Mose III, 3:6 - BAIBLO ALOO NGMAMI KLƆUKLƆU Ɔ

⁶ Ke nɔ ko ngɔ jijɔ, loo apletsi kɛ ma tue mi jɔmi bɔ sami ha Yawɛ ɔ, eku jio, eyo jio, e pee lohwe nɛ kpa ko be e he.

Mose III, 3:6 ပူးပေါင်းရင်းမြစ်များ

Efesobi 1:10

Nɔ́ nɛ Mawu to nɛ e maa pee ke be ɔ su ɔ ji kaa e ma ha nɛ bɔ níhi tsuo maa pee kake, níhi nɛ ngɛ hiɔwe, kɛ ní nɛmɛ nɛ ngɛ zugba a nɔ. Nɛ Kristo maa ye matsɛ ngɛ mɛ tsuo a nɔ.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.

Yesaya 60:7

A ma bua Kedar tohi tsuo a nya kɛ ba ha mo, konɛ o kɛ sã bɔ. A kɛ Nebayot agbosuhi ma ba sã bɔ nɛ maa sa Yawɛ hɛ mi ngɛ bɔ sami la tɛ ɔ nɔ. Kɛkɛ ɔ, Yawɛ maa wo e we klɔuklɔu ɔ hɛ mi nyami babauu pe daa a.

Mose III, 1:10

Se ke to nɛ nɔ ɔ kɛ ma sami bɔ sami ɔ, é pee agbosu, aloo akpakpo nɛ kpa ko be e he.

Mose III, 1:2

e de Israel bi ɔmɛ ke, a kpɛti nɔ tsuaa nɔ nɛ maa ngɔ lohwe nane eywiɛtsɛ kɛ maa sã bɔ ha lɛ, Yawɛ ɔ, e ngɔ na, loo to kɛ ba.

Mose III, 22:20

A ko ngɔ lohwe ko nɛ kpa ngɛ e he kɛ ba, ejakaa imi Yawɛ, i be ngɔe.

Mose III, 19:5

“Ke nyɛ gbe lohwe nɛ a kɛ maa sã tue mi jɔmi bɔ ha imi Yawɛ, nyɛ Mawu ɔ, mlaahi nɛ i wo nyɛ ɔ, nyɛɛ ye a nɔ, konɛ e sa ye hɛ mi.

Mose III, 23:19

Jehanɛ, nyɛɛ ngɔ akpakpo kake kɛ ba sã yayami pami bɔ, kɛ jijɔ ku enyɔ nɛ a ye jeha kakaaka kɛ ba sã tue mi jɔmi bɔ.

Mose IV, 6:14

nɛ e ba sã bɔ ha Yawɛ ngɛ lejɛ ɔ. É ngɔ jijɔ ku kake nɛ ye jeha kake, nɛ kpa ko kpa ko be e he kɛ ba sã sami bɔ. É ngɔ jijɔ yo kake nɛ ye jeha kake, nɛ kpa ko kpa ko be e he kɛ ba sã yayami pami bɔ; nɛ e ngɔ agbosu kake hu nɛ kpa ko kpa ko be e he kɛ ba sã tue mi jɔmi bɔ.