Mose III, 2:9 - BAIBLO ALOO NGMAMI KLƆUKLƆU Ɔ

⁹ Osɔfo ɔ nɛ ngɔ bɔbɔyoo ko kɛkɛ kaa okadi ngɛ niye ní ɔ tsuo nane mi. É sã nɔ́ nɛ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 2:9 ပူးပေါင်းရင်းမြစ်များ

Mose III, 2:2

nɛ e ngɔ kɛ ba ha Aaron bimɛ ɔmɛ nɛ ji osɔfo ɔmɛ. Osɔfo ɔ nɛ piti mamu bukɔbukɔ kɛ e nɔ nu, kɛ tsopa kɛ e he via a tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ. Enɛ ɔ daa si kaa okadi ngɛ bɔ ɔ nɛ nɔ ɔ kɛ ba a tsuo nane mi kɛ ha Yawɛ. Enɛ ɔ ji bɔ nɛ a kɛ la sãã, nɛ jee via ha Yawɛ.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Mose III, 6:15

É piti mamu bukɔbukɔ, kɛ nu ɔ, kɛ tsopa kɛ e he via nɛ ngɛ niye ní bɔ ɔ nɔ ɔ tsuo e dɛ kɔkɔ kake, nɛ e sã ngɛ bɔ sami la tɛ ɔ nɔ, konɛ e je via liliili, nɛ e pee kaimi nɔ ha Yawɛ.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Mose II, 29:18

Lɔ ɔ se ɔ, moo sã to ɔ tsuo ngɛ bɔ sami la tɛ ɔ nɔ. E ji sami bɔ nɛ jee via saminya, nɛ sa imi Yawɛ, ye hɛ mi.

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Mose III, 2:8

A sã jio, a si jio, e ngɔ kɛ ba kaa niye ní bɔ nɛ a kɛ ma ha Yawɛ. É ngɔ kɛ ba ha osɔfo ɔ, konɛ osɔfo ɔ hu nɛ ngɔ kɛ ya bɔ sami la tɛ ɔ hɛ mi.

Mose III, 2:16

Osɔfo ɔ nɛ ngɔ niye ní bɔ nɛ ɔ bɔbɔyoo kɛkɛ kaa okadi ngɛ niye ní bɔ ɔ tsuo nane mi. É sã nɔ́ nɛ ɔ, kɛ tsopa kɛ e he via a tsuo kaa bɔ nɛ a kɛ la sãã ha Yawɛ.

Mose III, 4:31

É je zɔ ɔ tsuo kaa bɔ nɛ a jeɔ zɔ ngɛ lohwe nɛ a gbe kɛ ha tue mi jɔmi bɔ sami ɔ mi pɛpɛɛpɛ. Osɔfo ɔ nɛ sã lɛ tsuo ngɛ bɔ sami la tɛ ɔ nɔ, nɛ́ é je via ha Yawɛ. Bɔ nɛ osɔfo ɔ maa pee kɛ sã bɔ, nɛ e kɛ ma kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 5:12

E ngɔ kɛ ba ha osɔfo ɔ, nɛ osɔfo ɔ nɛ ngɔ mamu ɔ e dɛ kɔkɔ kake kaa bɔ ɔ tsuo nane mi dami okadi. Osɔfo ɔ nɛ sã enɛ ɔ tsuo kaa bɔ nɛ a kɛ la sãã ha Yawɛ ngɛ bɔ sami la tɛ ɔ nɔ. Yayami pami bɔ ji nɛ ɔ nɛ.

Mose III, 24:7

Nyɛɛ ngɔ tsopa kɛ e he via ngɔ pue abolo ɔmɛ a nɔ ngɛ za enyɔ ɔmɛ tsuo a mi, konɛ e pee abolo ɔ nane mi okadi kaa bɔ nɛ a kɛ la sãã ha Yawɛ.

Mose IV, 5:26

Osɔfo ɔ nɛ ti niye ní bɔ ɔ dɛ mamɛ kake kɛkɛ kaa okadi, nɛ e sã lɔ ɔ ngɛ bɔ sami la tɛ ɔ nɔ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.