɔ, e musu maa tloo lɛ.

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

Matsɛmɛ I, 8:31

“Ke a po nɔ ko nya kaa e tɔ e nyɛmi nɔ, nɛ a kɛ lɛ ba da o bɔ sami la tɛ ɔ hɛ mi ngɛ we nɛ ɔ mi ke e ka kita nɛ e kɛ tsɔɔ kaa e pee we yayami ko ɔ,

Mose IV, 9:13

Se nɔmlɔ nɛ he tsɔ, nɛ e hiɛ blɔ hulɔ, nɛ e kua Hetsɔmi ɔ yemi ɔ, jamɛ a nɔ ɔ lɛɛ a je lɛ we kɛ je e ma mi bi ɔmɛ a kpɛti; ejakaa e kɛ Yawɛ nike ní ɔ bɛ be nɛ a to ɔ. Nɔmlɔ nɛ ɔ, lɛ nitsɛ e musu maa tloo lɛ.

Mose III, 20:17

Ke nyumu ko kɛ e nyɛmiyo na bɔmi ɔ, e tsɛbi ji lɛ jio, e nyɛbi ji lɛ jio, a tsu zo ní. A je mɛ we; a ko bu mɛ ngɔ si Mawu ma a mi bi ɔmɛ a nɔ hu. E nyɛmiyo e kɛ na bɔmi ɔ nɛ, lɔ ɔ he ɔ, nyumu ɔ musu tloo lɛ nitsɛ.

Mose III, 17:16

Ke e fɔ we e tade ɔmɛ a he, nɛ́ e du e he ɔ, e musu maa tloo lɛ.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Ezekiel 18:20

Nɔ nɛ peeɔ yayami ɔ, lɛ nɔuu lɛ ma gbo. Bi be nɔ́ nae ngɛ e tsɛ yayamihi a he, nɛ tsɛ hu be nɔ́ nae ngɛ yayamihi nɛ e bi pee ɔ a he. Nɔ nɛ peeɔ nɔ́ nɛ da a ma na hiɔwo kpakpa, se nɔ nɛ peeɔ yayami ɔ, a maa gbla e tue ngɛ yayamihi nɛ e pee ɔ a he!

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

Kronika II, 18:15

Se Ahab de lɛ ke, “Ke o kɛ mi ngɛ munyu tue ngɛ Yawɛ biɛ mi ɔ, tu anɔkuale! Si enyɛmɛ ma de mo nɔ́ nɛ ɔ?”

Matsɛmɛ I, 22:16

Se Ahab de lɛ ke, “Ke o kɛ mi ngɛ munyu tue ngɛ Yawɛ biɛ mi ɔ, tuu anɔkuale! Si enyɛmɛ ma de mo nɔ́ nɛ ɔ?”

Manyadali 17:2

Ligbi ko ɔ, e de e nyɛ ke, “Benɛ a ju o sika hiɔ yi akpe kɛ e nya lafa nɛ o gbiɛ julɔ ɔ, i nu he. O nɛ, jamɛ a sika hiɔ ɔ ngɛ ye dɛ; imi lɛ i ngɔ.” E nyɛ ɔ de lɛ ke, “Ye bi, Yawɛ nɛ gbaa mo!”

Mose III, 5:15

ke nɔ ko li e he be nɛ e pee yayami kɛ si Mawu, lɔ ɔ ji kaa e ha we Yawɛ ní klɔuklɔu ɔmɛ nɛ sa nɛ e ha lɛ sisiisi ɔ, é ngɔ agbosu nɛ kpa ko be e he kɛ ba. Lohwe ɔ jua nɛ pee bɔ nɛ he klɔuklɔu ɔ mlaa a tsɔɔ ɔ. Fɔ yemi bɔ ji nɛ ɔ nɛ.

Mose III, 4:2

ke e de Israel bi ɔmɛ ke, ke a ti nɔ ko pee nɔ́ ko nɛ a nyɛ nɛ e kɛ tɔ̃ Yawɛ mlaa amɛ eko nɔ, nɛ pi kaa nɔ ɔ je blɔ tɔ̃ ɔ, a ye blɔ nya tomi nɛ ɔmɛ a nɔ.

Mose II, 22:11

nɔ nɛ a ha lɛ nɔ́ si tomi ɔ nɛ ya ka Yawɛ kita ha e nyɛmi ɔ kaa e nine tɛ lohwe ɔ he. Ke e pee ja a, kɛkɛ lɛɛ e sa nɛ lohwetsɛ ɔ nɛ kplɛɛ nɔ kaa e nyɛmi ɔ be nane mi ko nɛ e toɔ.

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.