Mose III, 18:4 - BAIBLO ALOO NGMAMI KLƆUKLƆU Ɔ

⁴ Nyɛɛ pee ye suɔmi nya ní, nɛ nyɛɛ ye ye mlaa amɛ a nɔ. Imi ji Yawɛ, nyɛ Mawu ɔ nɛ.

Mose III, 18:4 ပူးပေါင်းရင်းမြစ်များ

Mose III, 18:2

e de Israel bi ɔmɛ ke, “Imi ji, Yawɛ nyɛ Mawu ɔ nɛ.

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Ezekiel 20:19

Imi ji Yawɛ, nyɛ Mawu ɔ nɛ. Nyɛɛ ye ye mlaa amɛ, kɛ blɔ nya tomi ɔmɛ a nɔ.

La 119:4

Yawɛ, o wo o mlaa amɛ, konɛ a ye nɔ sisiisi.

Mose V, 6:1

“Mlaahi nɛ Yawɛ, nyɛ Mawu ɔ fa mi ke ma tsɔɔ nyɛ ji nɛ ɔmɛ nɛ. Nyɛɛ ye a nɔ ngɛ zugba a nɛ nyɛ yaa ngɔ nɛ nyɛɛ hi nɔ ɔ nɔ.

Mose III, 20:22

Yawɛ de ke, “Nyɛ hɛ nɛ hi ye mlaa amɛ, kɛ ye blɔ nya tomi ɔmɛ tsuo a nɔ, nɛ nyɛɛ ye a nɔ, konɛ nyɛɛ hi Kanaan zugba a nɛ i kɛ nyɛ yaa nɔ ɔ nɔ; ke pi ja a, zugba a maa fie nyɛ kɛ je lejɛ ɔ.

Mose III, 19:37

Nyɛ hɛ nɛ hi ye mlaa amɛ, kɛ ye blɔ nya tomi ɔmɛ tsuo nɔ, konɛ nyɛɛ ye a nɔ. Imi ji Yawɛ.”

Mose III, 18:26

Se nyɛ nitsɛmɛ, kɛ nibwɔhi nɛ ba to nyɛ ɔ lɛɛ nyɛɛ ye ye mlaa amɛ, kɛ ye blɔ nya tomi ɔmɛ a nɔ, nɛ nyɛ ko pee níhi nɛ a hĩɔ nɛ ɔ eko.

Luka 1:6

Mɛ ni enyɔ ɔmɛ tsuo a peeɔ nɔ́ nɛ da ngɛ Mawu hɛ mi, nɛ a yeɔ e mlaa amɛ, kɛ e fami ɔmɛ a nɔ́ sisiisi.

Ezekiel 37:24

Ye tsɔlɔ David ma ba ye matsɛ ngɛ a nɔ. Mɛ tsuo a maa hi tsɛ kake sisi, nɛ a maa ye ye mlaa amɛ a nɔ pɛpɛɛpɛ.

La 105:45

E pee enɛ ɔ, konɛ a kai e mlaa amɛ, nɛ a ye nɔ. A je Yawɛ yi!

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

Mose III, 19:19

“Nyɛɛ ye ye mlaa amɛ a nɔ. Nyɛ ko ha nɛ nyɛ we mi lohwehi nɛ kuɔ henɔ kpahi nɛ a kɛ mɛ nɛ fɔ. Nyɛ ko du wu munomuno enyɔ ngɛ ngmɔ kake mi; nɛ nyɛ ko wo tade nɛ a kɛ nɔ́ slɔɔto enyɔ lo bo ɔ.