Mose III, 2:3 - BAIBLO ALOO NGMAMI KLƆUKLƆU Ɔ

³ Mamu nɛ piɛ ngɛ niye ní bɔ sami ɔ se ɔ, peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 2:3 ပူးပေါင်းရင်းမြစ်များ

Mose IV, 18:9

Ní klɔuklɔu pe kulaa nɛ a sɛ̃ ngɛ bɔ sami la tɛ ɔ nɔ ɔ, a kpɛti enɛ ɔmɛ maa pee o níhi: niye ní bɔ, yayami pami bɔ, kɛ fɔ yemi bɔ. Nike ní klɔuklɔu tsuaa nike ní klɔuklɔu nɛ a kɛ ba ha mi ɔ maa pee o kɛ o bimɛ nyɛ nɔ.

Mose III, 21:22

E ma nyɛ maa ye bɔ sami nike ní nɛ a kɛ ba haa mi ɔ eko, niye ní klɔuklɔu ɔ jio, klɔuklɔu pe kulaa a eko jio.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Mose III, 7:9

Niye ní bɔ tsuaa niye ní bɔ nɛ a sã ngɛ flɔɔnɔɔ mi, aloo nɔ́ nɛ a si ngɛ kutu mi, loo ngɛ ngɛyu mi ɔ, osɔfo ɔ nɛ sã bɔ ɔ nɔ́ ji lɔ ɔ nɛ.

Mose III, 6:26

Jehanɛ, osɔfo ɔ nɛ maa sã lohwe ɔ, e ye ngɛ he ko nɛ ngɛ klɔuklɔu ngɛ kue ɔ nɛ ngɛ kpe he bo tsu ɔ mi ɔ mi.

Mose III, 2:10

Nɔ́ nɛ maa piɛ ngɛ se ɔ peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose II, 29:37

Moo pee enɛ ɔ daa ligbi kɛ yaa su ligbi nɛ ji kpaago ɔ. Kɛkɛ ɔ, bɔ sami la tɛ ɔ maa pee klɔuklɔu, nɛ nɔ tsuaa nɔ, aloo nɔ́ tsuaa nɔ́ nɛ he maa sa he ɔ hɛ mi ma kpata.

Mose III, 5:13

Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ. Mamu nɛ piɛ ɔ peeɔ osɔfo ɔ nɔ́ kaa bɔ nɛ e ngɛ ngɛ niye ní bɔ sami he ɔ.

Ezra 2:63

Amlaalo nɛ yeɔ Yuda zugba a nɔ ɔ de nimli nɛ ɔmɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a maa na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Mose III, 6:9

e de Aaron kɛ e bimɛ ɔmɛ ke, mlaahi nɛ kɔɔ sami bɔ he ji nɛ ɔmɛ nɛ. Sami bɔ ɔ nɛ hi bɔ sami la tɛ ɔ nɔ kɛ ya si mɔtu; la a nɛ ko gbo ngɛ sisi.

Mose III, 7:7

Yayami pami bɔ ɔ ngɛ kaa fɔ yemi bɔ ɔ kɛ̃. Mlaa kake lɛ ngɛ ha mɛ tsuo; osɔfo nɛ maa sã bɔ ɔ kɛ pee kpatami ɔ, e nɔ́ ji lo ɔ nɛ.

Mose III, 10:15

Fiɔ ɔ, kɛ gugue ɔ nɛ a fɔɔ kɛ yaa kɛ baa ngɛ Yawɛ hɛ mi ɔ, á ngɔ kɛ piɛ zɔ ɔ nɛ a kɛ la sãã a he kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Fiɔ ɔ, kɛ gugue ɔ maa pee o kɛ o binyumu ɔmɛ nyɛ nɔ́ kɛ yaa neneene kaa bɔ nɛ Yawɛ fa a.”

Mose III, 14:13

É gbe agbosu ɔ ngɛ he klɔuklɔu ɔ, he nɛ a gbee lohwe nɛ a kɛ sãã yayami pami bɔ, kɛ sami bɔ ngɛ ɔ. Ejakaa yayami pami bɔ ɔ, osɔfo ɔmɛ a nɔ́ kaa bɔ nɛ fɔ yemi bɔ ɔ ngɛ ɔ; e ngɛ klɔuklɔu saminya.

Ezekiel 44:29

Osɔfo ɔmɛ a niye ní nɛ a maa ye ji niye ní bɔ ɔmɛ, yayami pami bɔ ɔmɛ, kɛ fɔ yemi bɔ ɔmɛ; jehanɛ hu, nɔ́ tsuaa nɔ́ nɛ Israel bi ɔmɛ maa gbaa nɔ kɛ ke mi ɔ peeɔ osɔfo ɔmɛ a nɔ́.

Ezekiel 46:20

nɛ e de mi ke, “Hiɛmɛ nɛ ɔ ji he nɛ osɔfo ɔmɛ maa hoo lo nɛ a kɛ maa sã fɔ yemi, kɛ yayami pami bɔ ɔmɛ ngɛ; nɛ hiɛmɛ nɛ ɔ nɔuu a maa ngɔ mamu kɛ pee abolo nɛ a kɛ maa sã niye ní bɔ ɔmɛ ngɛ. Ke a pee ja a, a be ní klɔuklɔu ɔmɛ ngɔe kɛ ya kpo nɔ je kue ɔ mi, nɛ́ ní klɔuklɔu nɛ ɔmɛ kó ba ye ma a awi.”