Mose III, 3:5 - BAIBLO ALOO NGMAMI KLƆUKLƆU Ɔ

⁵ Osɔfo ɔmɛ nɛ a sã ní nɛ ɔmɛ tsuo kɛ sami bɔ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 3:5 ပူးပေါင်းရင်းမြစ်များ

Mose III, 6:12

Á ha nɛ la a nɛ hi tsoe ngɛ bɔ sami la tɛ ɔ nɔ, nɛ e ko gbo. Daa mɔtu ɔ, osɔfo ɔ nɛ to lɛ́ kɛ wo bɔ sami la tɛ ɔ mi. É to sami bɔ ɔ ngɔ pue lɛ́ ɔ nɔ, nɛ e sa zɔ ɔ nɛ a kɛ ma tue mi jɔmi bɔ sami ɔ.

1 Petro 2:5

Nyɛɛ ba kaa tɛhi nɛ a hɛ ngɛ, nɛ nyɛ ha nɛ a fia nyɛ kɛ ma si kaa mumi mi we. Nyɛ maa pee osɔfo klɔuklɔuhi, nɛ kɛ gu Yesu Kristo nɔ ɔ, nyɛ maa sã mumi mi bɔ nɛ maa sa Mawu hɛ mi.

Mose II, 29:13

Jehanɛ, mo je zɔ nɛ ha mi ní ɔmɛ a he ɔ, ko ɔ, se tso mi ngmɛ enyɔ ɔmɛ, kɛ zɔ nɛ bɔle mɛ ɔ; nɛ o sã enɛ ɔmɛ tsuo ngɛ bɔ sami la tɛ ɔ nɔ.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Kronika II, 35:14

Pee se ɔ, Levi bi ɔmɛ dla lo ɔ ngɔ ha mɛ nitsɛmɛ a he, kɛ osɔfo ɔmɛ nɛ ji Aaron nina a. Nɔ́ nɛ he je nɛ a pee ja ji, ligbi mluku ɔ tsuo ɔ, osɔfo ɔmɛ ngɛ sami bɔ ɔmɛ, kɛ zɔ ɔ sãe hluu kɛ ya si nyɔ mi nɛ́ deka be mi.

Matsɛmɛ I, 8:64

Jamɛ a ligbi ɔ nɔuu ɔ, Salomo pee kue ɔ nɛ ngɛ Yawɛ we kpɛti ɔ klɔuklɔu, nɛ e sã sami bɔ, kɛ niye ní bɔ ngɛ lejɛ ɔ; e ngɔ lohwe ɔmɛ a zɔ ɔ hu kɛ sã tue mi jɔmi bɔ. E pee nɔ́ nɛ ɔ, ejakaa akɔblee bɔ sami la tɛ ɔ klee we bɔ nɛ a ma nyɛ sã bɔ nɛ ɔmɛ tsuo ngɛ nɔ.

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.

Mose III, 3:4

lohwe ɔ se tso mi ngmɛ enyɔ ɔmɛ kɛ a he zɔ ɔ, kɛ fafali ɔ he nɛ hi pe kulaa a.

Mose III, 3:11

Osɔfo nɛ ngɛ ní tsue jamɛ a be ɔ mi ɔ nɛ sã enɛ ɔmɛ tsuo ngɛ bɔ sami la tɛ ɔ nɔ kaa niye ní bɔ nɛ a kɛ la sãã ha Yawɛ.

Mose III, 7:28

Yawɛ de Mose ke

Mose III, 9:17

Enɛ ɔ se ɔ, e sã niye ní bɔ ɔ. E piti ngma a e dɛ kɔkɔ kake, nɛ e sã ngɛ bɔ sami la tɛ ɔ nɔ kɛ piɛ mɔtu sami bɔ ɔ he.

Mose IV, 15:8

Ke nyɛɛ kɛ na ku ma sami bɔ, loo si womi nɔ yemi bɔ, loo tue mi jɔmi bɔ sami ha Yawɛ ɔ,

Mose IV, 28:3

“Mo de mɛ ke, sami bɔ nɛ nyɛɛ sã kɛ ha Yawɛ ji, daa ligbi ɔ, jijɔ ku enyɔ nɛ a ye jeha kakaaka, nɛ kpa ko kpa ko be a he.

Mose IV, 28:12

Nyɛɛ ngɔ ngma mamu bukɔbukɔ kilo etɛ nɛ a futu lɛ kɛ nu, nɛ a kɛ pee ngma bɔ kɛ piɛ na ku fɛɛ na ku he. Nyɛɛ ngɔ ngma mamu bukɔbukɔ kilo enyɔ nɛ a futu lɛ kɛ nu, nɛ a kɛ pee ngma bɔ kɛ piɛ agbosu kake ɔ he.

Mose III, 1:13

E mi ní ɔ kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he, nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã nɛ jee via ha Yawɛ.

Mose III, 1:17

É pɛtɛ pɛli ɔmɛ a he, nɛ́ e fɛ lohwe ɔ mi, se e ko kplɔ pɛli ɔmɛ ngɛ he; lɔ ɔ se ɔ, e sã lohwe ɔ tsuo ngɛ bɔ sami la tɛ ɔ nɔ. Enɛ ɔ ji sami bɔ, bɔ nɛ a kɛ la sãã, nɛ jeɔ via ha Yawɛ.

Mose IV, 18:17

Na, loo jijɔ, loo apletsi kekleekle bi lɛɛ a ko kpɔ; ejakaa mɛɛ a he tsɔ. Ngɔɔ a muɔ ɔ kɛ fĩa bɔ sami la tɛ ɔ nɔ, nɛ o sã a zɔ ɔ kaa bɔ nɛ jeɔ via ha Yawɛ.