Mose III, 27:9 - BAIBLO ALOO NGMAMI KLƆUKLƆU Ɔ

⁹ Ke lohwe nɛ a kɛ sãã bɔ ji nɔ́ nɛ nɔ ɔ wo si kaa e ma ha Yawɛ ɔ, lɛɛ lohwe tsuaa lohwe kaa kikɛ nɛ ɔ nɛ a wo si ɔ peeɔ klɔuklɔu.

Mose III, 27:9 ပူးပေါင်းရင်းမြစ်များ

Mose III, 27:8

Ke nɔ nɛ wo si ɔ ya pee ohiatsɛ nɛ be nyɛe nɛ e ma ha sika a kaa bɔ nɛ a tsɔɔ ɔ, lɛɛ e ngɔ nɔ ɔ kɛ ba ha osɔfo ɔ, nɛ osɔfo ɔ nɛ wo jua bɔ nɛ nɔ nɛ wo si ɔ ma nyɛ ma ha.

Mose III, 27:10

Nɔ nɛ wo si ɔ kó kpale e nya se. Jehanɛ se hu, e ko tsake lɛ kɛ lohwe kpa. E ko ngɔ lohwe kpakpa kɛ tsake lohwe yaya, nɛ e ko ngɔ lohwe yaya hu kɛ tsake lohwe kpakpa. Ke e pee ja a, kekle lohwe ɔ, kɛ nɔ́ nɛ ji enyɔ ɔ tsuo maa pee Yawɛ níhi.

Mose III, 5:15

ke nɔ ko li e he be nɛ e pee yayami kɛ si Mawu, lɔ ɔ ji kaa e ha we Yawɛ ní klɔuklɔu ɔmɛ nɛ sa nɛ e ha lɛ sisiisi ɔ, é ngɔ agbosu nɛ kpa ko be e he kɛ ba. Lohwe ɔ jua nɛ pee bɔ nɛ he klɔuklɔu ɔ mlaa a tsɔɔ ɔ. Fɔ yemi bɔ ji nɛ ɔ nɛ.

Abɛ Womi 20:25

Mo susu o yi mi saminya loko o wo Mawu si, konɛ e ko ba pee klama nɛ maa du mo pee se.

Fiɛlɔ 5:6

Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Ezekiel 48:14

Zugba a he nɛ a gbaa nɔ kɛ ha Yawɛ ɔ ji he nɛ hi pe kulaa. Á ko jua eko; a ko tsake kɛ ha nɔ ko; ejakaa e ji zugba klɔuklɔu nɛ a gbaa nɔ kɛ ha Yawɛ.

Mateo 15:5

Se nyɛɛ lɛɛ nyɛ deɔ ke, nɔ tsuaa nɔ nɛ ma de e tsɛ, loo e nyɛ ke, ‘Nɔ́ ko nɛ jinɛ o ko ná ngɛ ye dɛ mi ɔ, i ngɔ kɛ ke Mawu’ ɔ, lɛɛ e hia we kaa e bu e tsɛ loo e nyɛ hu.