Mose III, 4:23 - BAIBLO ALOO NGMAMI KLƆUKLƆU Ɔ

²³ nɛ a ha nɛ e na e tɔmi ɔ, é ngɔ akpakpo nɛ kpa ko be e he kɛ ba sã bɔ.

Mose III, 4:23 ပူးပေါင်းရင်းမြစ်များ

Mose III, 4:14

ke a na le kaa a tɔ̃ ɔ, ma a nɛ ngɔ na ku kake kɛ ba sã yayami pami bɔ. Á ngɔ lohwe ɔ kɛ ba kpe he bo tsu ɔ hɛ mi.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Mose IV, 29:19

Jehanɛ, nyɛɛ ngɔ akpakpo kake kɛ ba sã yayami pami bɔ kɛ piɛ daa sami bɔ ɔ, kɛ e he ngma bɔ ɔ, kɛ a he wai bɔ ɔmɛ a he.

Mose IV, 29:16

Jehanɛ, nyɛɛ ngɔ to akpakpo kake kɛ ba sã yayami pami bɔ kɛ piɛ daa sami bɔ ɔ, kɛ e he ngma bɔ ɔ, kɛ e he wai bɔ ɔ he.

Mose IV, 29:11

Jehanɛ, nyɛɛ ngɔ akpakpo kake kɛ ba sã yayami pami bɔ. Nyɛɛ sã bɔ nɛ ɔmɛ kɛ piɛ yayami pami bɔ nɛ a kɛ kpataa a, kɛ daa sami bɔ ɔ, kɛ e he ngma bɔ ɔ, kɛ a he wai bɔ ɔmɛ a he.

Mose IV, 29:5

Jehanɛ, nyɛɛ ngɔ akpakpo kake kɛ sã yayami pami bɔ, nɛ a kɛ kpata Yawɛ ha ma a.

Mose IV, 28:30

Jehanɛ, nyɛɛ ngɔ akpakpo kake kɛ sã yayami pami bɔ, nɛ a kɛ kpata Yawɛ ha ma a.

Mose IV, 28:15

Jehanɛ, ngɛ daa sami bɔ ɔ, kɛ e he wai bɔ ɔ se ɔ, a ngɔ apletsi ku kake kɛ sã yayami pami bɔ kɛ ha Yawɛ.

Mose IV, 15:24

Ke e ba mi kaa ma mluku nɛ ɔ li a he be nɛ a ya tɔ ɔ, lɛɛ ma a tsuo maa ngɔ na niheyo kake kɛ ba sã sami bɔ nɛ jee via ha Yawɛ. A ngɔ niye ní bɔ, kɛ dã nɛ a kɛ maa sã bɔ ɔ ngɔ piɛ he kaa bɔ nɛ kusumi ɔ ngɛ ɔ. Jehanɛ, a kɛ akpakpo kake hu ba sã yayami pami bɔ.

Mose III, 23:19

Jehanɛ, nyɛɛ ngɔ akpakpo kake kɛ ba sã yayami pami bɔ, kɛ jijɔ ku enyɔ nɛ a ye jeha kakaaka kɛ ba sã tue mi jɔmi bɔ.

Mose III, 9:3

De Israel bi ɔmɛ ke a ngɔ akpakpo kɛ ba sã yayami pami bɔ, nɛ a ngɔ na bi nɛ ye jeha kake, kɛ jijɔ nɛ ye jeha kake, nɛ kpa ko be a he kɛ ba sa sami bɔ.

Mose III, 5:4

Ke nɔ ko ka kita nya mi gu kaa e maa pee nɔ́ ko, kpakpa jio, yaya jio, nɛ e li e he be ɔ, ke e ba na le ɔ, e yeɔ fɔ.

Mose III, 4:28

ke a ha e na kaa e tɔ̃ ɔ, é ngɔ apletsi yo nɛ kpa ko be e he kɛ ba sã yayami pami bɔ.

Mose III, 4:3

Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Mose III, 4:24

É ngɔ e nine kɛ fɔ akpakpo ɔ yi mi, nɛ e gbe lɛ ngɛ he nɛ a gbee lohwe nɛ a kɛ ba sãã sami bɔ ngɛ ɔ, ngɛ Yawɛ hɛ mi. E ji yayami pami bɔ.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

La 90:8

O ngɔ wa he yayami ɔmɛ ngɔ pue o hɛ mi; wa diblii mi yayami ɔmɛ tsuo ngɛ o hɛ mi paa.

Ezekiel 43:22

E nɔ jena a, ngɔɔ akpakpo nɛ kpa ko be e he kɛ ba sã yayami pami bɔ kɛ tsukɔ bɔ sami la tɛ ɔ he.