Mose III, 3:17 - BAIBLO ALOO NGMAMI KLƆUKLƆU Ɔ

¹⁷ Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Mose III, 3:17 ပူးပေါင်းရင်းမြစ်များ

Mose I, 9:4

Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi.

Mateo 26:28

Enɛ ɔ ji ye muɔ nɛ a kɛ sɔu Mawu somi ɔ nya. A plɛ ye muɔ ɔ ngɔ pue si ha nihi fuu, konɛ a ngɔ a he yayamihi ngɔ pa mɛ.

Mose V, 15:23

Se a muɔ lɛɛ nyɛ ko ye; nyɛɛ tsɛ̃ ngɔ pue si kaa nyu.

Mose V, 12:23

Lo kɛ e mi muɔ lɛɛ nyɛ ko ye kɔkɔɔkɔ; ejakaa wami ngɛ muɔ ɔ mi, nɛ e sɛ kaa nyɛ yeɔ lo kɛ e mi wami ɔ tsuo.

Mose III, 7:23

e de Israel bi ɔmɛ ke, á ko ye zɔ, na zɔ jio, jijɔ zɔ jio, apletsi zɔ jio.

Mose V, 12:16

Se muɔ lɛɛ, kaa niye ní ɔ, nyɛ ko ye; nyɛɛ tsɛ̃ pue zugba kaa nyu.

Mose III, 17:7

Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Mose III, 6:18

Aaron binyumu ɔmɛ pɛ nɛ a ngɛ he blɔ nɛ a yeɔ nɔ́ nɛ ɔ eko kaa niye ní bɔ nɛ a kɛ ba ha Yawɛ ɔ, mɛɛ a blɔ fa mi nɔ́.

Mose III, 3:16

Osɔfo ɔmɛ nɛ a sã enɛ ɔmɛ tsuo ngɛ bɔ sami la tɛ ɔ nɔ, kaa niye ní bɔ nɛ a kɛ la sãã nɛ jee via. Zɔ ɔ tsuo pɛpɛɛpɛ ɔ, Yawɛ nɔ́.

Efesobi 5:26

Kristo ngɔ sane kpakpa a, nɛ e kɛ tsu asafo ɔ he kaa bɔ nɛ a kɛ nyu fɔɔ nɔ he ha lɛ ɔ, nɛ e kɛ pee lɛ klɔuklɔu.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Ezekiel 33:25

“De mɛ ke imi Nyɔmtsɛ Yawɛ, bɔ nɛ i ngɛ dee ji, nyɛ yeɔ lo nɛ muɔ ngɛ mi. Nyɛ jaa amagahi. Nyɛ pueɔ muɔ si. Mɛni ha nɛ nyɛ susuɔ kaa nyɛ nɔ ji zugba a?

Mose V, 32:14

Na amɛ, kɛ to ɔmɛ ha nyɔ nyu babauu; e ha ma a jijɔ, apletsi, kɛ na kpakpahi; a ye ní kpakpa, nɛ a nu dã kpakpa.

Mose III, 23:14

Nyɛ ko ye blɛfo kpokploku, loo blɛfo nɛ a sã, loo abolo kɛ yaa si be nɛ nyɛ maa ngɔ nyɛ Mawu ɔ bɔ kɛ ba ha lɛ. Enɛ ɔ ji mlaa nɛ maa fɔ si kɛ ha nyɛ yi nɔ ɔmɛ tsuo ngɛ nyɛ hi he ɔmɛ tsuo kɛ yaa neneene.

Mose III, 7:36

Jamɛ a ligbi ɔ nɛ Yawɛ pɔ mɛ nu ɔ nɛ e fa Israel bi ɔmɛ ke a ngɔ bɔ nɛ a sãã a mi fa nɛ ɔ ngɔ ha mɛ. E ji mlaa nɛ fɔɔ si ha Israel bi ɔmɛ kɛ a nina tsuo kulaa yi nɔhi tsuo.

1 Timoteo 4:4

Nɔ́ tsuaa nɔ́ nɛ Mawu bɔ ɔ hi. Wa ko kua ekoeko; mohu ɔ, wa sɔ́le nɔ́ tsuaa nɔ́, nɛ waa na Mawu si ngɛ he.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Mose IV, 19:21

Mlaa nɛ fɔɔ si daa kɛ ha mɛ ji nɛ ɔ nɛ. Nɔ nɛ fĩaa nyu nɛ a kɛ fɔɔ nɔ he yayami ɔ ngɔ pueɔ nihi a nɔ ɔ, lɛ hu e fɔ e tade ɔmɛ a he; nɛ nɔ tsuaa nɔ nɛ nyu nɛ ɔ eko ma pue e nɔ ɔ, lɛ hu e he tsɔ we kɛ yaa si gbɔkuɛ.

Mose III, 16:34

Á ye mlaa nɛ ɔmɛ a nɔ kɛ ya neneene. Daa jeha a, a maa pee kusumi nɛ ɔ si kake kɛ kpata Mawu ha Israel bi ɔmɛ ngɛ a he yayami ɔmɛ a he. Mose pee kaa bɔ nɛ Yawɛ fa lɛ ɔ.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose III, 4:1

Yawɛ de Mose

Mose III, 6:22

Kɛ je be nɛ ɔ mi kɛ yaa a, Aaron nina tsuo nɛ ma ba sɔmɔ kaa osɔfo nɔkɔtɔma a, e sã bɔ nɛ ɔ. E sã lɛ tsuo kɛ ha Yawɛ.

Mose III, 7:34

Lohwe ɔ gugue, kɛ e hiɔ nɔ fiɔ ji nike ní pɔtɛɛ nɛ Yawɛ he ngɛ Israel bi ɔmɛ a dɛ kɛ ha osɔfo ɔmɛ. Nike ní nɛ ɔ ji nɔ́ nɛ sa nɛ Israel bi ɔmɛ nɛ ha osɔfo ɔmɛ be tsuaa be.

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Mose III, 10:15

Fiɔ ɔ, kɛ gugue ɔ nɛ a fɔɔ kɛ yaa kɛ baa ngɛ Yawɛ hɛ mi ɔ, á ngɔ kɛ piɛ zɔ ɔ nɛ a kɛ la sãã a he kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Fiɔ ɔ, kɛ gugue ɔ maa pee o kɛ o binyumu ɔmɛ nyɛ nɔ́ kɛ yaa neneene kaa bɔ nɛ Yawɛ fa a.”

Mose III, 16:29

Enɛ ɔ maa pee mlaa nɛ fɔɔ si kɛ yaa neneene. Nyɔhiɔ kpaagone ɔ we ligbi nɛ ji nyɔngma a, Israel fɔfɔɛ, kɛ nibwɔhi nɛ ngɛ a kpɛti tsuo maa ha hwɔ, nɛ a be nɔ́ ko nɔ́ ko tsue.

Mose III, 23:21

Jamɛ a ligbi ɔ, nɔ ko nɔ ko kó tsu ní tsumi kpakpataa ko, se nyɛ bua nyɛ he nya, nɛ nyɛ ja Mawu. Enɛ ɔ ji mlaa nɛ maa fɔ si kɛ maa ya neneene ha nyɛ yi nɔ ɔmɛ tsuo pɛpɛɛpɛ ngɛ nyɛ sihi he ɔmɛ tsuo.

Mose III, 24:3

Aaron nɛ ya su kane ɔmɛ daa gbɔkuɛ, nɛ a hi tsoe ngɛ Yawɛ hɛ mi kɛ yaa si mɔtu. E kɛ ma tsu mi pomi bo ɔ nɛ tsi somi daka a hɛ mi ɔ se, ngɛ he klɔuklɔu pe kulaa a. Enɛ ɔ ji mlaa nɛ maa fɔ si kɛ ha nyɛ yi nɔhi tsuo kulaa kɛ yaa neneene.

Mose II, 28:43

Aaron kɛ e binyumu ɔmɛ nɛ a wo fiɔ mi tade nɛ ɔmɛ be tsuaa be nɛ a ma kpe he bo tsu ɔ mi ɔ, aloo ke a ma sɔmɔmi ngɛ bɔ sami la tɛ ɔ he ngɛ he klɔuklɔu ɔ. Ke pi ja a, musu maa tloo mɛ nɛ a ma gbo. Enɛ ɔ nɛ pee mlaa nɛ fɔɔ si kɛ yaa neneene kɛ ha Aaron kɛ e weku kɛ nina.

Mose III, 6:15

É piti mamu bukɔbukɔ, kɛ nu ɔ, kɛ tsopa kɛ e he via nɛ ngɛ niye ní bɔ ɔ nɔ ɔ tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ, konɛ e je via liliili, nɛ e pee kaimi nɔ ha Yawɛ.

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Mose III, 24:9

Abolo nɛ ɔ maa pee Aaron kɛ e nina a nɔ́. A ye ngɛ he ko nɛ ngɛ klɔuklɔu, ejakaa niye ní nɛ a kɛ ba sãã bɔ ha Yawɛ ɔ peeɔ osɔfo ɔmɛ a nɔ́; e ji nɔ́ klɔuklɔu.

Mose V, 12:24

Nyɛ ko ngɔ muɔ kɛ pee niye ní; mohu nyɛɛ tsɛ̃ pue zugba kaa nyu.

Kronika II, 29:35

Ngɛ lohwehi babauu nɛ a ngɔ kɛ ba sã sami bɔ ɔmɛ a se ɔ, a kɛ zɔ ba sã tue mi jɔmi bɔ, nɛ a ngɔ wai bɔhi hu kɛ piɛ sami bɔ ɔmɛ a he. Bɔ nɛ pee nɛ a bɔni Yawɛ jami ngɛ e we ɔ mi ekohu ji nɛ ɔ nɛ.