Mose III, 14:7 - BAIBLO ALOO NGMAMI KLƆUKLƆU Ɔ

⁷ Jehanɛ, é fĩa muɔ ɔ si kpaago kɛ pue nɔ nɛ nu he womi nɔ hiɔ yaya nɛ ma e he tsukɔmi ɔ nɔ, nɛ é ha nɛ e le kaa e he tsɔ. Lɔ ɔ se ɔ, é ngmɛɛ lohwe hɛngmengmletsɛ ɔ he nɛ é te kɛ ho nga mi ya.

Mose III, 14:7 ပူးပေါင်းရင်းမြစ်များ

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Yesaya 52:15

Se jehanɛ lɛɛ e he maa pee je mahi babauu nyakpɛ; nɛ matsɛmɛ pohu a nya maa kpɛ a he wawɛɛ. Ejakaa nɔ́ ko nɛ a de we mɛ hyɛ ɔ, a maa na, nɛ nɔ́ ko nɛ a nui hyɛ ɔ, a maa nu sisi jehanɛ.”

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 5:10

Elisha tsɔ ya de lɛ ke, “Yaa nɛ o ya du o he ngɛ Yordan pa a mi si kpaago, kɛkɛ o he womi maa hi ekohu, nɛ o he ma tsɔ!”

1 Petro 1:2

Tsɛ Mawu hla nyɛ kaa bɔ nɛ e to ke e maa pee ɔ, nɛ e Mumi Klɔuklɔu ɔ pee nyɛ ma klɔuklɔu, konɛ nyɛɛ bu Yesu Kristo tue, nɛ e muɔ ɔ nɛ tsu nyɛ he. Mawu dloomi kɛ he jɔmi nɛ hiɛ fuu ha nyɛ.

Hebribi 9:19

Kekleekle ɔ, Mose tsɔɔ ma a mlaa amɛ tsuo nɛ Mawu wo ɔ kaa bɔ nɛ mlaa a nitsɛ tsɔɔ ɔ. Lɔ ɔ se ɔ, e ngɔ nga nɛ a fi kɛ bla kaa bɛ, kɛ jijɔ he bwɔmi tsutsuu kɛ sɔ na kɛ to muɔ, kɛ nyu, nɛ e kɛ fĩa womi kpo ɔ nitsɛ, kɛ ma mluku ɔ tsuo a nɔ.

Hebribi 9:13

To kɛ na muɔ, kɛ na bi nɛ a sã a la zu ji níhi nɛ a kɛ fĩaa nihi nɛ ble a he ɔ a nɔ, nɛ a kɛ tsuɔ a nɔmlɔ tso ɔ he ngɛ he lo blɔ fa mi.

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.

Hebribi 12:24

Yesu, nɔ nɛ ha a so somi he ɔ, e ngɔ nyɛ ba nɛ ɔ nɛ. Muɔ nɛ a fĩa, nɛ tsuɔ ní kpakpahi nɛ pe Habel nɔ́ ɔ he nyɛ ba a nɛ.

Hebribi 10:22

Lɔ ɔ he ɔ, nyɛ ha nɛ waa ngɔ tsui nɛ mi tsɔ, kɛ hemi kɛ yemi nɛ pi si kɛ hɛ wɔ kɛ su Mawu he. Nyɛ ha a tsu wa tsui he bɔ nɛ wa he nile be wɔ fɔ bue, nɛ́ waa pee kaa nihi nɛ a kɛ nyu nɛ mi tsɔ heii du a he.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Hebribi 9:21

Bo tsu ɔ, kɛ kplu ɔmɛ nɛ a kɛ jaa Mawu ɔ, Mose ngɔ muɔ kɛ fĩa mɛ tsuo a nɔ jã nɔuu.

Yohane 19:34

Mohu ta buli ɔmɛ a ti nɔ kake kɛ e we akplɔ ɔ gbɔ Yesu kasa mi; nɛ amlɔ ɔ, muɔ kɛ nyu je mi kɛ be.

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

La 51:7

Ngɔɔ nga nɛ a fi kɛ bla kaa bɛ kɛ tsu ye he, konɛ ye he nɛ tsɔ. Du ye he ha mi saminya, nɛ ma hiɛ futaa pe sinoo.

La 51:2

Du ha mi konɛ ye mu ní ɔmɛ, kɛ yayami ɔmɛ tsuo nɛ a je ye he kulaa.

Mose III, 16:22

Akpakpo ɔ maa tloo Israel bi ɔmɛ a he musu tsuo kɛ maa ho zugba nɛ nɔ ko nɔ ko be nɔ ɔ nɔ ya.

Mose III, 16:19

É ngɔ e nine nguɛ kɛ fĩa muɔ ɔ eko kɛ pue bɔ sami la tɛ ɔ nɔ si kpaago. É tsukɔ he, nɛ é pee lɛ klɔuklɔu ngɛ yayamihi nɛ Israel bi ɔmɛ pee kɛ ble la tɛ ɔ he.

Mose III, 16:14

É ngɔ na ku ɔ muɔ eko, nɛ e kɛ e nine nguɛ nɛ sɔ mi nɛ e kɛ fĩa somi daka nya nɔ ɔ hɛ mi. É kɛ muɔ ɔ nɛ fĩa somi daka nitsɛ hu hɛ mi si kpaago.

Mose III, 14:51

Jehanɛ, é ngɔ seda tso ɔ, nga nɛ a fi kɛ bla kaa bɛ ɔ, kɔjai ɔ, kɛ lohwe pɛlitsɛ hɛngmengmletsɛ ɔ, nɛ e kɛ sɔ lohwe pɛlitsɛ nɛ a gbe ɔ muɔ ɔ, kɛ nyu mua a mi, nɛ e kɛ fĩa we ɔ he si kpaago.

Mose III, 13:17

Osɔfo ɔ nɛ hyɛ lɛ ekohu. Ke e na kaa hiɔtsɛ ɔ he womi ɔ pee futaa a, e ha nɛ e le kaa e he tsɔ. E he tsɔ niinɛ.

Mose III, 13:13

e hyɛ lɛ ekohu. Ke e na nɔ́ ɔ kaa e ha e nɔmlɔ tso ɔ tsuo he ɔ, e ha nɛ hiɔtsɛ ɔ nɛ le kaa e he tsɔ. Ke e he womi ɔ tsuo pee futaa a, e he tsɔ ji lɔ ɔ nɛ.

Mose III, 8:11

E kɛ nu ɔ eko fĩa bɔ sami la tɛ ɔ nɔ si kpaago kɛ pɔ bɔ sami la tɛ ɔ kɛ e he ní ɔmɛ tsuo kɛ kã a kɛ e sisi kla a nu, nɛ e kɛ tsukɔ a he.

Mose III, 4:17

É ngɔ e nine nguɛ kɛ sɔ muɔ ɔ mi, nɛ e fĩa si kpaago ngɛ Yawɛ hɛ mi ngɛ tsu mi pomi bo ɔ hɛ mi.

Mose III, 4:6

É ngɔ e nine nguɛ ngɔ sɔ muɔ ɔ mi, nɛ é fĩa ngɛ tsu mi pomi bo klɔuklɔu ɔ hɛ mi si kpaago.

Mose IV, 19:12

Loko e he ma tsɔ ɔ, e ngɔ nyu nɛ a kɛ fɔɔ nɔ he yayami ɔ kɛ julaa e he ngɛ ligbi etɛne ɔ, kɛ ligbi kpaagone ɔ a nɔ. Ke e kɛ nyu ɔ fɔ we e he ngɛ ligbi nɛ ji etɛ ɔ kɛ ligbi nɛ ji kpaago ɔ a nɔ ɔ, e he be tsɔe.