Mose III, 24:4 - BAIBLO ALOO NGMAMI KLƆUKLƆU Ɔ

⁴ Aaron nɛ to kane ɔmɛ pɛpɛɛpɛ ngɛ kane tso nɛ a kɛ sika tsu ngmingmiingmi ha he ɔ nɔ, nɛ e hyɛ nɛ a hi tsoe daa ngɛ Yawɛ hɛ mi.

Mose III, 24:4 ပူးပေါင်းရင်းမြစ်များ

Mose II, 31:8

okplɔɔ ɔ kɛ e he ní ɔmɛ, kane tso ɔ nɛ a kɛ sika tsu ngmingmiingmi pee ɔ kɛ e he ní ɔmɛ tsuo, tsopa kɛ e he via sami la tɛ ɔ,

Mose II, 39:37

kane tso ɔ nɛ a ngɔ sika tsu ngmingmiingmi kɛ pee ɔ, kane ɔmɛ nɛ a kɛ ma nɔ ɔ, e he ní ɔmɛ tsuo, kɛ kane mi nu ɔ;

Kpojemi 11:4

Odase yeli enyɔ ɔmɛ ji oliv tso enyɔ ɔmɛ, kɛ kane tso enyɔ ɔmɛ nɛ daa si ngɛ Mawu, je ɔ tsuo nyɔmtsɛ ɔ hɛ mi ɔ nɛ.

Kpojemi 2:5

Lɔ ɔ he ɔ, moo hɛli o he si ngɛ nɔ nɛ mi nɛ o gbee si ngɛ ɔ he. Mo tsake o tsui, nɛ o hi si kaa kekle ɔ. Ke o tsakee we o tsui ɔ, ma ba o ngɔ, nɛ ma ba je o kane tso ɔ kɛ je e ma he ɔ.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Yeremia 52:19

A muɔ nɔ́ tsuaa nɔ́ nɛ a kɛ sika tsu, aloo sika hiɔ pee ɔ, kã wawi ɔmɛ, ngɛyu ɔmɛ, kã ngua amɛ, buɛ ɔmɛ, kane tso ɔmɛ, tsopa kɛ e he via kã amɛ, kɛ likɔkɔ ɔmɛ kɛ ho.

Kronika I, 28:15

sika tsu, kɛ sika hiɔ kane tso ɔmɛ kɛ a he kane ɔmɛ,

Matsɛmɛ I, 7:49

kane tso nyɔngma amɛ nɛ maa he klɔuklɔu pe kulaa a hɛ mi ɔ, enuɔ ngɛ leneyi je, kɛ enuɔ hu ngɛ omleyi je; mɔmɔ ɔmɛ, kane ɔmɛ, abɛɛle ɔmɛ,

Mose IV, 4:9

“Kane tso ɔ kɛ e he kane ɔmɛ, abɛɛle ɔmɛ, kɛ nu tɔ ɔmɛ tsuo nɛ a kɛ nu woɔ a mi ɔ, a ngɔ bo bluu kɛ ha a he.

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Mose III, 24:3

Aaron nɛ ya su kane ɔmɛ daa gbɔkuɛ, nɛ a hi tsoe ngɛ Yawɛ hɛ mi kɛ yaa si mɔtu. E kɛ ma tsu mi pomi bo ɔ nɛ tsi somi daka a hɛ mi ɔ se, ngɛ he klɔuklɔu pe kulaa a. Enɛ ɔ ji mlaa nɛ maa fɔ si kɛ ha nyɛ yi nɔhi tsuo kulaa kɛ yaa neneene.

Mose IV, 8:2

“Mo de Aaron ke, ke e ngɔ kane kpaago ɔmɛ kɛ ma si mami ɔ, e hyɛ nɛ mɛ tsuo a tso kɛ ya kane tso ɔ hɛ mi.”

Kronika II, 29:7

A nga Yawɛ we ɔ sinya amɛ, nɛ a gbe kane ɔmɛ. Tsopa kɛ e he via, kɛ sami bɔ pohu a kpa sami ngɛ Yawɛ, Israel Mawu ɔ we ɔ.