Mose III, 3:16 - BAIBLO ALOO NGMAMI KLƆUKLƆU Ɔ

¹⁶ Osɔfo ɔmɛ nɛ a sã enɛ ɔmɛ tsuo ngɛ bɔ sami la tɛ ɔ nɔ, kaa niye ní bɔ nɛ a kɛ la sãã nɛ jee via. Zɔ ɔ tsuo pɛpɛɛpɛ ɔ, Yawɛ nɔ́.

Mose III, 3:16 ပူးပေါင်းရင်းမြစ်များ

Mateo 22:37

Yesu he nɔ ke, “ ‘Suɔ Nyɔmtsɛ, o Mawu ɔ kɛ o tsui tsuo, kɛ o klaa tsuo, kɛ o juɛmi tsuo.’

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Kronika II, 7:7

Salomo tsukɔ kue ɔ kpɛti je ɔ nɛ ngɛ Yawɛ we ɔ hɛ mi ɔ he. Lejɛ ɔ lɛ e sã sami bɔ ɔmɛ, niye ní bɔ ɔmɛ, kɛ tue mi jɔmi bɔ ɔ e zɔ ɔ ngɛ; ejakaa akɔblee bɔ sami la tɛ ɔ klee we nɛ a maa sã bɔ nɛ ɔmɛ tsuo ngɛ nɔ.

Mose III, 17:6

Osɔfo ɔ nɛ fĩa muɔ ɔ kɛ pue Yawɛ bɔ sami la tɛ ɔ nɔ ngɛ kpe he bo tsu ɔ sinya a nya, konɛ é sã zɔ ɔ kaa bɔ nɛ jee via ngɛ Yawɛ hɛ mi.

Mose III, 9:24

Tlukaa a, Yawɛ ha nɛ la ba, nɛ e ba sã sami bɔ ɔ, kɛ zɔ ɔ nɛ ngɛ bɔ sami la tɛ ɔ nɔ ɔ. Benɛ ni ɔmɛ tsuo na nɔ́ nɛ ɔ, a he ose, nɛ a kɛ a hɛ mi bu si.

Mose III, 8:25

Jehanɛ, e ngɔ zɔ ɔ kɛ e hlemi ɔ, kɛ zɔ ɔ tsuo nɛ ngɛ mi ní ɔmɛ a he ɔ, fafali ɔ he nɛ hi pe kulaa a, se tso mi ngmɛ enyɔ ɔmɛ kɛ a he zɔ ɔ, kɛ hiɔ nɔ fiɔ ɔ.

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose II, 29:22

“Akɛnɛ osɔfo womi bɔ sami to ji agbosu ɔ he je ɔ, mo je e he zɔ ɔ, e hlemi nɛ wo zɔ ɔ, kɛ zɔ nɛ ha e mi ní ɔmɛ a he ɔ, nɔ́ nɛ ha e ko ɔ he ɔ, se tso mi ngmɛ enyɔ ɔmɛ kɛ a he zɔ ɔ, kɛ e hiɔ fiɔ ɔ.

Mose II, 29:13

Jehanɛ, mo je zɔ nɛ ha mi ní ɔmɛ a he ɔ, ko ɔ, se tso mi ngmɛ enyɔ ɔmɛ, kɛ zɔ nɛ bɔle mɛ ɔ; nɛ o sã enɛ ɔmɛ tsuo ngɛ bɔ sami la tɛ ɔ nɔ.

Kronika II, 29:35

Ngɛ lohwehi babauu nɛ a ngɔ kɛ ba sã sami bɔ ɔmɛ a se ɔ, a kɛ zɔ ba sã tue mi jɔmi bɔ, nɛ a ngɔ wai bɔhi hu kɛ piɛ sami bɔ ɔmɛ a he. Bɔ nɛ pee nɛ a bɔni Yawɛ jami ngɛ e we ɔ mi ekohu ji nɛ ɔ nɛ.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Mose I, 4:4

Habel hu ngɔ kekleekle bi nɛ e jijɔ ɔmɛ eko fɔ ɔ kɛ ba. E gbe lɛ, nɛ e kɛ lo ɔ hehi nɛ wo zɔ ɔ sã bɔ. Yawɛ bua jɔ Habel kɛ e bɔ ɔ he.