Mose III, 16:2 - BAIBLO ALOO NGMAMI KLƆUKLƆU Ɔ

² E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose III, 16:2 ပူးပေါင်းရင်းမြစ်များ

Mose II, 30:10

Daa jeha a, Aaron nɛ pee kusumi kɛ tsukɔ bɔ sami la tɛ ɔ he. Lohwe ɔ nɛ a kɛ ba sã yayami pami bɔ ɔ, e ngɔ e muɔ ɔ ngɔ pue bɔ sami la tɛ ɔ koli eywiɛ ɔmɛ a nɔ. A pee nɔ́ nɛ ɔ daa jeha, yi nɔ tsuaa yi nɔ. Bɔ sami la tɛ nɛ ɔ maa pee klɔuklɔu nitsɛnitsɛ kɛ ha imi Yawɛ.”

Hebribi 9:25

Yuda osɔfo nɔkɔtɔma pe kulaa a yaa he klɔuklɔu pe kulaa a daa jeha kɛ muɔ nɛ pi lɛ nitsɛ e nɔ. Se Kristo ya lejɛ ɔ, pi nɛ e ngɔ e he ya sã bɔ si abɔ.

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Matsɛmɛ I, 8:6

Enɛ ɔ se ɔ, osɔfo ɔmɛ ngɔ somi daka a ya ma e blɔ he ngɛ he klɔuklɔu pe kulaa a, ngɛ kerub ɔmɛ a pɛli ɔmɛ a sisi.

Hebribi 9:3

A tsɛɛ tsu mi pomi bo enyɔne ɔ se bo tsu ɔ he klɔuklɔu pe kulaa.

Mose IV, 17:10

Lɔ ɔ se ɔ, Yawɛ de Mose ke, “Kpale Aaron dɛma tso ɔ ya fɔ daka a nɛ somi womi ɔ ngɛ mi ɔ hɛ mi ekohu, nɛ e hi lejɛ ɔ kaa kɔkɔ bɔmi nɔ́ kɛ ha atuã tsɔli ɔmɛ bɔ nɛ pee nɛ a munyu huitihuiti ɔmɛ nɛ a tuɔ kɛ siɔ mi ɔ se nɛ po. Ke pi ja a, a ma gbo.”

Mose IV, 4:19

Bɔ nɛ pee nɛ ke a ba su níhi nɛ ngɛ klɔuklɔu pe kulaa a he nɛ a ko gbo, se mohu a yi nɛ na wami he je ɔ, nɔ́ nɛ nyɛɛ pee ha mɛ ji nɛ ɔ nɛ: Aaron kɛ e bimɛ ɔmɛ nɛ a ya nɛ a ya tsɔɔ nɔ tsuaa nɔ e ní tsumi, kɛ e tlomi nɛ e maa tloo.

Mose III, 23:27

nyɔhiɔ kpaagone ɔ we ligbi nɛ ji nyɔngma a ji kpatami ligbi ɔ nɛ. Jamɛ a ligbi ɔ, nyɛɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛɛ sã bɔ nɛ a kɛ la sãã ha Yawɛ.

Mose III, 16:13

E ngɔ tsopa kɛ e he via a ngɔ pue la a mi ngɛ Yawɛ hɛ mi, nɛ e wo la su ku nɛ mi ti kɛ tsi somi daka nya nɔ́ ɔ nɔ, bɔ nɛ pee nɛ Aaron ko na somi daka nya nɔ́ ɔ, nɛ e ba gbo.

Mose III, 8:35

Nyɛɛ hi kpe he bo tsu ɔ sinya a nya nyɔ kɛ pia ligbi kpaago kɛ tsu ní tsumi nɛ Yawɛ kɛ wo nyɛ dɛ ɔ; ke pi ja a, nyɛ ma gbo. Bɔ nɛ a fa mi ke ma de ji nɛ ɔ nɛ.”

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

Hebribi 9:5

Kerubhi nɛ tsɔɔ Mawu hɛ mi nyami ɔ daa si ngɛ somi daka nya nɔ́ ɔ nɔ, nɛ a gbɛ a pɛlihi a mi ngɛ he nɛ a kɛ tɔmi paa ngɛ ɔ. Se wa be nyɛe ma gba níhi a mi fitsofitso amlɔ nɛ ɔ.

Kpojemi 15:8

Mawu hɛ mi nyami, kɛ e he wami kpetekpleenyɛ ɔ ha nɛ la su ku hyi sɔlemi we ɔ tɔ. Nɛ nɔ ko nɔ ko nyɛ we nɛ e je sɔlemi we ɔ kɛ ya si haomi kpaago ɔmɛ nɛ bɔfo kpaago ɔmɛ kɛ ba a a se po.

Mose IV, 4:5

“Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ya sɛ bo tsu ɔ mi, nɛ a je tsu mi pomi bo ɔ nɛ ngɛ somi daka a nɛ somi womi ɔ ngɛ mi ɔ hɛ mi ɔ kɛ ha daka a he.

Matsɛmɛ I, 6:16

E ma se tsu ko nɛ a tsɛɛ he klɔuklɔu pe kulaa a ngɛ we ɔ se je. E kami ji gugue enuɔ, nɛ a kɛ seda gbegbeli po mi kɛ je siaudo ɔ nya kɛ ba ma zugba.

Mose III, 16:34

Á ye mlaa nɛ ɔmɛ a nɔ kɛ ya neneene. Daa jeha a, a maa pee kusumi nɛ ɔ si kake kɛ kpata Mawu ha Israel bi ɔmɛ ngɛ a he yayami ɔmɛ a he. Mose pee kaa bɔ nɛ Yawɛ fa lɛ ɔ.

Mose IV, 18:7

Se o kɛ o bimɛ ɔmɛ pɛ ji ni nɛmɛ nɛ ngɛ he blɔ kaa nyɛ tsuɔ osɔfo ní tsumihi nɛ kɔɔ bɔ sami la tɛ ɔ, kɛ he klɔuklɔu pe kulaa a a he. Enɛ ɔmɛ ji nyɛ ní tsumi; ejakaa imi lɛ i kɛ osɔfo yemi ní tsumi ɔ ke nyɛ. Nɔ kpa ko nɛ maa hɛ lɛ kɛ su ní klɔuklɔu ɔmɛ a he ɔ, a gbe lɛ.”