Mose III, 13:3 - BAIBLO ALOO NGMAMI KLƆUKLƆU Ɔ

³ Osɔfo ɔ nɛ hyɛ e he womi ɔ he nɛ hiɔ ɔ ngɛ ɔ. Ke bwɔmi nɛ ngɛ lejɛ ɔ tsake pee futaa, nɛ lejɛ ɔ lo ɔ hu nɔ mi ɔ, lɛɛ e ji he womi nɔ hiɔ yaya. Ke osɔfo ɔ hyɛ lɛ ta a, e ma ha nɛ a le kaa nɔ ɔ he tsɔ we.

Mose III, 13:3 ပူးပေါင်းရင်းမြစ်များ

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

2 Timoteo 3:13

Nimli yayamihi, kɛ nɔ sisili maa ya nɔ maa pee yayami kɛ be nɔ; a maa sisi nihi hluu kɛ yaa si a maa sisi mɛ nitsɛmɛ a he.

1 Timoteo 1:20

A ti ni komɛ ji Himeneo, kɛ Aleksandro. I tu mɛ ngɔ wo Abosiami dɛ mi, konɛ a gbla a tue. Nɔ́ nɛ ɔ ma ha nɛ a ma kpa musu bɔmi munyu tumi.

Romabi 7:7

Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Yohane 20:23

Ke nyɛ ngɔ nɔ ko he yayami kɛ pa lɛ ɔ, a kɛ pa; nɛ ke nyɛ ngɔ nɔ ko he yayami kɛ to ɔ, a ngɔ to.”

Mateo 16:19

Ma ngɔ hiɔwe matsɛ yemi ɔ nya safe ɔmɛ ngɔ ha mo. Nɔ́ tsuaa nɔ́ nɛ o maa tsi nya ngɛ zugba a nɔ ɔ, a maa tsi nya ngɛ hiɔwe; nɛ nɔ́ tsuaa nɔ́ nɛ o maa ngmɛ blɔ ke a pee ngɛ zugba a nɔ ɔ, a maa ngmɛ blɔ ngɛ hiɔwe.”

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Hagai 2:11

E de ke, “Bi osɔfo ɔmɛ nɛ a tsɔɔ bɔ nɛ a buá sane nɛ ɔ he ha.

Hosea 7:9

nɛ nibwɔ ɔmɛ butu ma a, se e li. Israel li tete kaa e nyagbe su ta.

Ezekiel 44:23

“Osɔfo ɔmɛ nɛ́ a tsɔɔ ye ma a slɔɔto nɛ ngɛ nɔ́ klɔuklɔu, kɛ nɔ́ nɛ be klɔuklɔu a kpɛti, kɛ slɔɔto nɛ ngɛ nɔ́ nɛ he tsɔ we, kɛ nɔ́ nɛ he tsɔ a kpɛti.

Ezekiel 16:30

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Hyɛ bɔ nɛ o mumu nya ta ha! O pee o he ajuamatsɛ, nɛ e pee we mo zo ko zo ko kulaa!

Mose III, 13:2

Ke nɔfu nɔ́ ko, aloo pa, loo loholoho ba nɔ ko he, nɛ́ ma nyɛ maa pee he womi nɔ hiɔ yaya a, a ngɔ hiɔtsɛ ɔ kɛ ba osɔfo ɔ, nɛ ji Aaron nina a ngɔ.

Mose III, 10:10

Nyɛɛ le slɔɔto nɛ ngɛ nɔ́ klɔuklɔu, kɛ nɔ́ gu a kpɛti, nɔ́ nɛ he tsɔ, kɛ nɔ́ nɛ he tsɔ we.

Mose I, 13:3

Pee se ɔ, e pue nɔ kɛ ho Betel ya. Ke e nyɛɛ bɔɔ, e to si bɔɔ. Kikɛ nɛ ɔ e pee hluu kɛ ya su Betel kɛ Ai a kpɛti he nɛ e to si ngɛ kekle ɔ

Mose III, 13:4

Se ke he womi ɔ nɔ he nɛ hiɔ ɔ ngɛ ɔ ngɛ futaa, nɛ ke a hyɛ ɔ, e nɔɛ lo mi, nɛ pohu bwɔmi ɔ be futaa hulɔ ɔ, osɔfo ɔ nɛ tsi hiɔtsɛ ɔ nya ligbi kpaago.

Mose III, 5:3

Ke nɔ ko li e he be, nɛ e ya ta nɔ́ ko nɛ he tsɔ we he, nɔ́ nɛ jeɔ nɔmlɔ mi jio, nɔ́ nɛ jeɔ e he jio, ke e ba na le nɔ́ nɛ e pee ɔ, e yeɔ fɔ.

Mose III, 13:8

Ke osɔfo ɔ hyɛ lɛ, nɛ e na kaa nɔfu nɔ́ ɔ ha si ɔ, e ha nɛ a le kaa e he tsɔ we; he womi nɔ hiɔ yaya e ngɛ nue ɔ nɛ.

Mose III, 13:10

nɛ e hyɛ lɛ. Ke e na nɔfu nɔ́ ko ngɛ e he womi nɔ, nɛ bwɔmi nɛ ngɛ lejɛ ɔ pee futaa, nɛ bua ba nɔfu nɔ́ ɔ mi ɔ,

Mose III, 13:20

Ke osɔfo ɔ hyɛ, nɛ e na kaa lejɛ ɔ nɔ lo mi, nɛ bwɔmi nɛ ngɛ lejɛ ɔ pee futaa a, e ha nɛ e le kaa e he tsɔ we; he womi nɔ hiɔ yaya nɛ́ je kpo ngɛ tslɔɔ mi nɔ ɔ ngɛ nue ɔ nɛ.

Mose III, 14:37

nɛ e ya hyɛ he nɛ fu ja a. Ke e na nɔ́ tsu, loo nɔ́ nɛ hɛɛ ba mumu su nɛ ha si ngɛ gli ɔ he ɔ,

Mose III, 14:54

Mlaa nɛ ɔmɛ ngɛ kɛ ha he womi nɔ hiɔ yaya,