Mose III, 12:8 - BAIBLO ALOO NGMAMI KLƆUKLƆU Ɔ

⁸ Ke yo ɔ be nyɛe nɛ e kɛ jijɔ bi ma ba sã bɔ ɔ, lɛɛ e ngɔ lahuɛ enyɔ, loo beleku lahuɛ enyɔ kɛ ba. E ngɔ kake kɛ ba sã sami bɔ, nɛ e ngɔ kake hu kɛ ba sã yayami pami bɔ. Osɔfo ɔ nɛ pee kusumi kɛ tsukɔ yo ɔ he; kɛkɛ ɔ, e he ma tsɔ.

Mose III, 12:8 ပူးပေါင်းရင်းမြစ်များ

Mose III, 5:7

Ke nɔ ko be nyɛe ma ha jijɔ ɔ, é ngɔ lahuɛ enyɔ, loo beleku lahuɛ enyɔ kɛ ba ha Yawɛ kaa e yayami nɛ e pee ɔ he bɔ. Á ngɔ kake kɛ pee yayami pami bɔ, nɛ enyɔne ɔ, a kɛ pee sami bɔ.

Mose III, 4:26

Se e zɔ ɔ tsuo lɛɛ, é sã ngɛ bɔ sami la tɛ ɔ nɔ. Lohwehi nɛ a gbee nɛ a kɛ sãã tue mi jɔmi bɔ ɔ, kikɛ nɛ ɔ nɔuu nɛ a sãã a zɔ ɔ nɛ. Bɔ nɛ osɔfo ɔ maa pee kɛ kpata Mawu ha nɔ yelɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 14:22

kɛ lahuɛ enyɔ, aloo beleku lahuɛ enyɔ. Kake maa pee yayami pami bɔ, nɛ kake hu maa pee sami bɔ.

Mose III, 1:14

Ke lohwe pɛlitsɛ nɔ ɔ kɛ ma sami bɔ sami ha Yawɛ ɔ, e pee lahuɛ, loo beleku lahuɛ.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Mose III, 15:29

Ligbi kpaanyɔne ɔ, yo ɔ nɛ ngɔ lahuɛ enyɔ, loo beleku lahuɛ enyɔ kɛ ba ha osɔfo ɔ ngɛ kpe he bo tsu ɔ sinya a nya.

Mose III, 15:14

Ligbi nɛ ji kpaanyɔ ɔ, e ngɔ lahuɛ enyɔ, loo beleku lahuɛ enyɔ kɛ ba Yawɛ hɛ mi ngɛ kpe he bo tsu ɔ sinya a nya, nɛ e ngɔ mɛ kɛ ha osɔfo ɔ.

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Mose III, 12:7

Osɔfo ɔ nɛ ngɔ ní nɛ ɔmɛ kɛ ba ha Yawɛ, nɛ e pee kusumi kɛ tsukɔ yo ɔ he; kɛkɛ ɔ, e he ma tsɔ. Enɛ ɔ ji mlaa nɛ fɔɔ si ha yihi tsuo nɛ ma fɔ binyumu, loo biyo.

Mose III, 13:1

Yawɛ wo Mose kɛ Aaron mlaa nɛ ɔmɛ.

Mose III, 14:21

Ke ohiatsɛ ji nɔ ɔ, nɛ e be ní ɔmɛ tsuo nyɛe ma ha a, e ngɔ agbosu kake pɛ kɛ pee fɔ yemi bɔ, nɛ a fɔ kɛ ya kɛ ba ngɛ Yawɛ hɛ mi. Níhi nɛ e ngɔ kɛ piɛ he ji mamu bukɔbukɔ kilo kake, nɛ a kɛ nu futu mi ha niye ní bɔ, nu tɔ kake,

Mose III, 5:11

Se ke nɔ ɔ be nyɛe ma ha lahuɛ enyɔ, loo beleku lahuɛ enyɔ ɔ, lɛɛ é ngɔ mamu bukɔbukɔ kilo kake kɛ ba kaa yayami pami bɔ. E ko ngɔ nu, loo tsopa kɛ e he via kɛ pue nɔ, ejakaa e ji yayami pami bɔ.

Mose III, 15:15

Osɔfo ɔ maa ngɔ kake kɛ sã yayami pami bɔ, nɛ e maa ngɔ kake hu kɛ sã sami bɔ kɛ kpata Yawɛ ha lɛ ngɛ nyu yaya nɛ be ngɛ e he ɔ he.