Mose III, 20:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, nyɛɛ tsukɔ nyɛ he nɛ nyɛɛ pee klɔuklɔu, ejakaa imi ji Yawɛ, nyɛ Mawu ɔ nɛ.

Mose III, 20:7 ပူးပေါင်းရင်းမြစ်များ

Mose III, 11:44

Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

Mose III, 19:2

e de Israel ma kpekpemi ɔ tsuo ke, “Nyɛɛ pee nyɛ he klɔuklɔu, ejakaa imi Yawɛ, nyɛ Mawu ɔ, i ngɛ klɔuklɔu.

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Kolosebi 3:12

Mawu nihi nɛ e hla, nɛ e suɔ ji nyɛ, nɛ nyɛ ngɛ klɔuklɔu. Lɔ ɔ he ɔ, nyɛ ha nɛ a na subai nɛ ɔmɛ ngɛ nyɛ he kaa tade nɛ nyɛ wo: mi mi jɔmi, mɔbɔ nami, he si bami, kpoo peemi, kɛ tsui si tomi.

1 Tesalonikabi 4:7

Mawu tsɛ we wɔ nɛ wa ba tsu mu ní, se mohu bɔ nɛ pee nɛ wa he nɛ tsɔ.

1 Tesalonikabi 4:3

Mawu suɔmi nya ji kaa nyɛ he nɛ tsɔ, nɛ nyɛ ko fiɛ nyumu kɛ yo yakayaka fiɛmi.

Hebribi 12:14

Nyɛɛ bɔ mɔde nɛ nyɛɛ kɛ nihi tsuo nɛ hi si ngɛ tue mi jɔmi mi. Nyɛɛ bɔ mɔde nɛ nyɛɛ pee klɔuklɔu, ejakaa nɔ nɛ be klɔuklɔu ɔ, e be Nyɔmtsɛ ɔ nae.

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

Mose III, 11:45

Imi ji Yawɛ. Imi nɛ I je nyɛ kɛ je Egipt zugba a nɔ, konɛ ma ba pee nyɛ Mawu. Lɔ ɔ he ɔ, nyɛɛ pee nyɛ he klɔuklɔu; ejakaa Nɔ Klɔuklɔu ji mi.

Mose III, 21:8

Ma a nɛ bu osɔfo kaa nɔ klɔuklɔu, ejakaa lɛ nɛ e ngɔɔ niye ní bɔ ɔmɛ kɛ ba haa mi ɔ nɛ. Imi ji Yawɛ; i ngɛ klɔuklɔu, nɛ i peeɔ ye ma a klɔuklɔu.

Mose III, 21:15

Ke pi ja a, e bimɛ nɛ sa kaa a peeɔ klɔuklɔu ɔ, a he be tsɔe. Imi ji Yawɛ; imi nɛ i hla lɛ ngɔ to kaa osɔfo nɔkɔtɔma a nɛ.”

Mose III, 21:23

Se akɛnɛ kpa ngɛ e he he je ɔ, e ko hɛ lɛ kɛ su tsu mi pomi bo ɔ, loo bɔ sami la tɛ ɔ he. E ko ba ble ní klɔuklɔu nɛ ɔmɛ. Imi ji Yawɛ; imi nɛ i peeɔ mɛ klɔuklɔu ɔ nɛ.”

Yoshua 3:5

Yoshua de ma a ke, “Nyɛɛ tsukɔ nyɛ he; ejakaa hwɔɔ ɔ, Yawɛ maa pee nyakpɛ níhi ngɛ nyɛ kpɛti.”