Mose III, 22:6 - BAIBLO ALOO NGMAMI KLƆUKLƆU Ɔ

⁶ Osɔfo tsuaa osɔfo nɛ maa ta ní nɛ ɔmɛ a he ɔ, e he be tsɔe kɛ yaa si du ma bu. E ko ye ní klɔuklɔu ɔ eko, ja e du e he.

Mose III, 22:6 ပူးပေါင်းရင်းမြစ်များ

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Mose III, 15:5

Nɔ tsuaa nɔ nɛ maa ta sa a he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Hagai 2:13

Jehanɛ, Hagai bi ke, “Ke nɔ ko ya ta gbogboe ko he kɛ ble e he, jehanɛ, ke kaa e ya ta niye ní nɛ ɔmɛ eko he ɔ, anɛ lɔ ɔ hu ma ble jamɛ a ní ɔmɛ hu lo?” Osɔfo ɔmɛ ha heto ke, “Ee, e bleɔ mɛ.”

Mose III, 22:5

nɔ́ ko nɛ sãã si nɛ he tsɔ we he jio, loo nɔmlɔ nɛ he tsɔ we he jio, e he be tsɔe.

Mose III, 22:7

Ke pu nɔ si kɛkɛ e he tsɔ, kɛkɛ ɔ, e ma nyɛ maa ye ní klɔuklɔu ɔ eko, ejakaa enɛ ɔ ji nɔ́ nɛ e yeɔ.

Mose IV, 19:22

Nɔ́ tsuaa nɔ́ nɛ nɔ ko nɛ he tsɔ we maa ta he ɔ, e ble nɔ́ ɔ; ke nɔ ko ta jamɛ a nɔ́ ɔ he ɔ, lɛ hu e he tsɔ we kɛ yaa si gbɔkuɛ.”

Mose III, 11:31

A he tsɔ we, lɔ ɔ he ɔ, nɔ tsuaa nɔ nɛ maa ta eko gbogboe he ɔ, e he be tsɔe kɛ yaa si du ma bu.

Mose III, 11:32

Nɔ́ tsuaa nɔ́ nɛ lohwe nɛ ɔmɛ eko gbogboe maa sa he ɔ, e he be tsɔe; tso a kɛ pee nɔ ɔ jio, bo jio, lohwe he womi jio, kotoku jio, nɔ́ saisaa jio. Á kɛ nyu nɛ fɔ he, se nɔ́ ɔ he be tsɔe kɛ yaa si du ma bu.

Mose III, 11:39

Jehanɛ, ke lohwehi nɛ a yeɔ ɔ eko gbo ɔ, nɔ nɛ maa ta e gbogboe ɔ he ɔ, e he be tsɔe kɛ yaa si du ma bu.

Mose III, 11:40

Ke nɔ ko ye lo nɛ ɔ eko ɔ, é fɔ e tade ɔmɛ a he. Se lɛ nitsɛ lɛɛ e he be tsɔe kɛ yaa si du ma bu. Nɔ tsuaa nɔ nɛ maa kɛ̃ e gbogboe ɔ bleɔ e he; ke nɔ ko ble e he ja a, nɔ ɔ nɛ fɔ e tade ɔmɛ a he, se e he be tsɔe kɛ yaa si du ma bu.