Mose III, 26:34 - BAIBLO ALOO NGMAMI KLƆUKLƆU Ɔ

³⁴ Kɛkɛ ɔ, jeha abɔ nɛ sa kaa zugba a nɛ jɔɔ e he nɛ nyɛ ngmɛ́ blɔ ɔ, jehanɛ lɛɛ e ma na.

Mose III, 26:34 ပူးပေါင်းရင်းမြစ်များ

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Mose III, 26:43

Kekleekle ɔ, ja a je zugba a nɔ, nɛ zugba a jɔɔ e he kulaa. Lɔ ɔ se ɔ, ja a kplɛ, nɛ a gbla a tue saminya kaa a kua ye mlaa amɛ, kɛ ye blɔ nya tomi ɔmɛ.

Mose III, 25:10

Bɔ nɛ nyɛ maa pee jeha nɛ ji nyingmi enuɔ ɔ klɔuklɔu ji nɛ ɔ nɛ. Nyɛɛ fiɛ kɛ ha zugba a nɔ bi ɔmɛ tsuo ke Heyemi be ɔ su oo. E maa pee nyami jeha ha nyɛ. Jamɛ a jeha a, weto ní tsuaa weto ní nɛ nɔ ko kɛ to awaba a, a kpale kɛ ha nɔtsɛ ɔ, loo e nina. Nɔ tsuaa nɔ nɛ a kɛ lɛ ya to awaba a, e kpale e se kɛ ya e nɔ́ mi, kɛ e weku li a ngɔ ekohu.

Mose III, 26:35

Zugba a maa fɔ si gu, nɛ e maa jɔɔ e he, be mi nɛ nyɛ lɛɛ nyɛ ya je nyɛ he nyɛli a zugba nɔ.

Matsɛmɛ I, 8:46

“Nɔ ko nɔ ko be nɛ pee we yayami. Lɔ ɔ he ɔ, ke e ba mi kaa o ma a pee yayami kɛ si mo, nɛ o mi mi fu mɛ, nɛ o ngɔ mɛ ngɔ wo a he nyɛli a dɛ mi, nɛ a nuu mɛ nyɔguɛ kɛ ho zugba kpa nɔ ya, lejɛ ɔ kɛ jio, e kɛ we jio,

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.