Mose III, 3:2 - BAIBLO ALOO NGMAMI KLƆUKLƆU Ɔ

² Nɔ ɔ nɛ ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ sinya a nya, konɛ Aaron bimɛ ɔmɛ nɛ ji osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose III, 3:2 ပူးပေါင်းရင်းမြစ်များ

Mose II, 29:10

“Ngɔɔ na ku ɔ kɛ ba kpe he bo tsu ɔ hɛ mi, konɛ Aaron kɛ e binyumu ɔmɛ nɛ a ngɔ a nine kɛ pue e yi mi.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Ni Tsumi 3:15

Wami matsɛ ɔ, nyɛ gbe lɛ. Se Mawu tle lɛ si kɛ je gbeje; lɔ ɔ nɔuu he odase yeli ji wɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Mose III, 8:22

Enɛ ɔ se ɔ, Mose ngɔ agbosu enyɔne ɔ nɛ a kɛ maa pee kusumi kɛ wo osɔfo ɔ hu kɛ ba, nɛ Aaron kɛ e binyumu ɔmɛ ngɔ a nine ngɔ pue e yi mi.

Mose III, 1:11

É gbe lɛ ngɛ Yawɛ hɛ mi ngɛ bɔ sami la tɛ ɔ we omleyi je, konɛ Aaron binyumu ɔmɛ nɛ ji osɔfo ɔmɛ nɛ a tsɛ̃ muɔ ɔ ngɔ pue bɔ sami la tɛ ɔ he kɛ kpe.

Mose II, 29:11

Lɔ ɔ se ɔ, moo gbe na ku ɔ ngɛ imi Yawɛ, ye hɛ mi, ngɛ kpe he bo tsu ɔ sinya a nya.

Mose II, 29:16

Lɔ ɔ se ɔ, moo gbe to ɔ, nɛ o tsɛ̃ e muɔ ɔ kɛ pue bɔ sami la tɛ ɔ kɔ nya eywiɛ ɔmɛ tsuo.

Mose III, 3:3

Á je lohwe ɔ nɛ a kɛ maa sã tue mi jɔmi bɔ ɔ he ní nɛ ɔmɛ kɛ sã bɔ nɛ a kɛ la sãã ha Yawɛ: zɔ ɔ tsuo nɛ ha mi ní ɔmɛ a he ɔ,

Mose III, 3:8

é ngɔ e nine kɛ fɔ lohwe ɔ yi mi, nɛ e gbe lɛ ngɛ kpe he bo tsu ɔ hɛ mi. Osɔfo ɔmɛ nɛ a tsɛ̃ muɔ ɔ kɛ pue bɔ sami la tɛ ɔ he kɛ kpe.

Mose IV, 18:17

Na, loo jijɔ, loo apletsi kekleekle bi lɛɛ a ko kpɔ; ejakaa mɛɛ a he tsɔ. Ngɔɔ a muɔ ɔ kɛ fĩa bɔ sami la tɛ ɔ nɔ, nɛ o sã a zɔ ɔ kaa bɔ nɛ jeɔ via ha Yawɛ.

Mose II, 29:15

“Jehanɛ, yaa nu agbosu ɔ kake, nɛ Aaron kɛ e binyumu ɔmɛ nɛ a ngɔ a nine kɛ pue e yi mi.

Mose II, 29:19

“Jehanɛ, yaa nu agbosu kaketsɛ ɔ hulɔ, nɛ Aaron kɛ e binyumu ɔmɛ nɛ a ngɔ a nine kɛ pue e yi mi.

Mose III, 17:3

Ke Israel fɔfɔɛ ko gbe na, loo jijɔ, loo apletsi ngɛ he kpa ko nɛ pi kpe he bo tsu ɔ sinya a nya, nɛ e kɛ ba sã bɔ ha Yawɛ ɔ, e tɔ mlaa. Jamɛatsɛ ɔ pue muɔ si. Á je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.