Mose III, 19:3 - BAIBLO ALOO NGMAMI KLƆUKLƆU Ɔ

³ Nyɛ ti nɔ tsuaa nɔ nɛ bu e nyɛ kɛ e tsɛ; nɛ e ye Hejɔɔmi ligbi ɔ kaa bɔ nɛ i fa nyɛ ɔ. Imi ji Yawɛ, nyɛ Mawu ɔ nɛ.

Mose III, 19:3 ပူးပေါင်းရင်းမြစ်များ

Mose II, 20:12

“Moo bu o tsɛ kɛ o nyɛ, konɛ o se nɛ kɛ ngɛ zugba nɛ Yawɛ, o Mawu ɔ ngɔ ha mo ɔ nɔ.

Mose II, 20:8

“Mo kai Hejɔɔmi ligbi ɔ, nɛ o ye lɛ ngɛ mumi mi he tsɔmi mi.

Hebribi 12:9

Jehanɛ hu, adesa blɔ fa mi ɔ, wa ngɛ tsɛmɛ nɛ tsɔseɔ wɔ, nɛ wa buɔ mɛ. Anɛ e sɛ kaa wa baa wa he si ha Tsɛ ɔ nɛ ngɛ mumihi a nɔ he wami ɔ, konɛ wa yi nɛ na wami lo?

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Mose III, 11:44

Imi ji Yawɛ, nyɛ Mawu ɔ nɛ. Nyɛɛ pee nyɛ he klɔuklɔu; ejakaa Nɔ Klɔuklɔu ji mi. Lɔ ɔ he ɔ, lohwehi nɛ sãã si ɔ, nyɛ ko ngɔ ekoeko kɛ ble nyɛ he.

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Abɛ Womi 30:11

Ni komɛ gbiɛɔ a tsɛmɛ, nɛ a gbaa we a nyɛmɛ.

Abɛ Womi 23:22

Bu o tsɛ nɛ fɔ mo ɔ tue; nɛ ke o nyɛ bwɔ ɔ, koo gbe e he guɛ.

Mose V, 27:16

“ ‘Mawu maa gbiɛ nɔ tsuaa nɔ nɛ pueɔ e tsɛ, loo e nyɛ hɛ mi si.’ “Ma a tsuo ma he nɔ ke, ‘Amen!’

Mose II, 21:17

“Nɔ tsuaa nɔ nɛ maa gbiɛ e tsɛ, loo e nyɛ ɔ, a gbe lɛ.

Mose II, 21:15

“Nɔ tsuaa nɔ nɛ maa fia e tsɛ, aloo e nyɛ nɔ́ ɔ, a gbe lɛ.

Mose II, 16:29

Nyɛɛ hyɛ, imi Yawɛ, i ha nyɛ Hejɔɔmi ligbi; nɛ lɔ ɔ he ɔ, ligbi nɛ ji ekpa a nɔ ɔ, i haa nyɛ ligbi enyɔ nya ní. Nɔ tsuaa nɔ nɛ hi si ngɛ he nɛ e ngɛ; nɔ ko nɔ ko kó je kpo kɛ ya he ko ngɛ ligbi nɛ ji kpaago ɔ nɔ.”

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Mose III, 26:2

Nyɛ hɛ nɛ hi Hejɔɔmi ligbi ɔmɛ a nɔ, nɛ nyɛɛ bu ye he klɔuklɔu ɔ, he nɛ a jaa mi ngɛ ɔ; imi ji Yawɛ.

Abɛ Womi 1:8

Ye bi, ke o tsɛ ngɛ mo tsɔsee ɔ, bu tue! Ke o nyɛ hu ngɛ mo ní tsɔɔe ɔ, ko kua!

Mose III, 19:30

Nyɛɛ ye ye Hejɔɔmi ligbi ɔmɛ, nɛ nyɛɛ ngɔ bu kɛ ha ye he klɔuklɔu ɔ; imi ji Yawɛ.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.

Mose V, 5:16

“ ‘Moo bu o tsɛ kɛ o nyɛ, kaa bɔ nɛ imi Yawɛ, o Mawu ɔ fa mo ɔ, konɛ e hi ha mo, nɛ o se nɛ kɛ ngɛ zugba nɛ Yawɛ, o Mawu ɔ ngɛ mo hae ɔ nɔ.

Mose I, 48:12

Kɛkɛ nɛ Yosef je jokuɛwi ɔmɛ kɛ je e tsɛ ɔ tɛ nɔ; nɛ e kpla si ngɛ e hɛ mi, nɛ e ngɔ e hɛ mi ngɔ bu si.

Mose III, 19:25

Jeha enuɔne ɔ mi lɛɛ nyɛ ma nyɛ maa ye a yiblii ɔmɛ. Ke nyɛ pee ní nɛ ɔmɛ ɔ, tso ɔmɛ maa wo yiblii babauu ha nyɛ. Imi ji Yawɛ, nyɛ Mawu ɔ nɛ.

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Mose III, 19:34

Ke nɔ ko ba to nyɛ nubwɔ ɔ, nyɛɛ bu lɛ kaa ma a mi no nɔuu. Moo suɔ lɛ kaa bɔ nɛ o suɔ mo nitsɛ o he ɔ; ejakaa nyɛ hu nyɛ ya to nubwɔ hyɛ ngɛ Egipt zugba a nɔ. Imi ji Yawɛ, nyɛ Mawu ɔ nɛ.

Nehemia 9:14

O tsɔɔ mɛ kaa a ye Hejɔɔmi ligbi ɔ klɔuklɔu, nɛ o gu o tsɔlɔ Mose nɔ kɛ ha mɛ o mlaa amɛ.