Mose III, 4:20 - BAIBLO ALOO NGMAMI KLƆUKLƆU Ɔ

²⁰ É pee na ku nɛ ɔ kaa bɔ nɛ e pee nɔ́ nɛ a kɛ ba sã yayami pami bɔ ɔ pɛpɛɛpɛ. Bɔ nɛ osɔfo ɔ maa pee nɛ e kɛ kpata Mawu ha ma a, nɛ a kɛ a he yayami maa pa mɛ ji nɛ ɔ nɛ.

Mose III, 4:20 ပူးပေါင်းရင်းမြစ်များ

Mose IV, 15:25

Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.

Mose III, 12:8

Ke yo ɔ be nyɛe nɛ e kɛ jijɔ bi ma ba sã bɔ ɔ, lɛɛ e ngɔ lahuɛ enyɔ, loo beleku lahuɛ enyɔ kɛ ba. E ngɔ kake kɛ ba sã sami bɔ, nɛ e ngɔ kake hu kɛ ba sã yayami pami bɔ. Osɔfo ɔ nɛ pee kusumi kɛ tsukɔ yo ɔ he; kɛkɛ ɔ, e he ma tsɔ.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Mose IV, 15:28

Osɔfo ɔ maa pee kusumi kɛ kpata Yawɛ ha lɛ; nɛ a kɛ e he yayami ɔ maa pa lɛ.

Mose III, 14:18

Nu ɔ nɛ maa piɛ ngɛ osɔfo ɔ dɛ mi ɔ, e kɛ pue nɔ nɛ ma e he tsukɔmi ɔ yi mi. Ke nɔ ko nu he womi nɔ hiɔ yaya a, kusumi nɛ osɔfo ɔ maa pee kɛ kpata Yawɛ ha lɛ ji nɛ ɔ nɛ.

Mose III, 6:7

Osɔfo ɔ maa sã bɔ ɔ kɛ kpata Yawɛ ha lɛ, nɛ a kɛ e he yayami tsuo nɛ e pee ɔ maa pa lɛ.

Mose III, 5:6

nɛ é ngɔ jijɔ yo, loo apletsi yo kɛ ba sã yayami pami bɔ ha Yawɛ. Osɔfo ɔ nɛ sã bɔ ɔ ha lɛ ngɛ e yayami ɔ he.

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 1:4

Nɔ ɔ nɛ ngɔ e nine ngɔ fɔ lohwe ɔ yi mi. A maa ngɔ ngɛ nɔ ɔ nane mi kaa bɔ nɛ e kɛ kpata Yawɛ.

Mose II, 32:30

E nɔ jena a, Mose de ma a ke, “Nyɛ pee yayami agbo. Se kɛ̃, ma kuɔ yo ɔ kɛ ya Yawɛ ngɔ, kaa alini e maa nu ye gbi, nɛ e maa ngɔ nyɛ he yayami ɔ ngɔ pa nyɛ lo.”

Mose III, 4:8

Jehanɛ, na ku ɔ nɛ a kɛ ba sã yayami pami bɔ ɔ, é je e mi zɔ ɔ, kɛ zɔ nɛ ha e mi ní ɔmɛ a he ɔ tsuo.

Mose III, 4:21

Lɔ ɔ se ɔ, é ngɔ na ku nɛ ɔ hu kɛ je ma sito he ɔ, nɛ é ya sã lɛ kaa bɔ nɛ a tsɔɔ kaa a pee kaketsɛ ɔ. Enɛ ɔ ji yayami pami bɔ kɛ ha ma a tsuo.

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 5:10

Enɛ ɔ se ɔ, é ngɔ lohwe enyɔne ɔ kɛ sã sami bɔ kaa bɔ nɛ a to ke a pee ɔ. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 5:13

Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ. Mamu nɛ piɛ ɔ peeɔ osɔfo ɔ nɔ́ kaa bɔ nɛ e ngɛ ngɛ niye ní bɔ sami he ɔ.

Mose III, 5:16

Ní klɔuklɔu ɔmɛ nɛ e ha we sisiisi, nɛ́ ba pee hiɔ nɛ ɔ, é wo. Jehanɛ, é ngɔ hiɔ ɔ mi dlami enuɔ mi kake kɛ bɔ he kɛ ba ha osɔfo ɔ. Osɔfo ɔ maa ngɔ agbosu ɔ kɛ sã fɔ yemi bɔ, nɛ e kɛ ma kpata Mawu ha nɔ ɔ, konɛ a kɛ e he yayami ɔ nɛ pa lɛ.

Mose III, 5:18

É ngɔ agbosu nɛ kpa ko be e he, loo nɔ́ ko nɛ he jua kɛ lɛ sɔ kɛ ba ha osɔfo ɔ kaa fɔ nɛ e ye ɔ he bɔ. Osɔfo ɔ maa ngɔ kɛ sã bɔ kɛ kpata Yawɛ ha lɛ, nɛ a kɛ e he yayami ɔ maa pa lɛ.

Mose III, 15:15

Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.

Mose III, 19:22

Osɔfo ɔ nɛ ngɔ agbosu ɔ nɛ a kɛ ma fɔ yemi bɔ ɔ sami ɔ kɛ ya Yawɛ hɛ mi, nɛ e kɛ ya pee kusumi kɛ kpata Yawɛ ngɛ yayami nɛ nɔ ɔ pee ɔ he, nɛ Mawu kɛ maa pa lɛ.