Mose III, 2:16 - BAIBLO ALOO NGMAMI KLƆUKLƆU Ɔ

¹⁶ Osɔfo ɔ nɛ ngɔ niye ní bɔ nɛ ɔ bɔbɔyoo kɛkɛ kaa okadi ngɛ niye ní bɔ ɔ tsuo nane mi. É sã nɔ́ nɛ ɔ, kɛ tsopa kɛ e he via a tsuo kaa bɔ nɛ a kɛ la sãã ha Yawɛ.

Mose III, 2:16 ပူးပေါင်းရင်းမြစ်များ

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

Mose III, 2:12

Nyɛ ma nyɛ maa ngɔ masa, loo hwo kɛ ba ha Yawɛ kaa ngmɔ nɔ kekleekle niba ní, se nyɛ ko sã ngɛ bɔ sami la tɛ ɔ nɔ kaa bɔ nɛ jee via.

Mose III, 2:9

Osɔfo ɔ nɛ ngɔ bɔbɔyoo ko kɛkɛ kaa okadi ngɛ niye ní ɔ tsuo nane mi. É sã nɔ́ nɛ ɔ ngɛ bɔ sami la tɛ ɔ nɔ. Enɛ ɔ ji bɔ nɛ a kɛ la sãã, nɛ jee via ha Yawɛ.

Mose III, 2:14

Ke nɔ ko ngɔ e ngmɔ nɔ kekleekle niba ní kɛ ma bɔ sami ha Yawɛ, nyɛ Mawu ɔ kaa niye ní bɔ ɔ, é pee kpokploku nɛ a hluɛ, nɛ a sĩ, loo blɛfo nɛ a wɛɛ kplolo.

Mose III, 2:15

A wo mi nu, nɛ a kɛ tsopa kɛ e he via nɛ pue nɔ. Niye ní bɔ ji nɛ ɔ nɛ.

Mose III, 1:9

se e mi ní ɔmɛ, kɛ e nane ɔmɛ lɛɛ nɔ nɛ ma bɔ sami ɔ nɛ fɔ a he; nɛ osɔfo ɔ nɛ sã lɛ tsuo ngɛ bɔ sami la tɛ ɔ nɔ kaa sami bɔ. Enɛ ɔ ji bɔ nɛ a kɛ la sãã nɛ jee via ha Yawɛ.