Mose III, 17:7 - BAIBLO ALOO NGMAMI KLƆUKLƆU Ɔ

⁷ Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Mose III, 17:7 ပူးပေါင်းရင်းမြစ်များ

1 Korintobi 10:20

Dɛbi! Nɔ́ nɛ i ngɛ dee kɛkɛ ji, bɔ nɛ wɔ jali sãã a, mumi yayamihi a sãã ngɔ haa, se pi Mawu. Nɛ i sume kaa nyɛɛ kɛ mumi yayamihi nɛ bɔ huɛ.

Mose II, 34:15

O kɛ nihi nɛ ngɛ zugba a nɔ ɔ kó so somi ko. Ke pi ja a, ke a ngɛ a mawu ɔmɛ jae nɛ a ngɛ bɔ sãe kɛ ngɛ mɛ hae ɔ, a ti nɔ ko kɛ̃ ma tsɛ mo ní yemi, nɛ o ma ya ye ní nɛ a kɛ sã bɔ ha a mawu ɔmɛ ɔ eko.

Kronika II, 11:15

Yeroboam wo osɔfohi nɛ lɛ nitsɛ e suɔ, nɛ e ha nɛ a sɔmɔ ngɛ jami he ɔmɛ; a ja wɔhi, kɛ amagahi nɛ ngɛ kaa na bi nɛ lɛ Yeroboam ɔ puɛ.

Mose V, 32:17

Ma a sã bɔ kɛ ha mumi yayamihi, kɛ mawuhi nɛ a he be se nami, mawuhi nɛ a nɛmɛ po li, mawuhi nɛ Israel sɔmɔ we hyɛ.

La 106:37

A kɛ a binyumuhi, kɛ a biyihi sã bɔ ha wɔhi.

Kpojemi 9:20

Nihi tsuo nɛ piɛ, nɛ mɛɛ haomi nɛ ɔmɛ gbi mɛ ɔ, a tsakee we a tsui, nɛ níhi nɛ a kɛ mɛ nitsɛmɛ a nine pee ɔ, a ngmɛɛ we he. A kpa we mumi yayamihi jami. Amagahi nɛ a kɛ sika tsu, loo sika hiɔ, loo ayawa, loo tɛ, loo tso pee ɔ, pi kaa a kpa mɛ jami; pohu amaga amɛ hyɛ we nɔ́, a nui nɔ́, nɛ a nyɛɛ we hulɔ.

Ezekiel 23:8

Yahomi nɛ e je sisi kɛ je e yihe mi ngɛ Egipt, he nɛ a fiɛ e nyɔ he, nɛ a kɛ lɛ bɔ ajuama nɛ a puɛ lɛ ngɛ ɔ, e kpa we.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Mose III, 20:5

imi nitsɛ ye hɛ maa dɔ kɛ wo jamɛ a nɔ ɔ, kɛ e weku li, kɛ nɔ tsuaa nɔ nɛ piɛ e he kɛ ya sɔmɔ Molek ɔ. Ma je mɛ we, nɛ a be mɛ bue ngɔ si ye ma a mi bi ɔmɛ a nɔ hu.

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Mose II, 22:20

“Nɔ tsuaa nɔ nɛ maa sã bɔ kɛ ha mawu kpa ko, se pi imi Yawɛ ɔ, a kpata e hɛ mi.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Mose III, 3:17

Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Mose III, 17:8

Jehanɛ hu, de mɛ ke, ke Israel fɔfɔɛ, aloo nɔ ko nɛ ba to mɛ nubwɔ maa sã sami bɔ, loo bɔ kpa ko kɛ ha Yawɛ, nɛ e ngɔɛ kɛ bɛ kpe he bo tsu ɔ sinya a nya a,

La 106:39

A kɛ a ní peemi ble mɛ nitsɛmɛ a he, nɛ Mawu hu a yi lɛ anɔkuale.

Ezekiel 23:3

A puɛ kulaa kɛ ajuama bɔmi kɛ je a yihe mi tɔɔ ngɛ Egipt. Lejɛ ɔ nɛ nyumuhi fiɛ a nyɔhi a he, nɛ a puɛ mɛ ngɛ.

Mose II, 22:19

“Nɔmlɔ nɛ e kɛ lohwe ma na yo kɛ nyumu bɔmi ɔ, a gbe lɛ.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.