Mose III, 26:16 - BAIBLO ALOO NGMAMI KLƆUKLƆU Ɔ

¹⁶ lɛɛ ma ngɔ amanehlu gbeyegbeye nɛ ɔmɛ kɛ gbla nyɛ tue: hiɔ nɛ be tsa ba, kɛ asla nɛ puɛɔ nɔ hɛngmɛ, nɛ haa nɔ peeɔ hiɔtsɛ kulaa. Nyɛ ma du ní, se nɔ́ kpakpa ko be mi jee; ejakaa nyɛ he nyɛli maa ye nyɛ nɔ, nɛ mɛ mohu a ma ba ye ní ɔmɛ nɛ nyɛ du ɔ.

Mose III, 26:16 ပူးပေါင်းရင်းမြစ်များ

Hiob 31:8

lɛɛ níhi nɛ i du ɔ, ni kpahi nɛ a ba ye; aloo ní ɔmɛ a hɛ mi nɛ kpata.

Samuel I, 2:33

Se kɛ̃, ma ha o nina ko yi ma na wami, nɛ e ma sɔmɔ mi kaa osɔfo. Lɛɛ e hɛ ma yu nɛ e maa hao, se ni nɛmɛ nɛ piɛ ɔ lɛɛ a kɛ klaate maa gbe mɛ tsuo.

Mika 6:15

Nyɛ ma du ní, se nyɛ be ní kpae. Nyɛ maa nga oliv yiblii kɛ pee nu, se nyɛ be nu kpae. Nyɛ maa pee wai, se nyɛ be nue.

Ezekiel 33:10

Yawɛ kɛ mi tu munyu. E ke, “Nɔmlɔ adesa, bɔ nɛ Israel ma a ngɛ dee ji, ‘Wa tɔmi ɔmɛ, kɛ wa he yayami ɔmɛ pee tlomi ngɛ wa nɔ, nɛ e ha wa ngɛ he lo tae. Kɛ wa maa pee kɛ hi je mi kɛɛ?’

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

La 78:33

Enɛ ɔ he je ɔ, e po a wami be ɔ nɔ kpiti, nɛ dengme, kɛ nɔ́ nami sɔuu lɛ ngɛ mi.

Mose V, 28:51

A maa ye nyɛ we mi lohwe ɔmɛ, kɛ nyɛ ngmɔ niba ní ɔmɛ tsuo; se nyɛɛ lɛɛ nyɛ ma gbo kɛ hwɔ. He nyɛli ɔmɛ be ngma, loo wai, loo nu, loo na, loo to piɛe ha nyɛ; nɛ nyɛ ma gbo.

Hebribi 10:31

Nɔ nɛ Mawu hɛ kalɔ ɔ nine maa gbe lɛ ɔ, musu tloo lɛ!

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 15:8

I ha nɛ yalɔyihi a he hiɛ babauu ngɛ nyɛ zugba a nɔ pe wo nya zia. I gbe nyɛ nihewi ɔmɛ ngɛ a nihe mi, nɛ i ha nɛ a nyɛmɛ ɔmɛ na nɔ́. I ha nɛ haomi nɛ nya wa, kɛ ní gbeyegbeyehi ba a nɔ tlukaa.

Yeremia 12:13

Ye ma mi bi ɔmɛ du ngma, se a kpa mio mohu. A gbo dengme, se nɔ́ ko nɔ ko ji mi kɛ bɛ. A ngmɔ ɔmɛ bɛ ní, ejakaa ye mi mi fu mɛ wawɛɛ nitsɛ.”

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 7:2

Benɛ Yuda matsɛ ɔ nu kaa Siria ta a ba sɛ Israel zugba a mi momo ɔ, e kɛ e ma mi bi ɔmɛ tsuo ye gbeye wawɛɛ nitsɛ, nɛ a he do blibliibli kaa tsohi nɛ ngɛ mimiɛe ngɛ kɔɔhiɔ nya.

La 109:6

A deɔ ke, ha nɛ yiwutsotsɛ ko kɛ lɛ nɛ to ní; lɛ nitsɛ e he nyɛlɔ nɛ ya po e nya ngɛ sane yemi he.

La 73:19

Ee, a hɛ mi ma kpata si kake too; a nyagbe maa pee gbeye.

Hiob 20:25

A maa gbla kɛ̃ɛ̃ mi bi kɛ je e nɔmlɔ tso mi. Muɔ maa dɛ kɛ je kɛ̃ɛ̃ mi bi ɔ nya piɔpiɔ nɛ ngɛ kpɛe ɔ he kɛ pue si, nɛ gbeye maa nu lɛ.

Hiob 18:11

Gbeye níhi maa bɔle lɛ kɛ kpe, nɛ daa nɛ ɔ, e maa hi fo nɔ kpla, kpla, kpla!

Manyadali 6:11

Kɛkɛ nɛ Yawɛ bɔfo ɔ ba Ofra, nɛ e ba hi si ngɛ Yoash, Abiezer no ɔ tso ngua a sisi. Jamɛ a be ɔ mi ɔ, e binyumu Gideon ya laa e he, nɛ e ngɛ ngma gbee ngɛ wai muɔ mi, bɔ nɛ pee nɛ Midian bi ɔmɛ ko na lɛ.

Mose V, 32:25

Ta ma kpata nihi a hɛ mi ngɛ gbɛjegbɛ ɔmɛ a nɔ, nɛ sawale maa nu nihi ngɛ a we ɔmɛ a mi. Nihewi kɛ yihewi ma gbo; bimwɔwi kɛ nyumu nikɔtɔmahi hu be a he yee.

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Matsɛmɛ I, 8:37

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi ɔ, haomi tsuaa haomi, aloo hiɔ tsuaa hiɔ nɛ ji ɔ,

Abɛ Womi 3:33

Yawɛ gbiɛmi ngɛ yiwutsotsɛmɛ a wehi a nɔ, se nihi nɛ peeɔ nɔ́ nɛ da a, mɛɛ a hi he ɔ, gbaami sɔuu.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Ezekiel 24:23

Nyɛ yi fimi ní ɔmɛ maa fi nyɛ yi; nyɛ tokota amɛ maa hi nyɛ nane; nyɛ be kɔmɔ yee, nɛ nyɛ be ya foe. Se yayamihi nɛ nyɛ pee ɔ ma ha nyɛ maa ta he lo, nɛ nyɛ ma kɛmɛ kɛ tsɔɔ nyɛ sibi.

Malaki 2:3

Ma gbla nyɛ bimɛ ɔmɛ a tue. Lohwehi nɛ nyɛɛ kɛ ba sãã bɔ ha mi ɔ, ma ngɔ a fĩ kɛ kpa nyɛ hɛ mi. Nɛ a maa ngɔ nyɛ kɛ ya pue kuku nɔ.

Amos 5:11

I le kaa nyɛ peeɔ yayami agboagbohi babauu. Nyɛ waa nimli kpakpahi yi mi. Nyɛ heɔ nyɔ mi ní. Nyɛ sisiɔ ohiatsɛmɛ, nɛ nyɛ plɛɔ dami sane hɛ mi ngɔ buɔ si. Enɛ ɔmɛ a he je ɔ, mɔ kpakpahi nɛ nyɛɛ kɛ tɛ ma a, nyɛ be a mi hie. Jehanɛ se hu, wai ngmɔ saminyawiiwi nɛ nyɛ pee ɔ, nyɛ be a mi dã nue.