Mose III, 26:4 - BAIBLO ALOO NGMAMI KLƆUKLƆU Ɔ

⁴ ma ha hiɔmi maa nɛ ngɛ e be mi; zugba a maa ba ní babauu, nɛ tso ɔmɛ maa wo yiblii.

Mose III, 26:4 ပူးပေါင်းရင်းမြစ်များ

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

La 67:6

Zugba a ba ní saminya. Mawu gbaa wɔ, wa Mawu ɔ gbaa wɔ.

Ezekiel 36:30

Ma ha tso yiblii, kɛ ngmɔ niba ní maa hiɛ babauu, konɛ hwɔ ko ye nyɛ nɛ nyɛ pue nyɛ hɛ mi si ngɛ je ma amɛ a kpɛti hu.

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Hiob 5:10

Lɛ nɛ e haa nɛ hiɔmi nɛɔ kɛ pueɔ zugba; nɛ e haa nɛ ngmɔ ɔmɛ naa nyu.

Mose V, 28:12

Yawɛ ma ha hiɔmi maa nɛ ngɛ e be mi; e maa gbaa nyɛ ní tsumi tsuo pɛpɛɛpɛ. Mahi babauu ma ba pa ní ngɛ nyɛ dɛ, se nyɛɛ lɛɛ e be nyɛ hiae kaa nyɛ ya pa nɔ́ ko ngɛ ma ko ma ko dɛ.

Mose V, 11:14

Ke nyɛ pee ja a, e ma ha hiɔmi maa nɛ ngɛ e be mi gbo kɛ gbiɛ tsuo, nɛ nyɛ ma na blɛfo, wai, kɛ nu.

Mose III, 25:21

Yawɛ maa gbaa zugba a, nɛ niye ní babauu maa ba ngɛ jeha ekpane ɔ mi, nɛ nyɛ ma na jeha etɛ nya niye ní jamɛ a jeha a.

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

Mateo 5:45

konɛ nyɛɛ pee nyɛ Tsɛ nɛ ngɛ hiɔwe ɔ bimɛ. Ejakaa e haa e pu ɔ jee ngɛ nimli yayamihi, kɛ nimli kpakpahi a nɔ; nɛ e haa hiɔmi nɛɛ ha nihi nɛ peeɔ nɔ́ nɛ da, kɛ nihi nɛ peeɔ nɔ nɛ dɛ tsuo.

La 85:12

Niinɛ, Yawɛ ma ha wɔ ní kpakpahi, nɛ wa zugba a maa ba ní bɔ nɛ sa.

La 68:9

Mawu, o ha hiɔmi nɛ babaaba kɛ ha zugba a tsuo nɔ; kɛkɛ nɛ zugba nɛ gbo ɔ ba ní saminya ekohu.

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

La 104:13

O haa nɛ nyu nɛɛ kɛ jeɔ hiɔwe kɛ pueɔ yo ɔmɛ a nɔ; nɛ je ɔ mi hyi tɔ kɛ o gbaami sɔuu.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Mose III, 25:19

Zugba a maa ba ní, nɛ nyɛ maa ye ní nɛ nyɛ maa tɔ; nɛ nyɛ maa hi zugba a nɔ ngɛ he jɔmi mi.

Mose V, 11:13

“Lɔ ɔ he ɔ, nyɛɛ ye mlaa amɛ nɛ i ngɛ nyɛ woe mwɔnɛ ɔ a nɔ; nyɛɛ suɔ Yawɛ, nyɛ Mawu ɔ, nɛ nyɛ ja lɛ kɛ nyɛ tsui tsuo.

La 67:7

Mawu gbaa wɔ; je ɔ tsuo nɛ a ye lɛ gbeye!

La 85:13

Dami maa nyɛɛ Yawɛ hɛ mi, nɛ e ma dla blɔ ngɔ to lɛ.

Yoel 2:22

Nyɛ nga mi lohwehi, nyɛ ko ye gbeye. Nga mumu puɛ ngɛ nga a nɔ ngɛ lohwe lɛmi he ɔmɛ; tso ɔmɛ ngɛ yiblii woe; ngmɔkɔ kɛ wai ba babauu.