Mose III, 26:5 - BAIBLO ALOO NGMAMI KLƆUKLƆU Ɔ

⁵ Nyɛ ngmɔ ɔmɛ maa ba ní saminya; nyɛ maa hi blɛfo kpɔe hluu kɛ yaa si wai yiblii nya buami be; nɛ nyɛ maa hi wai yiblii nya buae hluu kɛ maa su blɛfo dumi be ekohu. Nyɛ maa ye ní, nɛ nyɛ maa tɔ; nyɛ maa hi si ngɛ tue mi jɔmi mi ngɛ zugba a nɔ.

Mose III, 26:5 ပူးပေါင်းရင်းမြစ်များ

Amos 9:13

Yawɛ ke, “Be ma nɛ nyɛ zugba a maa ba ní babauu. Ke nyɛ du ní ɔ, ní kpali a nine be he kpee. Wai yiblii hu maa ba fuu nɛ wai peeli be deka nae kulaa. Wai dɔkɔdɔkɔ ma tsle kɛ je yo ɔmɛ a nɔ kɛ pue si.

Yoel 2:26

Jehanɛ lɛɛ, nyɛ maa ye ní nɛ nyɛ maa tɔ. Nyɛ ma je Yawɛ, nyɛ Mawu ɔ yi ngɛ nyakpɛ níhi nɛ e tsu ha nyɛ ɔ he. A be ye ma a ahlua bɔe ligbi ko ligbi ko hu.

Yoel 2:19

Yawɛ de e ma a ke, “Jehanɛ ma ha nyɛ blɛfo, kɛ wai, kɛ oliv nu bɔ nɛ maa su nyɛ nya; je ma kpa amɛ be nyɛ ahlua bɔe hu.

Abɛ Womi 1:33

Se nɔ tsuaa nɔ nɛ buɔ mi tue ɔ, e maa hi si ngɛ he jɔmi mi, nɛ e be gbeye yee kaa haomi ko maa ba e nɔ.”

Mose V, 11:15

Nyɛ ma na nga hu kɛ ha nyɛ na amɛ, nɛ nyɛ maa ye ní nɛ nyɛ maa tɔ.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Hosea 2:18

Jamɛ a be ɔ, i kɛ nga mi lohwe awi yeli, kɛ lohwe pɛlitsɛmɛ tsuo maa so, nɛ a be ye ma a awi yee hu. Ma ha klaate, kɛ̃ɛ̃, kɛ ta hwumi ní kpahi tsuo a se maa po ngɛ zugba a nɔ, nɛ ye ma a maa hi si ngɛ tue mi jɔmi, kɛ he jɔmi mi.

La 144:13

Wa blɛfo gba amɛ nɛ a hyi tɔ kɛ ngma, nɛ a na niye ní slɔɔtoslɔɔtohi ngɛ lejɛ ɔ; wa to ɔmɛ hu nɛ a fɔ babauu akpeakpe abɔ ngɛ kɔpe ɔmɛ a mi.

Yesaya 1:19

Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Hosea 2:20

Ma ye ye siwo ɔ nɔ, nɛ ma ngɔ mo kɛ pee ye nɔ́, nɛ mo hu o ma tsɛ mi ke Yawɛ.

Yoel 2:22

Nyɛ nga mi lohwehi, nyɛ ko ye gbeye. Nga mumu puɛ ngɛ nga a nɔ ngɛ lohwe lɛmi he ɔmɛ; tso ɔmɛ ngɛ yiblii woe; ngmɔkɔ kɛ wai ba babauu.