Mose III, 3:1 - BAIBLO ALOO NGMAMI KLƆUKLƆU Ɔ

¹ Ke nɔ ko ngɔ na kɛ ma tue mi jɔmi bɔ sami ha Yawɛ ɔ, eku jio, eyo jio, e pee na nɛ kpa ko be e he.

Mose III, 3:1 ပူးပေါင်းရင်းမြစ်များ

Mose IV, 6:14

nɛ e ba sã bɔ ha Yawɛ ngɛ lejɛ ɔ. É ngɔ jijɔ ku kake nɛ ye jeha kake, nɛ kpa ko kpa ko be e he kɛ ba sã sami bɔ. É ngɔ jijɔ yo kake nɛ ye jeha kake, nɛ kpa ko kpa ko be e he kɛ ba sã yayami pami bɔ; nɛ e ngɔ agbosu kake hu nɛ kpa ko kpa ko be e he kɛ ba sã tue mi jɔmi bɔ.

Mose III, 1:3

Ke na nɔ ɔ kɛ ma sami bɔ sami ɔ, é ngɔ na ku nɛ kpa ko be e he kɛ ba. E kɛ na a nɛ ba kpe he bo tsu ɔ sinya a nya, konɛ e sa Yawɛ hɛ mi nɛ e ngɔ.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Malaki 1:8

Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”

Abɛ Womi 7:14

“I wo si ke ma sã bɔ ko; nɛ mwɔnɛ ligbi nɛ ɔ, i ye ye siwo ɔ nɔ.

Kronika I, 21:26

E ma bɔ sami la tɛ kɛ ha Yawɛ ngɛ lejɛ ɔ, nɛ e sã sami bɔhi, kɛ tue mi jɔmi bɔhi. E fa kue ha Yawɛ, nɛ Yawɛ bu e kue fami ɔ tue. Yawɛ ha nɛ la je hiɔwe ba sã ní ɔmɛ ngɛ bɔ sami la tɛ ɔ nɔ.

Manyadali 21:4

E nɔ jena a, ma a te si makɛ mla nɛ a ma bɔ sami la tɛ ngɛ lejɛ ɔ, nɛ a sã sami bɔhi, kɛ tue mi jɔmi bɔhi.

Manyadali 20:26

Kɛkɛ nɛ Israel tabo ɔ, kɛ ma a tsuo pue nɔ kɛ ho Betel ya, nɛ a ya wo yana. A ya hi si ngɛ Yawɛ hɛ mi, nɛ a ha hwɔ jamɛ a ligbi ɔ kɛ ya si gbɔkuɛ. A sã sami bɔhi, kɛ tue mi jɔmi bɔhi ngɛ Yawɛ hɛ mi;

Mose III, 17:5

Mlaa nɛ ɔ tsɔɔ kaa jehanɛ lɛɛ Israel bi ɔmɛ nɛ a ngɔ lohwe ɔmɛ nɛ a gbee ngɛ nga nɔ ɔ kɛ ba ha osɔfo ɔ ngɛ kpe he bo tsu ɔ sinya a nya. Á gbe lohwe ɔ ngɛ lejɛ ɔ kɛ sã tue mi jɔmi bɔ ha Yawɛ.

Mose II, 29:28

Ní nɛ ɔmɛ maa pee Aaron kɛ e binyumu ɔmɛ a blɔ nya ní; ejakaa e ji mlaa nɛ fɔɔ si kɛ yaa neneene kaa ke Israel bi ɔmɛ ba sã bɔ ɔ, lohwe ɔ gugue, kɛ e fiɔ ɔ nɛ pee osɔfo ɔmɛ a nɔ́. Enɛ ɔ ji nike ní nɛ ma a kɛ ba ke Yawɛ.

Mose II, 24:5

Lɔ ɔ se ɔ, e tsɔ nihewi ɔmɛ ekomɛ nɛ a kɛ nahi ya sã sami bɔ, kɛ tue mi jɔmi bɔ kɛ ha Yawɛ.

Mose II, 20:24

Nyɛɛ ngɔ zu kɛ puɛ bɔ sami la tɛ ha mi, nɛ nyɛɛ ngɔ jijɔ, kɛ na kɛ pee sami bɔ, kɛ tue mi jɔmi bɔ ngɛ nɔ. He tsuaa he nɛ i fa nyɛ ke nyɛ ja mi ngɛ ɔ, ma ba lejɛ ɔ nɛ ma ba gbaa nyɛ.

Mose III, 3:6

Ke nɔ ko ngɔ jijɔ, loo apletsi kɛ ma tue mi jɔmi bɔ sami ha Yawɛ ɔ, eku jio, eyo jio, e pee lohwe nɛ kpa ko be e he.

Mose III, 9:18

E gbe na ku ɔ, kɛ agbosu ɔ kɛ sã tue mi jɔmi bɔ kɛ ha ma a. E binyumu ɔmɛ ngɔ muɔ ɔ kɛ ba ha lɛ, nɛ e tsɛ̃ kɛ pue bɔ sami la tɛ ɔ he kɛ kpe.

Mose IV, 15:8

Ke nyɛɛ kɛ na ku ma sami bɔ, loo si womi nɔ yemi bɔ, loo tue mi jɔmi bɔ sami ha Yawɛ ɔ,

Mose V, 12:27

Nyɛɛ sã nyɛ sami bɔ ɔmɛ, lo kɛ muɔ tsuo pɛpɛɛpɛ ngɛ Yawɛ bɔ sami la tɛ ɔ nɔ. Nyɛ bɔ kpa amɛ lɛɛ nyɛ kpa muɔ ɔ ngɔ pue bɔ sami la tɛ ɔ nɔ, nɛ nyɛɛ ye lo ɔ.

Ezekiel 43:27

Ke a gbe ligbi kpaago ní tsumi ɔ nya a, kɛ je ligbi kpaanyɔ ɔ hluu kɛ yaa a, osɔfo ɔmɛ nɛ a sã sami bɔ ɔmɛ, kɛ tue mi jɔmi bɔ ɔmɛ ngɛ bɔ sami la tɛ ɔ nɔ. Kɛkɛ ɔ, ye bua maa jɔ ma a tsuo he. Imi, Nyɔmtsɛ Yawɛ lɛ i de.”

Mose III, 1:10

Se ke to nɛ nɔ ɔ kɛ ma sami bɔ sami ɔ, é pee agbosu, aloo akpakpo nɛ kpa ko be e he.

Mose III, 9:4

Á ngɔ na ku, kɛ agbosu kɛ ba sã tue mi jɔmi bɔ ha Yawɛ kɛ piɛ niye ní bɔ nɛ a futu mi nu ɔ he. Á pee nɔ́ nɛ ɔ, ejakaa Yawɛ ma je e he kpo kɛ tsɔɔ mɛ mwɔnɛ ɔ.”