Mose III, 24:5 - BAIBLO ALOO NGMAMI KLƆUKLƆU Ɔ

⁵ Ngɔɔ mamu bukɔbukɔ kilo nyɔngma kɛ enyɔ kɛ sã abolo bɔbɔɛ nyɔngma kɛ enyɔ.

Mose III, 24:5 ပူးပေါင်းရင်းမြစ်များ

Mose II, 25:30

Nɛ o ngɔ abolo klɛdɛɛ ɔ nɛ a kɛ maa ma ye hɛ mi daa a kɛ ma okplɔɔ ɔ nɔ.

Mose II, 40:23

nɛ e to abolo klɛdɛɛ ɔ nɛ a kɛ maa Yawɛ hɛ mi ɔ kɛ ma nɔ kaa bɔ nɛ Yawɛ fa lɛ ɔ.

Matsɛmɛ I, 18:31

E ngɔ tɛ nyɔngma kɛ enyɔ ngɛ Yakob nɛ Yawɛ wo lɛ biɛ ke Israel ɔ binyumuhi nyɔngma kɛ enyɔ ɔmɛ a wɛtso ɔmɛ a nya.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

Ni Tsumi 26:7

Wa wɛtso nyɔngma kɛ enyɔ ɔmɛ a hɛ ngɛ siwo nɛ ɔ nɔ. Enɛ ɔ he je nɛ a jaa Mawu saminya nyɔ kɛ pia, konɛ a nine nɛ su Mawu siwo ɔ nɔ. Nɛnɛ, kikɛmɛ a hɛ kɛ nɔ fɔmi nɛ ɔ he je nɛ Yuda bi ɔmɛ ngɛ ye nya poe nɛ ɔ nɛ!

Mateo 12:4

David ya sɛ Mawu we ɔ, nɛ e kɛ e we bi ɔmɛ ye abolo ɔ nɛ a kɛ maa Mawu hɛ mi ɔ. Mlaa a ngmɛ́ blɔ kaa a peeɔ ja; osɔfo ɔmɛ pɛ lɛ a ngɛ he blɔ nɛ a yeɔ jamɛ a abolo ɔ.

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Mose II, 39:36

okplɔɔ ɔ, e he ní ɔmɛ tsuo, kɛ abolo klɛdɛɛ ɔ nɛ a kɛ maa Yawɛ hɛ mi ɔ;

Mose IV, 4:7

“Okplɔɔ ɔ nɛ a kɛ abolo klɛdɛɛ nɛ a kɛ maa Yawɛ hɛ mi ɔ maa nɔ ɔ, á ngɔ bo bluu kɛ ha nɔ loko a ngɔ plɛɛtehi, kahi nɛ a kɛ tsopa kɛ e he via kɛ bɔhi woɔ a mi ɔ, kɛ kpluhi nɛ a kɛ wai bɔhi woɔ a mi ɔ kɛ ma nɔ.

Samuel I, 21:6

Lɔ ɔ he ɔ, osɔfo ɔ ngɔ abolo klɔuklɔu ɔ ngɔ ha lɛ; ejakaa abolo kpa ko be lejɛ ɔ, pe abolo klɛdɛɛ ɔ nɛ a je kɛ je Yawɛ hɛ mi ligbi ɔ nɛ a kɛ abolo kala a tsake ɔ.

Kronika I, 9:32

Kohat weku ɔ mi bi ɔmɛ ekomɛ lɛɛ a ní tsumi ji a sã abolo klɔuklɔu ɔ kɛ ya Yawɛ we ɔ daa Hejɔɔmi ligbi.

Kronika I, 23:29

A ní tsumi hu ji kaa a hyɛ ní nɛ ɔmɛ a nɔ: abolo ɔ nɛ a kɛ maa Mawu hɛ mi ɔ, ma nɛ a kɛ sãã niye ní bɔ ɔ, abolo kplolo ɔ, keeki nɛ a sã a, kɛ mamu bukɔbukɔ ɔ nɛ a futu mi nu ɔ. Jehanɛ, Levi bi ɔmɛ a ní tsumi ji kaa sɛnihi, kɛ ní kpahi nɛ a kɛ ngmɛɛ, loo a kɛ susuu níhi nɛ a kɛ ba sãã bɔ ɔ, a hyɛ kaa jamɛ a ní ɔmɛ ngɛ pɛpɛɛpɛ lo.

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Nehemia 10:33

Wɔ tsuo wa maa ngɔ ní nɛ ɔmɛ kɛ ba nɛ a kɛ sɔmɔ ngɛ Yawɛ we ɔ: abolo klɔuklɔu ɔ, niye ní bɔ nɛ a sãã daa ligbi ɔ, lohwehi nɛ a kɛ sãã bɔ daa ligbi ɔ, bɔ klɔuklɔu ɔmɛ nɛ a sãã Hejɔɔmi ligbi ɔmɛ ɔ, kɛ Nyɔhiɔhe nyami be ɔ, kɛ nyami be kpa amɛ a nɔ ɔ. Wa ma ha níhi nɛ a kɛ sãã bɔ klɔuklɔu kpa amɛ hulɔ kaa yayami pami bɔ nɛ a kɛ kpataa Yawɛ ha Israel kikɛ nɛ ɔ, kɛ nɔ́ ko saisaa nɛ he hia nɛ a kɛ ma sɔmɔ ngɛ wa Mawu ɔ we ɔ.

Mose II, 40:4

Ngɔɔ okplɔɔ ɔ kɛ ba ma kpe he bo tsu ɔ mi nɛ o to ní ɔmɛ tsuo kɛ ma nɔ pɛpɛɛpɛ. Lɔ ɔ se ɔ, ngɔɔ kane tso ɔ hu kɛ ba mi, nɛ o ngɔ kane ɔmɛ kɛ ma nɔ.

Samuel I, 21:7

Jamɛ a ligbi ɔ, Saul tsɔli ɔmɛ a ti nɔ kake ngɛ lejɛ ɔ nɛ a tsi e nya ngɛ Yawɛ hɛ mi. E biɛ ji Doeg; e je Edom, nɛ Saul lohwehi a hyɛli ɔmɛ a nɔkɔtɔma ji lɛ.

Nehemia 10:34

Jehanɛ hu, wa ngɛ si woe ke daa jeha a, wɔ ma a, kɛ osɔfo ɔmɛ, waa kɛ Levi bi ɔmɛ maa fɔ sɔ kɛ na wekuhi nɛ maa ngɔ lɛ́ kɛ ba nɛ a kɛ sã bɔhi ha Yawɛ, wa Mawu ɔ kaa bɔ nɛ mlaa a tsɔɔ ɔ.