Mose III, 12:3 - BAIBLO ALOO NGMAMI KLƆUKLƆU Ɔ

³ Ke binyumu ɔ ye ligbi kpaanyɔ ɔ, á po lɛ.

Mose III, 12:3 ပူးပေါင်းရင်းမြစ်များ

Luka 2:21

Otsi se, benɛ jokuɛ ɔ pomi be su ɔ, a wo lɛ biɛ ke Yesu, biɛ nɛ bɔfo ɔ ha lɛ loko Maria ngɔ e hɔ ɔ.

Luka 1:59

Benɛ bimwɔyo ɔ na otsi ɔ, a ba, konɛ a ba po lɛ, nɛ jinɛ a hla kaa a kɛ e tsɛ Zakaria biɛ maa wo lɛ.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.

Filipibi 3:5

I ye otsi pɛ nɛ a po mi. Israel fɔfɔɛ ji mi; i je Benyamin wɛtso ɔ mi; Hebri no mi Hebri no ji mi; mlaa a nya a, Farisi no kpanaa hulɔ.

Galatabi 5:3

I ngɛ hae nɛ nyɛɛ nu sisi saminya kaa nɔ tsuaa nɔ nɛ ma ha nɛ a po lɛ ɔ, e hia doo kaa e ye mlaa a tsuo pɛpɛɛpɛ hu nɔ.

Galatabi 3:17

Nɔ́ nɛ i ngɛ tsɔɔe ɔ ji kaa Mawu kɛ Abraham so, nɛ e wo si ke e maa ye nɔ. Mlaa a nɛ a wo jeha lafa eywiɛ kɛ nyingmi etɛ se ɔ be nyɛe maa po jamɛ a somi ɔ, kɛ si nɛ Mawu wo ɔ mi.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Ni Tsumi 15:1

Ni komɛ je Yudea kɛ ba Antiokia, nɛ a ba bɔni nihi nɛ he Yesu ye ɔ ní tsɔɔmi ke, “Ke a pui nyɛ kaa bɔ nɛ Mose mlaa a tsɔɔ ɔ, a be nyɛe ma he nyɛ yi wami.”

Mose II, 22:30

Ngɔɔ o na amɛ, kɛ o to ɔmɛ a kekleekle bi ku ɔmɛ hu ba ha mi. Ke a fɔ mɛ se ɔ, ha nɛ a hi a nyɛmɛ a kasa nya ligbi kpaago; ligbi nɛ ji kpaanyɔ ɔ, ngɔɔ mɛ kɛ ba sã bɔ ha mi.

Mose III, 12:4

Lɔ ɔ se ɔ, bi nyɛ ɔ he be tsɔe kɛ yaa si ligbi nyingmi etɛ kɛ etɛ se loko e he ma tsɔ. Be nɛ ɔ mi tsuo ɔ, e ko ta nɔ́ ko nɛ ngɛ klɔuklɔu he, nɛ e ko ya he klɔuklɔu ɔ hulɔ, kɛ yaa si be nɛ e maa tsukɔ e he kɛ gbe nya, ngɛ muɔ nɛ be ngɛ e he ɔ he.

Mose III, 15:3

Ke nyu yaya a ngɛ bee jio, e ha e nyumu tso mi tsi jio, nɔ ɔ he tsɔ we.