Mose III, 17:11 - BAIBLO ALOO NGMAMI KLƆUKLƆU Ɔ

¹¹ Muɔ ji nɔ́ nɛ haa he lo tsuaa he lo wami. Lɔ ɔ he nɛ Yawɛ fa ke a ngɔ muɔ kɛ pue bɔ sami la tɛ ɔ nɔ nɛ a kɛ kpa musu ɔ nɛ. Muɔ ji nɔ́ nɛ a kɛ kpaa musu, ejakaa wami ngɛ mi.

Mose III, 17:11 ပူးပေါင်းရင်းမြစ်များ

Hebribi 9:22

Niinɛ, ngɛ mlaa a nya a, muɔ ji nɔ́ nɛ tsuɔ níhi tsuo a he; nɛ ke a pue we muɔ si ɔ, a kɛ yayami pɛ.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Marko 14:24

Yesu de mɛ ke, “Ye muɔ nɛ a ngɔ pue si ha nihi babauu nɛ a kɛ sɔu Mawu somi ɔ nya ji nɛ ɔ nɛ.

Mose I, 9:4

Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi.

Kolosebi 1:14

E Bi ɔ ha nɛ wa ye wa he; ee, e kɛ wa he yayami pa wɔ.

Mateo 26:28

Enɛ ɔ ji ye muɔ nɛ a kɛ sɔu Mawu somi ɔ nya. A plɛ ye muɔ ɔ ngɔ pue si ha nihi fuu, konɛ a ngɔ a he yayamihi ngɔ pa mɛ.

Hebribi 13:12

Jã kɛ̃ Yesu hu na amahehlu ngɛ ma a agbo ɔ se, konɛ e ngɔ lɛ nitsɛ e muɔ ɔ kɛ je ma a he yayami.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Mose III, 17:14

Ejakaa muɔ ji nɔ́ nɛ haa he lo tsuaa he lo wami. Lɔ ɔ he nɛ Yawɛ de Israel bi ɔmɛ ke a ko ye muɔ ɔ nɛ. Nɔ tsuaa nɔ nɛ maa pee ja a, á je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Romabi 5:9

Lɔ ɔ he ɔ, jehanɛ ɔ nɛ a gu Kristo muɔ nɛ pue si ɔ nɔ wo wɔ nguɔ ɔ, a maa gu e nɔ hluu tsɔ kɛ kpɔ wɔ kɛ je Mawu mi mi la a mi.

Mose III, 8:15

Mose gbe lohwe ɔ, nɛ e ngɔ e nine nguɛ kɛ sɔ muɔ ɔ mi, nɛ e kɛ kpa bɔ sami la tɛ ɔ koli ɔmɛ a he. Kɛkɛ nɛ e tsɛ̃ muɔ ɔ kɛ pue bɔ sami la tɛ ɔ sisi. Blɔ nɔ nɛ a gu kɛ tsukɔ bɔ sami la tɛ ɔ he ji nɛ ɔ nɛ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Mose III, 16:11

Ke Aaron maa sã na ku ɔ kaa yayami pami bɔ kɛ ha lɛ nitsɛ e he kɛ e we ɔ,

Mose III, 1:5

Jehanɛ, e gbe na ku ɔ ngɛ Yawɛ hɛ mi, nɛ Aaron binyumu ɔmɛ, nɛ ji osɔfo ɔmɛ kɛ muɔ ɔ nɛ ba; lɔ ɔ se ɔ, a tsɛ̃ muɔ ɔ ngɔ pue bɔ sami la tɛ nɛ ngɛ kpe he bo tsu ɔ sinya a nya a he kɛ kpe.

Mose III, 17:12

Enɛ ɔ he je nɛ i de Israel bi ɔmɛ ke a ko ye muɔ ɔ nɛ; mɛ jio, nɔ ko nɛ ba to mɛ nubwɔ jio.

Mose III, 4:25

Jehanɛ, osɔfo ɔ nɛ ngɔ e nine nguɛ kɛ sɔ muɔ ɔ mi, nɛ e kɛ kpa la tɛ ɔ nɛ a sãã sami bɔ ngɛ nɔ ɔ koli ɔmɛ a he. É tsɛ̃ muɔ nɛ piɛ ɔ ngɔ pue bɔ sami la tɛ ɔ sisi.

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose V, 12:23

Lo kɛ e mi muɔ lɛɛ nyɛ ko ye kɔkɔɔkɔ; ejakaa wami ngɛ muɔ ɔ mi, nɛ e sɛ kaa nyɛ yeɔ lo kɛ e mi wami ɔ tsuo.