Mose III, 14:3 - BAIBLO ALOO NGMAMI KLƆUKLƆU Ɔ

³ Osɔfo ɔ nɛ ngɔ lɛ kɛ je ma sito he ɔ, nɛ e ya hyɛ lɛ. Ke e na kaa hiɔ ɔ ta ngɛ nɔ ɔ he ɔ,

Mose III, 14:3 ပူးပေါင်းရင်းမြစ်များ

Mose III, 13:46

E he be tsɔe kɛ yaa si be nɛ e hiɔ ɔ maa ta; nɛ lɛ nɔ kake nɛ e maa hi si ngɛ ma sito he ɔ se.

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

Luka 4:27

Jehanɛ ɔ se hu, gbalɔ Elisha be ɔ mi ɔ, nihi fuu ngɛ Israel nɛ he womi nɔ hiɔ yaya ngɛ a he. Se a tsa we a ti nɔ ko nɔ ko, pe Naeman, Siria no ɔ pɛ.”

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 10:8

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Hiob 5:18

Ke Mawu plaa mo ɔ, e fiɔ pa a nɔ; ke e fia mo nɔ́ ɔ, e tsaa mo.

Matsɛmɛ II, 5:14

Kɛkɛ nɛ Naeman pue nɔ kɛ ho Yordan pa a mi ya, nɛ e mu kɛ ya nyu ɔ sisi si kpaago kaa bɔ nɛ Mawu nɔmlɔ ɔ fa lɛ ɔ. Nɛ a tsa lɛ. E he womi tsake nɛ e pee kaa jokuɛyo he womi ekohu.

Matsɛmɛ II, 5:3

Ligbi ko ɔ, e de e nyɛ ɔ ke, “I ná nɛ ye nyɔmtsɛ ɔ ya gbalɔ ɔ nɛ ngɛ Samaria a ngɔ, jinɛ e ma tsa e hiɔ ɔ ha lɛ.”

Mose II, 15:26

E de mɛ ke, “Ke nyɛ maa bu Yawɛ, nyɛ Mawu ɔ tue, nɛ nyɛ maa pee nɔ́ nɛ da ngɛ e hɛ mi, nɛ nyɛ maa ye e kita amɛ, kɛ e mlaa amɛ tsuo a nɔ ɔ, lɛɛ hiɔ ɔmɛ nɛ i kɛ gbla Egipt bi ɔmɛ a tue ɔ, ekoeko be nyɛ nɔ bae. Imi ji Yawɛ; imi ji nyɛ tsalɔ.”

Mose III, 13:2

Ke nɔfu nɔ́ ko, aloo pa, loo loholoho ba nɔ ko he, nɛ́ ma nyɛ maa pee he womi nɔ hiɔ yaya a, a ngɔ hiɔtsɛ ɔ kɛ ba osɔfo ɔ, nɛ ji Aaron nina a ngɔ.

Mose III, 14:48

Se ke a kɛ zu kpa kã gli ɔ he, nɛ lɔ ɔ se osɔfo ɔ ba hyɛ, nɛ e nɛ nɔ́ ko ngɛ he ɔ, e ha nɛ a le kaa we ɔ he tsɔ; ejakaa a je nɔ́ nɛ fu ja a tsuo kɛ je gli ɔ mi.