Mose III, 24:9 - BAIBLO ALOO NGMAMI KLƆUKLƆU Ɔ

⁹ Abolo nɛ ɔ maa pee Aaron kɛ e nina a nɔ́. A ye ngɛ he ko nɛ ngɛ klɔuklɔu, ejakaa niye ní nɛ a kɛ ba sãã bɔ ha Yawɛ ɔ peeɔ osɔfo ɔmɛ a nɔ́; e ji nɔ́ klɔuklɔu.

Mose III, 24:9 ပူးပေါင်းရင်းမြစ်များ

Mose III, 8:31

Enɛ ɔ se ɔ, Mose de Aaron kɛ e binyumu ɔmɛ ke, “Nyɛ ya hoo lo ɔ ngɛ kpe he bo tsu ɔ sinya a nya, nɛ nyɛɛ ye ngɛ lejɛ ɔ; nyɛɛ ngɔ abolo ɔ nɛ ngɛ kusii nɛ osɔfo womi bɔ sami ní ɔmɛ ngɛ mi ɔ kɛ ye kaa bɔ nɛ Yawɛ fa ke Aaron kɛ e binyumu ɔmɛ pɛ nɛ a ye ɔ.

Luka 6:4

David ya Mawu we ɔ mi, nɛ e kɛ̃ abolo ɔ nɛ a kɛ maa Mawu hɛ ɔ. E ye eko, nɛ e ha e we bi ɔmɛ hu eko nɛ a ye. Wa mlaa a ngmɛ́ blɔ kaa nɔ ko yeɔ jamɛ a abolo ɔ; osɔfo ɔmɛ pɛ lɛ a ngɛ he blɔ nɛ a yeɔ.”

Marko 2:26

lɔ ɔ he ɔ, e ya Mawu we ɔ mi, nɛ e ya ye abolo klɛdɛɛ nɛ a kɛ maa Mawu hɛ mi ɔ. Enɛ ɔ ba mi benɛ Abiatar ngɛ osɔfo nɔkɔtɔma pe kulaa yee ɔ. Wa mlaa a nya a, osɔfo ɔmɛ pɛ lɛ a ngɛ he blɔ nɛ a yeɔ abolo nɛ ɔ, se David ye eko, nɛ e ha nihi nɛ kɛ lɛ nyɛɛ ɔ tete eko nɛ a ye.”

Mateo 12:4

David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Mose III, 10:17

“Mɛni he je nɛ nyɛ yi yayami pami bɔ ɔ ngɛ he klɔuklɔu ɔ? Nyɛ li kaa e ji nɔ́ ko nɛ ngɛ klɔuklɔu, nɛ Mawu kɛ ha nyɛ nɛ nyɛ kɛ je ma a he yayami kɛ kpata Yawɛ kɛ ha mɛ lo?

Mose III, 6:16

Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.

Samuel I, 21:6

Lɔ ɔ he ɔ, osɔfo ɔ ngɔ abolo klɔuklɔu ɔ ngɔ ha lɛ; ejakaa abolo kpa ko be lejɛ ɔ, pe abolo klɛdɛɛ ɔ nɛ a je kɛ je Yawɛ hɛ mi ligbi ɔ nɛ a kɛ abolo kala a tsake ɔ.

Mose III, 21:22

E ma nyɛ maa ye bɔ sami nike ní nɛ a kɛ ba haa mi ɔ eko, niye ní klɔuklɔu ɔ jio, klɔuklɔu pe kulaa a eko jio.

Malaki 1:12

Se nyɛɛ lɛɛ nyɛ deɔ ke ye bɔ sami la tɛ ɔ he be se nami ko. Jehanɛ hu, nyɛ ngɔɔ niye ní nɛ a hiee kɛ ba sãã bɔ ngɛ nɔ.

Mose III, 8:3

nɛ o kpee ma a tsuo kɛ ba lejɛ ɔ.”

Mose III, 24:10

Nyumu ko hi si nɛ e tsɛ ɔ Egipt no, se e nyɛ lɛɛ Israel no. E nyɛ ɔ, Dibri nɛ je Dan wɛtso ɔ mi ɔ biyo ji lɛ; nɛ a tsɛɛ lɛ Shelomit. Nyumu nɛ ɔ kɛ Israel no ko pɛ ngɛ ma sito he ɔ. Benɛ a ngɛ pɛe ɔ, nyumu ɔ gbiɛ Mawu; lɔ ɔ he ɔ, a nu lɛ kɛ ya ha Mose.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose III, 3:17

Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Mose III, 6:9

e de Aaron kɛ e bimɛ ɔmɛ ke, mlaahi nɛ kɔɔ sami bɔ he ji nɛ ɔmɛ nɛ. Sami bɔ ɔ nɛ hi bɔ sami la tɛ ɔ nɔ kɛ ya si mɔtu; la a nɛ ko gbo ngɛ sisi.

Mose III, 6:11

Lɔ ɔ se ɔ, e je e tade ɔmɛ, nɛ e wo tade kpahi, konɛ e ngɔ la zu ɔ kɛ je ma sito he ɔ kɛ ya pue he ko nɛ tsɔ.

Mose III, 10:12

Jehanɛ, Mose de Aaron kɛ e binyumuhi enyɔ ɔmɛ nɛ piɛ, nɛ ji Eleazar kɛ Itamar ke, “Niye ní bɔhi nɛ a kɛ la sãã ha Yawɛ ɔ, nyɛɛ ngɔ nɔ́ nɛ piɛ ɔ; nyɛ ko wo mi masa nɛ nyɛɛ ye ngɛ bɔ sami la tɛ ɔ kasa nya, ejakaa e he tsɔ saminya.