Mose III, 15:5 - BAIBLO ALOO NGMAMI KLƆUKLƆU Ɔ

⁵ Nɔ tsuaa nɔ nɛ maa ta sa a he ɔ, é fɔ e tade ɔmɛ a he, nɛ e du e he. E he be tsɔe kɛ yaa si du ma bu.

Mose III, 15:5 ပူးပေါင်းရင်းမြစ်များ

Mose III, 17:15

Israel no tsuaa Israel no, loo nubwɔ kó ye lohwe ko nɛ lɛ nitsɛ e gbo, aloo nɔ́ nɛ nga mi lohwe tsɔtslɔɔ e mi. Ke e ba mi kaa nɔ ko tɔ mlaa nɛ ɔ nɔ ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu; lɔ ɔ se loko e he ma tsɔ.

Mose III, 16:26

Nɔ ɔ nɛ fie to ɔ kɛ ya ha Azazel ngɛ nga a nɔ ɔ nɛ fɔ e tade ɔmɛ nɛ e wo ɔ a he, nɛ e du e he loko e ba ma sito he ɔ.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Hebribi 9:14

Ke enɛ ɔmɛ ngɛ mi niinɛ ɔ, lɛɛ Kristo muɔ nɛ e gu Mumi Klɔuklɔu nɛ ngɛ daa a nɔ nɛ e kɛ pue si ɔ tsu ní kulaa pe jã. Bɔ ɔ nɛ Kristo nɛ sé ko be e he ɔ ngɔ e he kɛ sã, nɛ e gbo ngɛ wa he ɔ ma ha nɛ wa ma je wa hɛ kɛ je kusumihi nɛ a he be se nami ɔ a he, nɛ wa ma sɔmɔ Mawu hɛ kalɔ ɔ.

Ezekiel 36:29

Níhi tsuo nɛ bleɔ nyɛ ɔ, ma je nyɛ kɛ je a mi. Ma ha nɛ ngma maa ba ha nyɛ babauu, nɛ hwɔ be nyɛ yee hu.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Yesaya 22:14

Kɛkɛ nɛ Yawɛ Tabohiatsɛ ɔ nitsɛ de mi ke, “A kɛ yayami nɛ a pee nɛ ɔ be mɛ pae a wami be ɔ tsuo. Imi, Nyɔmtsɛ Yawɛ Tabohiatsɛ ɔ lɛ i de.”

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

Mose IV, 19:22

Nɔ́ tsuaa nɔ́ nɛ nɔ ko nɛ he tsɔ we maa ta he ɔ, e ble nɔ́ ɔ; ke nɔ ko ta jamɛ a nɔ́ ɔ he ɔ, lɛ hu e he tsɔ we kɛ yaa si gbɔkuɛ.”

Mose IV, 19:10

Nɔ nɛ muɔ na yo ɔ la zu ɔ, lɛ hu e fɔ e tade ɔmɛ a he; se kɛ̃ ɔ, e he tsɔ we kɛ yaa si gbɔkuɛ. Nɔ́ nɛ ɔ maa pee mlaa nɛ fɔɔ si daa kɛ ha Israel bi, kɛ nibwɔhi nɛ ba to mɛ ɔ.

Mose III, 16:28

Nɔ nɛ maa sã ní nɛ ɔmɛ ɔ, é fɔ e tade ɔmɛ a he, nɛ é du e he loko é ba ma sito he ɔ.

Mose III, 14:27

nɛ e ngɔ e hiɔ nine nguɛ kake kɛ sɔ nu ɔ mi nɛ e fĩa si kpaago ngɛ Yawɛ hɛ mi.

Mose III, 13:34

Ligbi nɛ ji kpaago ɔ, osɔfo ɔ nɛ hyɛ hiɔ ɔ ekohu. Ke hiɔ ɔ hɛ́ si, nɛ e nɔɛ lo mi hulɔ ɔ, osɔfo ɔ nɛ ha nɛ hiɔtsɛ ɔ nɛ le kaa e he tsɔ. Hiɔtsɛ ɔ nɛ fɔ e tade ɔmɛ a he, kɛkɛ ɔ, e he ma tsɔ.

Mose III, 13:6

Ligbi nɛ ji kpaago ɔ, e hyɛ lɛ ekohu. Ke e na kaa he nɛ hiɔ ɔ ngɛ ɔ yu, nɛ hiɔ ɔ hɛ́ si ngɛ hiɔtsɛ ɔ he womi nɔ ɔ, osɔfo ɔ nɛ ha nɛ a le kaa hiɔtsɛ ɔ he tsɔ; ejakaa e ji nɔfu nɔ́ kɛkɛ. Hiɔtsɛ ɔ nɛ fɔ e tade ɔmɛ a he, kɛkɛ e he ma tsɔ.

Mose III, 11:32

Nɔ́ tsuaa nɔ́ nɛ lohwe nɛ ɔmɛ eko gbogboe maa sa he ɔ, e he be tsɔe; tso a kɛ pee nɔ ɔ jio, bo jio, lohwe he womi jio, kotoku jio, nɔ́ saisaa jio. Á kɛ nyu nɛ fɔ he, se nɔ́ ɔ he be tsɔe kɛ yaa si du ma bu.

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Mose III, 15:4

Sa tsuaa sa nɛ nyumu nɛ nyu yaya ngɛ bee ngɛ e he ɔ maa hwɔ nɔ, loo nɔ́ tsuaa nɔ́ nɛ e maa hi nɔ ɔ, nɔ́ ɔ he tsɔ we.

Mose III, 15:6

Nɔ tsuaa nɔ nɛ maa hi nɔ́ ko nɛ nɔ nɛ nyu yaya ngɛ bee ngɛ e he ɔ hi nɔ ɔ nɔ ɔ, é fɔ e tade ɔmɛ a he, nɛ é du e he. E he be tsɔe kɛ yaa si du ma bu.

Samuel I, 20:26

Saul de we nɔ́ ko jamɛ a ligbi ɔ, ejakaa e de ngɛ e yi mi ke, “Be nɛ ɔ mi matahu ko ya po lɛ, nɛ e he tsɔ we.”

Mose III, 11:24

Nɔ tsuaa nɔ nɛ maa ta lohwe nɛ ɔmɛ eko gbogboe he ɔ, e he be tsɔe kɛ yaa si du ma bu: lohwehi tsuo nɛ a gba we a nane kokloto mi, nɛ a gɔle we nɔ́ nɛ a ye ɔ nɛ a ta ekohu, kɛ lohwe nane eywiɛɛywiɛtsɛmɛ nɛ be kokloto, se a nyɛɛ ngɛ a nine a nɔ ɔ, mɛ tsuo a he tsɔ we. Nɔ tsuaa nɔ nɛ maa ta eko gbogboe he ɔ bleɔ e he. Ke nɔ ko ble e he ja a, é fɔ e tade ɔmɛ a he; se kɛ ɔ, e he be tsɔe kɛ yaa si du ma bu.

Mose III, 15:18

Ke nyumu kɛ yo na bɔmi nɛ nyumu ɔ he nyu be ɔ, mɛ ni enyɔ ɔmɛ tsuo a du a he. A he be tsɔe kɛ yaa si du ma bu.