Mose III, 2:13 - BAIBLO ALOO NGMAMI KLƆUKLƆU Ɔ

¹³ Nyɛɛ wo nyɛ niye ní bɔ ɔmɛ tsuo a mi ngo; ejakaa ngo ji somi nɛ ngɛ nyɛɛ kɛ Mawu nyɛ kpɛti; lɔ ɔ he ɔ, ngo nɛ piɛ niye ní bɔ ɔmɛ tsuo a he.

Mose III, 2:13 ပူးပေါင်းရင်းမြစ်များ

Ezekiel 43:24

Ngɔɔ mɛ kɛ ba ha Yawɛ. Osɔfo ɔmɛ maa ngɔ ngo kɛ fĩa a nɔ, nɛ a kɛ mɛ maa sã sami bɔ kɛ ha imi Yawɛ.

Mateo 5:13

“Nyɛ ngɛ kaa ngo kɛ ha je ɔ. Se ke ngo nya nyu gbo ɔ, mɛni a kɛ ma futu lɛ, nɛ e maa dooɔ ekohu? E he be se nami hu kaa ja a tsɛ̃ pue he, nɛ nimli naa nɔ.

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.

Kronika II, 13:5

Anɛ nyɛ li kaa Yawɛ, Israel Mawu ɔ, kɛ David so somi ko nɛ a be se kpalee gblegbleegble, kaa David kɛ e nina maa ye Israel nɔ matsɛ kɛ maa ya neneene lo?

Mose IV, 18:19

“Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”

Ezra 7:22

Níhi nɛ e ma bi nyɛ ɔ, nyɛ ha lɛ kɛ yaa su kaa kikɛ nɛ ɔ: sika hiɔ kilo 3,400; ngma kilo 10,000; wai tɔ nyingmi enuɔ oliv nu tɔ nyingmi enuɔ kɛ ngo bɔ tsuaa bɔ.

Mose II, 30:35

Ngɔɔ ní nɛ ɔmɛ kɛ pee tsopa kɛ e he via kpakpa. E hi kaa nɔ́ nɛ tsopa kɛ e he via he ní tsulɔ nitsɛ pee, nɛ o ngɔ ngo kɛ wo mi, konɛ e mi nɛ tsɔ, nɛ e pee klɔuklɔu.