Mose III, 15:8 - BAIBLO ALOO NGMAMI KLƆUKLƆU Ɔ

⁸ Ke nɔ nɛ nyu ngɛ bee ngɛ e he ɔ la lada pue nɔ ko nɛ he tsɔ nɔ ɔ, nɔ ɔ nɛ fɔ e tade ɔmɛ a he, nɛ e du e he. E he tsɔ we kɛ yaa si du ma bu.

Mose III, 15:8 ပူးပေါင်းရင်းမြစ်များ

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Mose III, 15:7

Nɔ tsuaa nɔ nɛ maa ta nɔ nɛ nyu ngɛ bee ngɛ e nyumu tso mi ɔ he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

Mose III, 15:9

Lohwe se mi sɛ nɛ nɔ nɛ nyu yaya ngɛ bee ngɛ e he ɔ maa hi nɔ ɔ he be tsɔe.

Mose III, 11:24

Nɔ tsuaa nɔ nɛ maa ta lohwe nɛ ɔmɛ eko gbogboe he ɔ, e he be tsɔe kɛ yaa si du ma bu: lohwehi tsuo nɛ a gba we a nane kokloto mi, nɛ a gɔle we nɔ́ nɛ a ye ɔ nɛ a ta ekohu, kɛ lohwe nane eywiɛɛywiɛtsɛmɛ nɛ be kokloto, se a nyɛɛ ngɛ a nine a nɔ ɔ, mɛ tsuo a he tsɔ we. Nɔ tsuaa nɔ nɛ maa ta eko gbogboe he ɔ bleɔ e he. Ke nɔ ko ble e he ja a, é fɔ e tade ɔmɛ a he; se kɛ ɔ, e he be tsɔe kɛ yaa si du ma bu.

Mose IV, 19:22

Nɔ́ tsuaa nɔ́ nɛ nɔ ko nɛ he tsɔ we maa ta he ɔ, e ble nɔ́ ɔ; ke nɔ ko ta jamɛ a nɔ́ ɔ he ɔ, lɛ hu e he tsɔ we kɛ yaa si gbɔkuɛ.”