Mose III, 17:10 - BAIBLO ALOO NGMAMI KLƆUKLƆU Ɔ

¹⁰ Ke Israel fɔfɔɛ ko, aloo nɔ ko nɛ ba to nyɛ nubwɔ ye muɔ ɔ, ye hɛ maa dɔ kɛ wo jamɛ a nɔ ɔ. Ma je lɛ we, nɛ a ko bu lɛ ngɔ si ye ma a mi bi ɔmɛ a nɔ hu.

Mose III, 17:10 ပူးပေါင်းရင်းမြစ်များ

Mose III, 17:11

Muɔ ji nɔ́ nɛ haa he lo tsuaa he lo wami. Lɔ ɔ he nɛ Yawɛ fa ke a ngɔ muɔ kɛ pue bɔ sami la tɛ ɔ nɔ nɛ a kɛ kpa musu ɔ nɛ. Muɔ ji nɔ́ nɛ a kɛ kpaa musu, ejakaa wami ngɛ mi.

Mose V, 12:23

Lo kɛ e mi muɔ lɛɛ nyɛ ko ye kɔkɔɔkɔ; ejakaa wami ngɛ muɔ ɔ mi, nɛ e sɛ kaa nyɛ yeɔ lo kɛ e mi wami ɔ tsuo.

Mose V, 12:16

Se muɔ lɛɛ, kaa niye ní ɔ, nyɛ ko ye; nyɛɛ tsɛ̃ pue zugba kaa nyu.

Mose III, 3:17

Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Yeremia 44:11

“Lɔ ɔ he ɔ, imi Yawɛ Tabohiatsɛ, Israel Mawu ɔ, i to ye yi mi kaa ma ngɔ haomi kɛ ba nyɛ nɔ, nɛ ma kpata Yuda tsuo hɛ mi.

Samuel I, 14:33

Kɛkɛ nɛ nɔ ko ya de Saul ke, “Hyɛ, ma a ngɛ yayami pee kɛ ngɛ Yawɛ sie kaa a ngɛ lo kɛ muɔ tsuo yee.” Saul de ke, “Nyɛ tɔ̃! Nyɛ kpɛne tɛ agbo ko ba ha mi ngɛ hiɛ ɔ.”

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Mose I, 9:4

Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi.

Ezekiel 44:7

A ha nibwɔhi mɔmlɔtɔtsɛmɛ, nihi nɛ a he tsɔ we, nɛ a bui mi tue ba sɛ ye we ɔ mi, benɛ osɔfo ɔmɛ ngɔ zɔ kɛ muɔ kɛ ngɛ bɔhi sãe ha mi ɔ. Ye ma a yi ye somi ɔ nɔ, nɛ a ngɔ a ní hiemi ní nɛ ɔmɛ hu kɛ tɔ ye nɔ.

Ezekiel 15:7

Ja pɛpɛɛpɛ ma gbla Yerusalem bi ɔmɛ a tue. Ke a je haomi kake mi ɔ, a maa sɛ haomi kpa nɛ nya wa mi; nɛ a hɛ mi ma kpata pɛsɛpɛsɛ. Ke i gbla a tue wawɛɛ kikɛ ɔ, lɔ ɔ loko a ma na maa le kaa imi ji Yawɛ.

Ezekiel 14:8

Ye hɛ maa dɔ kɛ wo jamɛ a nɔ ɔ wawɛɛ; ma ngɔ lɛ kɛ pee okadi gbeyegbeye, kɛ abɛ nɛ a maa bu. Ma kpata e hɛ mi kɛ je je ma amɛ a mi, konɛ nyɛɛ le kaa imi ji Yawɛ.

La 34:16

Yayami peeli lɛɛ Yawɛ jeɔ e hɛ kɛ piɔ mɛ, nɛ ke a gbo ɔ, e kɛ we kɛkɛ hɛ je a nɔ.

Mose V, 15:23

Se a muɔ lɛɛ nyɛ ko ye; nyɛɛ tsɛ̃ ngɔ pue si kaa nyu.

Mose III, 19:26

“Nyɛ ko ye lo nɛ muɔ ngɛ mi kɛ mwɔɔ. Nyɛ ko klaa, nɛ nyɛ ko ye kunya hulɔ.

Ezekiel 33:25

“De mɛ ke imi Nyɔmtsɛ Yawɛ, bɔ nɛ i ngɛ dee ji, nyɛ yeɔ lo nɛ muɔ ngɛ mi. Nyɛ jaa amagahi. Nyɛ pueɔ muɔ si. Mɛni ha nɛ nyɛ susuɔ kaa nyɛ nɔ ji zugba a?

Yeremia 21:10

I pee ye juɛmi kaa ja i kpata ma nɛ ɔ hɛ mi kokooko; i be nyɛ mɔbɔ nae. Ma ngɔ ma a kɛ wo Babilonia matsɛ ɔ dɛ mi nɛ e maa mɛ he la. Imi, Yawɛ lɛ i de.”

Ni Tsumi 15:20

Mohu ɔ, waa ngma mɛ womi ke a ko ye niye ní nɛ he tsɔ we, a ko ye wɔ nya lo, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi. A nyɛ lohwehi nɛ a kika a kuɛ kɛ gbe mɛ, nɛ a ko ye lo nɛ muɔ ngɛ mi kɛ mwɔɔ.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

Samuel I, 14:32

Lɔ ɔ he ɔ, a sa fo kɛ ho ta yibu ní ɔmɛ nɛ a ha a he ya. A ya nuu tohi kɛ nahi nɛ a gbe ngɛ lejɛ ɔ nɔuu, nɛ a ye lo ɔ kɛ muɔ ɔ tsuo.

Samuel II, 23:17

nɛ e de ke, “Kpaoo Yawɛ, kaa ma pee nɔ́ nɛ ɔ! Anɛ pi nihi nɛ ngɔ a wami ngɔ fɔ si ɔ a muɔ ji nɛ ɔ?” Nɛ e kua nyu ɔ numi. Níhi nɛ katsɛmɛ etɛ ɔmɛ pee ji nɛ ɔmɛ nɛ.

Amos 9:4

Ke a he nyɛli ɔmɛ ba kpaka mɛ kaa nyɔguɛhi kɛ je ɔ, ma ha nɛ a kɛ klaate maa gbe mɛ. I muɔ ye yi mi kpɔ kaa ja i kpata a hɛ mi kokooko, se pi kaa ma pee mɛ kpakpa.”

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”