Mose III, 27:16 - BAIBLO ALOO NGMAMI KLƆUKLƆU Ɔ

¹⁶ Ke nɔ ko gbaa e zugba mi fa ko nɛ ji e weto ní nɔ kɛ ha Yawɛ ɔ, a da ní abɔ nɛ a duɔ ngɛ zugba a mi ɔ hiɛmi nɔ, konɛ a kɛ wo he jua. Ngma nɛ maa su kilo nyingmi enyɔ ɔ, a he sika hiɔ yi nyɔngma ngɛ he.

Mose III, 27:16 ပူးပေါင်းရင်းမြစ်များ

Ni Tsumi 5:4

Benɛ zugba a ngɛ ɔ, o nɔ́; nɛ benɛ o jua a hu sika a mo nitsɛ o nɔ́. Mɛni he je o to o yi mi, nɛ o pee yayami kaa kikɛ nɛ ɔ? Nɔ́ nɛ o pee nɛ ɔ, pi adesa nɛ o ye lakpa, se Mawu!”

Hosea 3:2

Lɔ ɔ he ɔ, i ngɔ sika hiɔ yi nyɔngma kɛ enuɔ, kɛ ngma tsimi lafa kɛ nyingmi enuɔ kɛ kpɔ ye yo ɔ.

Yesaya 5:10

Wai ngmɔ nɛ na nyɔngma ma hu ligbi kake ɔ ma ha wai yiblii bɔbɔyoo pɛ; nɛ wuhi nɛ a du ngɛ ngmɔ kpa nyɔngma mi ɔ, kpa kake pɛ nɔ yiblii a ma na ngɛ ngmɔ ɔ tsuo mi. A ma hu gbajaa nɛ a ma du ní fuu, se yiblii bɔbɔyoo pɛ a ma na kɛ maa je a dengme gbomi ɔ mi.”

Mose III, 27:15

Jehanɛ, ke nɔ ɔ ngɛ hlae nɛ e kpɔ e we ɔ, e ngɔ e we ɔ he jua a mi dlami enuɔ mi kake kɛ piɛ jua a he, kɛkɛ ɔ, we ɔ maa pee e nɔ́ ekohu.

Mose III, 27:17

Ke Heyemi jeha a se pɛ nɛ nɔ ko gbaa e zugba nɔ kɛ ha Yawɛ ɔ e wo jua nɛ a tsɔɔ ɔ sisiisi.