Mose III, 2:1 - BAIBLO ALOO NGMAMI KLƆUKLƆU Ɔ

¹ Ke nɔ ko ngɔ niye ní kɛ ma bɔ sami ha Yawɛ ɔ, é wɛɛ lɛ bukɔbukɔ kɛ pee mamu. E pue nɔ oliv nu, kɛ tsopa kɛ e he via,

Mose III, 2:1 ပူးပေါင်းရင်းမြစ်များ

Kpojemi 8:3

Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.

Yesaya 66:20

Jamɛ a be ɔ, a kɛ a nyɛmimɛ Israel fɔfɔɛhi tsuo nɛ ngɛ je ma amɛ a mi ɔ maa ba; a maa ngɔ mɛ ba ke imi Yawɛ kaa bɔ. A maa ngɔ mɛ kɛ ba ye yo klɔuklɔu ɔ nɔ ngɛ Yerusalem. A maa hi okpɔngɔhi, teji okpɔngɔhi, kɛ afukpɔngɔhi a nɔ kɛ ba. A maa hi ta zugba lɛhi, kɛ apakɛɛhi hu a mi. A maa hɛɛ a nyɛmimɛ ɔmɛ kɛ maa ba kaa bɔ nɛ Israel bi hɛɛɔ a ngma bɔ ngɛ níhi nɛ a he tsɔ mi kɛ baa Yawɛ we ɔ.

Mose III, 9:17

Enɛ ɔ se ɔ, e sã niye ní bɔ ɔ. E piti ngma a e dɛ kɔkɔ kake, nɛ e sã ngɛ bɔ sami la tɛ ɔ nɔ kɛ piɛ mɔtu sami bɔ ɔ he.

Yuda 1:20

Se nyɛ ye nyɛmimɛ nɛ i suɔ! Nyɛɛ lɛɛ nyɛɛ hɛɛ nyɛ hemi kɛ yemi klɔuklɔu ɔ mi wawɛɛ nɛ nyɛ nane nɛ pi si ngɛ mi. Nyɛɛ sɔle ngɛ Mumi Klɔuklɔu ɔ he wami ɔ nya.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

Yohane 6:35

Yesu de mɛ ke, “Imi ji abolo nɛ haa nɔ wami ɔ nɛ. Ke nɔ ko ba ye ngɔ ɔ, hwɔ be lɛ yee gblegbleegble; nɛ nɔ nɛ he mi ye ɔ, kuma be lɛ yee gblegbleegble.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Mose II, 29:2

Ngɔɔ ngma mamu nɛ masa be mi kɛ pee nɔ́ etɛ nɛ ɔmɛ: abolo kplolo nɛ zɔ ngɛ mi, abolo kplolo nɛ a wui mi zɔ, kɛ akpɔɔnɔɔ nɛ a kɛ nu kpa hɛ mi,

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Mose III, 5:11

Se ke nɔ ɔ be nyɛe ma ha lahuɛ enyɔ, loo beleku lahuɛ enyɔ ɔ, lɛɛ é ngɔ mamu bukɔbukɔ kilo kake kɛ ba kaa yayami pami bɔ. E ko ngɔ nu, loo tsopa kɛ e he via kɛ pue nɔ, ejakaa e ji yayami pami bɔ.

Mose IV, 8:8

Jehanɛ, ha nɛ a ngɔ na niheyo kake, kɛ niye ní bɔ ɔ, nɛ ji mamu bukɔbukɔ nɛ a futu mi nu ɔ kɛ ba. Ngɔɔ na niheyo kpa nɛ o kɛ sã yayami pami bɔ.

Mose IV, 18:9

Ní klɔuklɔu pe kulaa nɛ a sɛ̃ ngɛ bɔ sami la tɛ ɔ nɔ ɔ, a kpɛti enɛ ɔmɛ maa pee o níhi: niye ní bɔ, yayami pami bɔ, kɛ fɔ yemi bɔ. Nike ní klɔuklɔu tsuaa nike ní klɔuklɔu nɛ a kɛ ba ha mi ɔ maa pee o kɛ o bimɛ nyɛ nɔ.

Mose IV, 28:5

Ngɔɔ ngma bɔ ngɔ piɛ he; lɔ ɔ ji ngma mamu bukɔbukɔ kilo kake nɛ a kɛ nu kpakpa lita kake futu mi.

Mose IV, 29:18

Nyɛɛ ngɔ ngma bɔ ɔmɛ, kɛ wai bɔ ɔmɛ kɛ piɛ lohwe ɔmɛ a he kaa bɔ nɛ mlaa a ngɛ kɛ ha na kuhi, agbosuhi, kɛ jijɔhi ngɛ a hiɛmi nya a.

Yesaya 43:23

O ngɔɛ jijɔ kɛ ba sã we sami bɔ ha mi; nɛ o ngɔɛ bɔhi kɛ ba wui ye hɛ mi nyami hulɔ. I gba we o nya ke o ba sã bɔ ha mi, loo o ba ha mi tsopa kɛ e he via.

Mose III, 6:7

Osɔfo ɔ maa sã bɔ ɔ kɛ kpata Yawɛ ha lɛ, nɛ a kɛ e he yayami tsuo nɛ e pee ɔ maa pa lɛ.

Mose III, 9:4

Á ngɔ na ku, kɛ agbosu kɛ ba sã tue mi jɔmi bɔ ha Yawɛ kɛ piɛ niye ní bɔ nɛ a futu mi nu ɔ he. Á pee nɔ́ nɛ ɔ, ejakaa Yawɛ ma je e he kpo kɛ tsɔɔ mɛ mwɔnɛ ɔ.”

Mose III, 14:10

Ligbi nɛ ji kpaanyɔ ɔ, é ngɔ agbosu enyɔ nɛ kpa ko be a he, kɛ jijɔ yo nɛ ye jeha kake, nɛ lɛ hu kpa ko be e he, kɛ níye ní bɔ mamu bukɔbukɔ kilo etɛ nɛ a kɛ nu futu mi, kɛ nu lita fa kɛ ba.

Mose III, 24:7

Nyɛɛ ngɔ tsopa kɛ e he via ngɔ pue abolo ɔmɛ a nɔ ngɛ za enyɔ ɔmɛ tsuo a mi, konɛ e pee abolo ɔ nane mi okadi kaa bɔ nɛ a kɛ la sãã ha Yawɛ.

Ezekiel 46:20

nɛ e de mi ke, “Hiɛmɛ nɛ ɔ ji he nɛ osɔfo ɔmɛ maa hoo lo nɛ a kɛ maa sã fɔ yemi, kɛ yayami pami bɔ ɔmɛ ngɛ; nɛ hiɛmɛ nɛ ɔ nɔuu a maa ngɔ mamu kɛ pee abolo nɛ a kɛ maa sã niye ní bɔ ɔmɛ ngɛ. Ke a pee ja a, a be ní klɔuklɔu ɔmɛ ngɔe kɛ ya kpo nɔ je kue ɔ mi, nɛ́ ní klɔuklɔu nɛ ɔmɛ kó ba ye ma a awi.”