Mose III, 2:4 - BAIBLO ALOO NGMAMI KLƆUKLƆU Ɔ

⁴ Ke niye ní nɛ a sã ngɛ flɔɔnɔɔ mi nɔ ko ngɔ kɛ ma bɔ sami ɔ, é pee keeki nɛ a kɛ mamu bukɔbukɔ nɛ a wo mi nu sã, loo e pee akpɔɔnɔɔ nɛ a pɔ he nu.

Mose III, 2:4 ပူးပေါင်းရင်းမြစ်များ

Mose II, 29:2

Ngɔɔ ngma mamu nɛ masa be mi kɛ pee nɔ́ etɛ nɛ ɔmɛ: abolo kplolo nɛ zɔ ngɛ mi, abolo kplolo nɛ a wui mi zɔ, kɛ akpɔɔnɔɔ nɛ a kɛ nu kpa hɛ mi,

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

1 Petro 2:22

E pee we yayami ko ɔ, lakpa ko hu ji e nya.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Mateo 26:38

nɛ e de mɛ ke, “Aywilɛho nɛ nya wa miɔ nɛ e maa gbe mi; nyɛɛ hi si ngɛ hiɛ ɔ nɛ nyɛɛ kɛ mi nɛ fɔ nyɔ.”

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Mose III, 10:12

Jehanɛ, Mose de Aaron kɛ e binyumuhi enyɔ ɔmɛ nɛ piɛ, nɛ ji Eleazar kɛ Itamar ke, “Niye ní bɔhi nɛ a kɛ la sãã ha Yawɛ ɔ, nyɛɛ ngɔ nɔ́ nɛ piɛ ɔ; nyɛ ko wo mi masa nɛ nyɛɛ ye ngɛ bɔ sami la tɛ ɔ kasa nya, ejakaa e he tsɔ saminya.

Ezekiel 46:20

nɛ e de mi ke, “Hiɛmɛ nɛ ɔ ji he nɛ osɔfo ɔmɛ maa hoo lo nɛ a kɛ maa sã fɔ yemi, kɛ yayami pami bɔ ɔmɛ ngɛ; nɛ hiɛmɛ nɛ ɔ nɔuu a maa ngɔ mamu kɛ pee abolo nɛ a kɛ maa sã niye ní bɔ ɔmɛ ngɛ. Ke a pee ja a, a be ní klɔuklɔu ɔmɛ ngɔe kɛ ya kpo nɔ je kue ɔ mi, nɛ́ ní klɔuklɔu nɛ ɔmɛ kó ba ye ma a awi.”

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Mose III, 7:12

Ke nɔ ko ma bɔ ɔ sami nɛ e kɛ na Yawɛ si ɔ, e ngɔ ní nɛ ɔmɛ kɛ piɛ e lohwe nɛ e kɛ ma bɔ sami ɔ he kɛ ba: abolo kplolo nɛ a wo mi nu, akpɔɔnɔɔ nɛ a kɛ kplolo sã nɛ a kpa he nu, kɛ akpɔɔnɔɔ nɛ a kɛ mamu bukɔbukɔ nɛ a wo mi nu saminya sã.

Mose III, 1:11

É gbe lɛ ngɛ Yawɛ hɛ mi ngɛ bɔ sami la tɛ ɔ we omleyi je, konɛ Aaron binyumu ɔmɛ nɛ ji osɔfo ɔmɛ nɛ a tsɛ̃ muɔ ɔ ngɔ pue bɔ sami la tɛ ɔ he kɛ kpe.

Mose II, 16:31

Israel bi ɔmɛ tsɛ niye ní ɔ ke mana. E ngɛ kaa tso yiblii mi wu nyafii; e hiɛ futafuta, nɛ e ngɔɔmi ngɛ kaa akpɔɔnɔɔ nɛ hwo ngɛ mi.

Mose II, 12:8

A sã lo ɔ, nɛ a ye lɛ kɛ agba pui, kɛ abolo kplolo jamɛ a nyɔ ɔ mi nɔuu.

Mose IV, 6:15

Jehanɛ se hu, e ngɔ abolo kplolo kusii kake, kɛ keeki nɛ a kɛ mamu bukɔbukɔ nɛ a futu mi nu pee, kɛ akpɔɔnɔɔ nɛ a wui mi masa, se a ngɔ nu kɛ kpa hɛ mi kɛ piɛ niye ní bɔ ɔ, kɛ dã nɛ a kɛ maa sã bɔ ɔ a he kɛ ba.