Mose III, 2:10 - BAIBLO ALOO NGMAMI KLƆUKLƆU Ɔ

¹⁰ Nɔ́ nɛ maa piɛ ngɛ se ɔ peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 2:10 ပူးပေါင်းရင်းမြစ်များ

Mose III, 2:3

Mamu nɛ piɛ ngɛ niye ní bɔ sami ɔ se ɔ, peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 6:16

Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.

Ezra 2:63

Amlaalo nɛ yeɔ Yuda zugba a nɔ ɔ de nimli nɛ ɔmɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a maa na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Mose III, 5:13

Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ. Mamu nɛ piɛ ɔ peeɔ osɔfo ɔ nɔ́ kaa bɔ nɛ e ngɛ ngɛ niye ní bɔ sami he ɔ.

Mose III, 6:9

e de Aaron kɛ e bimɛ ɔmɛ ke, mlaahi nɛ kɔɔ sami bɔ he ji nɛ ɔmɛ nɛ. Sami bɔ ɔ nɛ hi bɔ sami la tɛ ɔ nɔ kɛ ya si mɔtu; la a nɛ ko gbo ngɛ sisi.

Mose III, 6:23

Niye ní bɔ tsuaa niye ní bɔ nɛ osɔfo ɔ maa sã a, a ko ye ekoeko; a sã lɛ tsuo.

Mose III, 7:7

Yayami pami bɔ ɔ ngɛ kaa fɔ yemi bɔ ɔ kɛ̃. Mlaa kake lɛ ngɛ ha mɛ tsuo; osɔfo nɛ maa sã bɔ ɔ kɛ pee kpatami ɔ, e nɔ́ ji lo ɔ nɛ.

Mose III, 10:12

Jehanɛ, Mose de Aaron kɛ e binyumuhi enyɔ ɔmɛ nɛ piɛ, nɛ ji Eleazar kɛ Itamar ke, “Niye ní bɔhi nɛ a kɛ la sãã ha Yawɛ ɔ, nyɛɛ ngɔ nɔ́ nɛ piɛ ɔ; nyɛ ko wo mi masa nɛ nyɛɛ ye ngɛ bɔ sami la tɛ ɔ kasa nya, ejakaa e he tsɔ saminya.

Mose III, 14:13

É gbe agbosu ɔ ngɛ he klɔuklɔu ɔ, he nɛ a gbee lohwe nɛ a kɛ sãã yayami pami bɔ, kɛ sami bɔ ngɛ ɔ. Ejakaa yayami pami bɔ ɔ, osɔfo ɔmɛ a nɔ́ kaa bɔ nɛ fɔ yemi bɔ ɔ ngɛ ɔ; e ngɛ klɔuklɔu saminya.

Mose III, 21:22

E ma nyɛ maa ye bɔ sami nike ní nɛ a kɛ ba haa mi ɔ eko, niye ní klɔuklɔu ɔ jio, klɔuklɔu pe kulaa a eko jio.

Mose IV, 18:9

Ní klɔuklɔu pe kulaa nɛ a sɛ̃ ngɛ bɔ sami la tɛ ɔ nɔ ɔ, a kpɛti enɛ ɔmɛ maa pee o níhi: niye ní bɔ, yayami pami bɔ, kɛ fɔ yemi bɔ. Nike ní klɔuklɔu tsuaa nike ní klɔuklɔu nɛ a kɛ ba ha mi ɔ maa pee o kɛ o bimɛ nyɛ nɔ.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Kronika II, 31:14

Nike ní ɔmɛ nɛ a kɛ ba ha Yawɛ, nɛ ji bɔhi nɛ je tsui mi faa a, nɔ nɛ a to nɛ ma he ngɛ ma a dɛ, nɛ lɛ nɔuu e maa dla ji Imna binyumu Kore, Levi no ɔ. Kore ji Yawɛ we ɔ beleku je agbo ɔ nya buli ɔmɛ a nɔkɔtɔma.

Ezekiel 44:29

Osɔfo ɔmɛ a niye ní nɛ a maa ye ji niye ní bɔ ɔmɛ, yayami pami bɔ ɔmɛ, kɛ fɔ yemi bɔ ɔmɛ; jehanɛ hu, nɔ́ tsuaa nɔ́ nɛ Israel bi ɔmɛ maa gbaa nɔ kɛ ke mi ɔ peeɔ osɔfo ɔmɛ a nɔ́.

Ezekiel 46:20

nɛ e de mi ke, “Hiɛmɛ nɛ ɔ ji he nɛ osɔfo ɔmɛ maa hoo lo nɛ a kɛ maa sã fɔ yemi, kɛ yayami pami bɔ ɔmɛ ngɛ; nɛ hiɛmɛ nɛ ɔ nɔuu a maa ngɔ mamu kɛ pee abolo nɛ a kɛ maa sã niye ní bɔ ɔmɛ ngɛ. Ke a pee ja a, a be ní klɔuklɔu ɔmɛ ngɔe kɛ ya kpo nɔ je kue ɔ mi, nɛ́ ní klɔuklɔu nɛ ɔmɛ kó ba ye ma a awi.”