Mose III, 27:3 - BAIBLO ALOO NGMAMI KLƆUKLƆU Ɔ

^3-7 Kaa bɔ nɛ jua a ngɛ ɔ, nyumu nɛ ye kɛ je jeha nyingmi enyɔ kɛ yaa si nyingmi ekpa a, e he jua ji sika hiɔ yi nyingmi enuɔ. Yo hu nɔ́ ji sika hiɔ yi nyingmi etɛ. Niheyo nɛ ye kɛ je jeha enuɔ kɛ ya si nyingmi enyɔ ɔ, e he jua ji sika hiɔ yi nyingmi enyɔ. Yiheyo he jua ji sika hiɔ yi nyɔngma. Bimwɔyo nɛ ye kɛ je nyɔhiɔ kake kɛ yaa si jeha enuɔ ɔ, nyumuyo jua ji sika hiɔ yi enuɔ, yoyo nɔ́ ji sika hiɔ yi etɛ. Nɔ nɛ ye jeha nyingmi ekpa kɛ se ɔ, nyumu he jua ji sika hiɔ yi nyɔngma kɛ enuɔ, nɛ yo nɔ ji sika hiɔ yi nyɔngma.

Mose III, 27:3 ပူးပေါင်းရင်းမြစ်များ

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose IV, 18:16

Níhi nɛ a ma kpɔ ɔ, ke a ye nyɔhiɔ kake pɛ a kpɔ mɛ. Jua nɛ a po fɔ si kɛ ha a kpɔmi ji sika hiɔ yi enuɔ, kaa bɔ nɛ he klɔuklɔu ɔ jua nɛ a po ɔ ngɛ ɔ.

Mose III, 27:25

Jua amɛ tsuo pɛpɛɛpɛ nɛ a maa wo ɔ, a pee kaa bɔ nɛ he klɔuklɔu ɔ mlaa a tsɔɔ ɔ.

Matsɛmɛ II, 12:4

Ligbi ko ɔ, Yoash de osɔfo ɔmɛ ke sika tsuo pɛpɛɛpɛ nɛ ma a kɛ baa Yawɛ we ɔ kaa nike ní klɔuklɔu ɔ, a ngɔ kɛ to. Lɔ ɔ ji sika nɛ nyumu tsuaa nyumu haa be mi nɛ a kane lɛ, sika nɛ nɔ tsuaa nɔ haa kɛ kpɔɔ e susuma, kɛ sika nɛ nɔ ko haa kɛ jeɔ lɛ nitsɛ e tsui mi.

Mose IV, 3:47

Bi tsuaa bi ɔ, á ngɔ sika hiɔ yi enuɔ kɛ kpɔ lɛ kaa bɔ nɛ he klɔuklɔu jua nɛ a po ɔ ngɛ ɔ.

Mose III, 27:14

Ke nɔ ko gbaa e we nɔ kɛ ha Yawɛ ɔ, osɔfo ɔ nɛ hyɛ kaa we ɔ hi, loo e hí, konɛ e wo he jua. Jua nɛ osɔfo ɔ maa tsɔɔ ɔ, lɔ ɔ ji nɔ́ nɛ a maa ngɔ.

Mose III, 6:6

Jehanɛ hu, é ngɔ agbosu nɛ kpa ko be e he, loo nɔ́ ko nɛ he jua kɛ lɛ sɔ kɛ ba ha osɔfo ɔ, nɛ e kɛ sã bɔ ha Yawɛ kaa yayami nɛ e pee ɔ nane mi tomi nɔ́.

Mose III, 5:15

ke nɔ ko li e he be nɛ e pee yayami kɛ si Mawu, lɔ ɔ ji kaa e ha we Yawɛ ní klɔuklɔu ɔmɛ nɛ sa nɛ e ha lɛ sisiisi ɔ, é ngɔ agbosu nɛ kpa ko be e he kɛ ba. Lohwe ɔ jua nɛ pee bɔ nɛ he klɔuklɔu ɔ mlaa a tsɔɔ ɔ. Fɔ yemi bɔ ji nɛ ɔ nɛ.

Mose II, 38:24

Sika tsu tsuo pɛpɛɛpɛ nɛ a kɛ tsu ní ngɛ he klɔuklɔu ɔ, nɛ ji sika tsu nɛ a ngɔ kɛ ba sã bɔ ɔ, e jiimi ji kilo akpe ngɛ he klɔuklɔu ɔ susumi nɔ́ ɔ nya.