Mose III, 22:2 - BAIBLO ALOO NGMAMI KLƆUKLƆU Ɔ

² e de Aaron kɛ e binyumu ɔmɛ ke, “Ní klɔuklɔuhi nɛ Israel bi ɔmɛ tsukɔ he kɛ ha mi ɔ, nyɛɛ hyɛ a nɔ saminya, konɛ nyɛ ko pue ye biɛ klɔuklɔu ɔ hɛ mi si. Imi ji Yawɛ.

Mose III, 22:2 ပူးပေါင်းရင်းမြစ်များ

Mose V, 15:19

“Moo hla o na amɛ, kɛ o to ɔmɛ a kekleekle bi ku ɔmɛ nɛ a ma fɔ ɔ ngɔ to ha Yawɛ, o Mawu ɔ; koo ngɔ na nɛ ɔmɛ kɛ tsu nɔ́ ko, nɛ jijɔ bi ɔmɛ hu ko sã a he bwɔmi.

Mose III, 18:21

Koo ngɔ o bimɛ ɔmɛ eko kɛ ha nɛ a sã ha mawu ɔ nɛ a tsɛɛ lɛ Molek ɔ. Ke o pee ja a, o gbe Yawɛ, o Mawu ɔ he guɛ.

Mose IV, 18:32

Ke nyɛ ngɔ nɔ́ nɛ hi pe lɛ tsuo ɔ kɛ ba ha Yawɛ ɔ, tue gblami ko be nyɛ nɔ bae. Se nyɛɛ hyɛ nɛ nyɛ ko ble Israel bi ɔmɛ a nike ní klɔuklɔu ɔmɛ, nɛ a ko gbe nyɛ.”

Mose III, 22:32

Nyɛ ko ble ye biɛ klɔuklɔu ɔ, se mohu Israel ma a tsuo nɛ yɔse kaa i ngɛ klɔuklɔu. Imi ji Yawɛ nɛ tsukɔɔ nyɛ he ɔ nɛ.

Mose III, 19:12

“Nyɛ ko ngɔ ye biɛ kɛ ka lakpa kita kɛ wo ye biɛ he mu. Imi ji Yawɛ, nyɛ Mawu ɔ nɛ.

Mose II, 28:38

E hi Aaron hɛ nya daa, kɛkɛ ɔ, ke Israel bi ɔmɛ ngɔ a nike ní klɔuklɔu ɔmɛ kɛ ba ha mi, nɛ tɔmi ko ba ngɛ nɔ́ nɛ ɔ peemi mi po ɔ, imi Yawɛ, i be nike ní ɔmɛ kuae, se mohu ma ngɔ.

Mose II, 13:12

nyɛɛ gbaa bitɛte tsuaa bitɛte nɛ bliɔ fɔmi nya a nɔ kɛ ha Yawɛ.

Mose III, 21:6

Osɔfo tsuaa osɔfo nɛ pee e he klɔuklɔu, nɛ e ko pue ye hɛ mi si; ejakaa lɛ nɛ sãã niye ní bɔ ɔ haa imi Yawɛ, lɔ ɔ he ɔ, e sa nɛ e pee e he klɔuklɔu.

Mose III, 20:3

Ke nɔ ko ngɔ e bi kɛ ha Molek, nɛ e kɛ nɔ́ nɛ ɔ ble ye bo tsu klɔuklɔu ɔ, nɛ e kɛ puɛ ye biɛ klɔuklɔu ɔ, ye hɛ maa dɔ kɛ wo jamɛ a nɔ ɔ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mose III, 15:31

Yawɛ de Mose ke e slɔ Israel bi ɔmɛ ngɛ a he nɛ tsɔ we ɔ he, konɛ a ko ble Yawɛ kpe he bo tsu ɔ ngɛ ma a sito he ɔ. Ke pi ja a, a ma gbo.

Mose III, 22:1

Yawɛ fa Mose ke

Ezra 8:28

I de nihi nɛ i hla a ke, “Yawɛ, nyɛ nɛmɛ a Mawu ɔ nimli klɔuklɔuhi ji nyɛ. Sika tsu, kɛ sika hiɔ kpluhi nɛ ma a kɛ ba ha Mawu kaa nike ní nɛ je a tsui mi faa a, lɔ ɔmɛ hu ngɛ klɔuklɔu jã nɔuu.

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Ezekiel 44:8

Mɛ nitsɛmɛ a tsu we ye ní klɔuklɔu ɔmɛ a he ní ngɛ ye we ɔ, se mohu a ngɔ nibwɔhi kɛ to ní tsumi ɔmɛ a nya.