Mose III, 4:3 - BAIBLO ALOO NGMAMI KLƆUKLƆU Ɔ

³ Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Mose III, 4:3 ပူးပေါင်းရင်းမြစ်များ

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Mose III, 9:2

nɛ e de Aaron ke, “Ngɔɔ na niheyo, kɛ agbosu nɛ kpa ko be a he kɛ ba sã bɔ ha Yawɛ. Ngɔɔ na niheyo ɔ kɛ sa yayami pami bɔ, nɛ o ngɔ agbosu ɔ kɛ sã sami bɔ.

Mose III, 4:14

ke a na le kaa a tɔ̃ ɔ, ma a nɛ ngɔ na ku kake kɛ ba sã yayami pami bɔ. Á ngɔ lohwe ɔ kɛ ba kpe he bo tsu ɔ hɛ mi.

Hebribi 5:3

Akɛnɛ lɛ nitsɛ ɔ sé ngɛ e he ɔ, e hia kaa e sã bɔ, pi kɛ ha ma a kɛkɛ, se ngɛ lɛ nitsɛ hu e yayami ɔmɛ a he.

Ezra 8:35

Jamɛ a be ɔ, nihi tsuo nɛ a nuu mɛ nyɔguɛ kɛ ho ma se ya nɛ kpale kɛ ba a ba sã sami bɔ ha Israel Mawu ɔ. A sã na ku nyɔngma kɛ enyɔ ngɛ Israel ma a tsuo nane mi, nɛ a sã agbosu nyingmi nɛɛ kɛ ekpa, kɛ jijɔ nyingmi kpaago kɛ kpaago hulɔ. Lɔ ɔ se ɔ, a sã akpakpo nyɔngma kɛ enyɔ kɛ kpa mɛ nitsɛmɛ a he yayamihi a he pɛɛ.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Ezekiel 43:19

Levi bi osɔfo ɔmɛ nɛ ji Zadok nina, nɛ mɛ pɛ lɛ a ba sɔmɔɔ mi ngɛ ye he klɔuklɔu ɔ, ha mɛ na ku nɛ a kɛ sã yayami pami bɔ.

Mose II, 29:21

Ngɔɔ muɔ nɛ ngɛ bɔ sami la tɛ ɔ nɔ ɔ eko, kɛ nu nɛ a kɛ pɔɔ nɔ ɔ hu eko, nɛ o fĩa kɛ pue Aaron kɛ e binyumu ɔmɛ, kɛ a tade ɔmɛ a nɔ. Enɛ ɔ maa pee Aaron kɛ e binyumu ɔmɛ, kɛ a tade ɔmɛ tsuo klɔuklɔu ha mi.

Mose II, 29:14

Se na lo ɔ, e he womi ɔ, kɛ e mi ní ɔmɛ lɛɛ o sã ngɛ sito he ɔ se; ejakaa bɔ nɛ a sãã kɛ jeɔ osɔfo ɔmɛ a he yayami ji lɔ ɔ nɛ.

Mose II, 29:7

Lɔ ɔ se ɔ, plɛ nu nɛ a kɛ pɔɔ nɔ ɔ kɛ pue e yi mi, nɛ o kɛ pɔ lɛ nu.

Mose IV, 8:8

Jehanɛ, ha nɛ a ngɔ na niheyo kake, kɛ niye ní bɔ ɔ, nɛ ji mamu bukɔbukɔ nɛ a futu mi nu ɔ kɛ ba. Ngɔɔ na niheyo kpa nɛ o kɛ sã yayami pami bɔ.

Mose III, 16:11

Ke Aaron maa sã na ku ɔ kaa yayami pami bɔ kɛ ha lɛ nitsɛ e he kɛ e we ɔ,

Mose III, 16:6

É sã na ku ɔ kaa yayami pami bɔ kɛ ha lɛ nitsɛ e he, nɛ é kpata Yawɛ ha lɛ nitsɛ kɛ e we ɔ.

Mose III, 8:12

E plɛ nɔ pɔmi nu ɔ eko kɛ pue Aaron yi mi kɛ pɔ lɛ nu kɛ tsukɔ e he.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose II, 30:10

Daa jeha a, Aaron nɛ pee kusumi kɛ tsukɔ bɔ sami la tɛ ɔ he. Lohwe ɔ nɛ a kɛ ba sã yayami pami bɔ ɔ, e ngɔ e muɔ ɔ ngɔ pue bɔ sami la tɛ ɔ koli eywiɛ ɔmɛ a nɔ. A pee nɔ́ nɛ ɔ daa jeha, yi nɔ tsuaa yi nɔ. Bɔ sami la tɛ nɛ ɔ maa pee klɔuklɔu nitsɛnitsɛ kɛ ha imi Yawɛ.”

Hebribi 9:12

Benɛ Kristo gu bo tsu ɔ mi kɛ ya sɛ he klɔuklɔu pe kulaa a, e pee nɔ́ nɛ ɔ si kake nyɔngloo. Pi to, loo na muɔ nɛ e kɛ sã bɔ ɔ; mohu ɔ, e ngɔ lɛ nitsɛ e muɔ ngɔ ha, konɛ e kɛ he wa yi wami kɛ ya neneene.

Mose III, 4:5

Jehanɛ, osɔfo nɛ a pɔ lɛ nu ɔ nɛ ngɔ na ku ɔ muɔ ɔ eko kɛ ya kpe he bo tsu ɔ mi.

Mose III, 4:23

nɛ a ha nɛ e na e tɔmi ɔ, é ngɔ akpakpo nɛ kpa ko be e he kɛ ba sã bɔ.

Mose III, 4:28

ke a ha e na kaa e tɔ̃ ɔ, é ngɔ apletsi yo nɛ kpa ko be e he kɛ ba sã yayami pami bɔ.

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Kronika II, 29:21

A ngɔ na ku kpaago, agbosu kpaago, jijɔ kpaago, kɛ to akpakpo kpaago kɛ ya sã yayami pami bɔ kɛ ha matsɛ ɔ, Yawɛ we ɔ, kɛ Yuda ma a. Matsɛ ɔ fa osɔfo ɔmɛ, nɛ ji Aaron nina a ke a gbe lohwe ɔmɛ nɛ a kɛ sã bɔ ngɛ Yawɛ bɔ sami la tɛ ɔ nɔ.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

Mose III, 1:10

Se ke to nɛ nɔ ɔ kɛ ma sami bɔ sami ɔ, é pee agbosu, aloo akpakpo nɛ kpa ko be e he.

Mose III, 6:18

Aaron binyumu ɔmɛ pɛ nɛ a ngɛ he blɔ nɛ a yeɔ nɔ́ nɛ ɔ eko kaa niye ní bɔ nɛ a kɛ ba ha Yawɛ ɔ, mɛɛ a blɔ fa mi nɔ́.

Mose III, 9:3

De Israel bi ɔmɛ ke a ngɔ akpakpo kɛ ba sã yayami pami bɔ, nɛ a ngɔ na bi nɛ ye jeha kake, kɛ jijɔ nɛ ye jeha kake, nɛ kpa ko be a he kɛ ba sa sami bɔ.

Mose III, 16:3

E ma nyɛ maa ya he klɔuklɔu pe kulaa a ke e hɛɛ na niheyo kɛ ha yayami pami bɔ sami, nɛ e hɛɛ agbosu hu kɛ ha sami bɔ.”

Mose III, 16:5

Aaron nɛ he akpakpo enyɔ nɛ a kɛ maa sã yayami pami bɔ, kɛ agbosu kake nɛ a kɛ maa sã sami bɔ ngɛ Israel ma a tsuo dɛ.

Ezekiel 40:39

Okplɔɔ eywiɛ ngɛ tsu agbo nɛ ɔ mi; enyɔ ngɛ kasa hiɛ, nɛ enyɔ hu ngɛ kasa hiɛ. Okplɔɔ nɛ ɔmɛ a nɔ a gbee lohwehi nɛ a kɛ maa sã bɔ ɔmɛ ngɛ: sami bɔhi jio, yayami pami bɔhi jio, fɔ yemi bɔhi jio.

Ezekiel 44:27

Jehanɛ, e ya Yawɛ we ɔ mi mi je kue ɔ mi, nɛ e ya sã yayami pami bɔ, konɛ e nyɛ nɛ e ya sɔmɔ mi ngɛ Yawɛ we ɔ ekohu. Imi, Yawɛ lɛ i de.