Mose III, 4:31 - BAIBLO ALOO NGMAMI KLƆUKLƆU Ɔ

³¹ É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:31 ပူးပေါင်းရင်းမြစ်များ

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose II, 29:18

Lɔ ɔ se ɔ, moo sã to ɔ tsuo ngɛ bɔ sami la tɛ ɔ nɔ. E ji sami bɔ nɛ jee via saminya, nɛ sa imi Yawɛ, ye hɛ mi.

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Hebribi 10:14

Enɛ ɔ tsɔɔ kaa bɔ kake too ɔ nɛ Kristo ngɔ e he kɛ sã a ha nɛ nihi tsuo nɛ Mawu tsu a he ɔ hi kɛ pi si kɛ yaa neneene.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

Ezra 6:10

Nyɛɛ pee jã, konɛ a nyɛ nɛ a sã bɔhi nɛ maa sa Mawu nɛ ngɛ hiɔwe ɔ hɛ mi, nɛ a kpa pɛɛ ha imi nitsɛ, kɛ ye bimɛ ɔmɛ nɛ wa yi nɛ na wami.

Mose III, 4:19

É je na ku ɔ mi zɔ ɔ tsuo, nɛ é sã lɛ tsuo ngɛ bɔ sami la tɛ ɔ nɔ.

Mose III, 1:17

É pɛtɛ pɛli ɔmɛ a he, nɛ́ e fɛ lohwe ɔ mi, se e ko kplɔ pɛli ɔmɛ ngɛ he; lɔ ɔ se ɔ, e sã lohwe ɔ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã, nɛ jeɔ via ha Yawɛ.

Mose III, 2:2

nɛ e ngɔ kɛ ba ha Aaron bimɛ ɔmɛ nɛ ji osɔfo ɔmɛ. Osɔfo ɔ nɛ piti mamu bukɔbukɔ kɛ e nɔ nu, kɛ tsopa kɛ e he via a tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ. Enɛ ɔ daa si kaa okadi ngɛ bɔ ɔ nɛ nɔ ɔ kɛ ba a tsuo nane mi kɛ ha Yawɛ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 2:9

Osɔfo ɔ nɛ ngɔ bɔbɔyoo ko kɛkɛ kaa okadi ngɛ niye ní ɔ tsuo nane mi. É sã nɔ́ nɛ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose III, 5:10

Enɛ ɔ se ɔ, é ngɔ lohwe enyɔne ɔ kɛ sã sami bɔ kaa bɔ nɛ a to ke a pee ɔ. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 14:18

Nu ɔ nɛ maa piɛ ngɛ osɔfo ɔ dɛ mi ɔ, e kɛ pue nɔ nɛ ma e he tsukɔmi ɔ yi mi. Ke nɔ ko nu he womi nɔ hiɔ yaya a, kusumi nɛ osɔfo ɔ maa pee kɛ kpata Yawɛ ha lɛ ji nɛ ɔ nɛ.

Mose III, 15:15

Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.

Mose III, 19:22

Osɔfo ɔ nɛ ngɔ agbosu ɔ nɛ a kɛ ma fɔ yemi bɔ ɔ sami ɔ kɛ ya Yawɛ hɛ mi, nɛ e kɛ ya pee kusumi kɛ kpata Yawɛ ngɛ yayami nɛ nɔ ɔ pee ɔ he, nɛ Mawu kɛ maa pa lɛ.

Mose IV, 15:25

Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.