Mose III, 11:8 - BAIBLO ALOO NGMAMI KLƆUKLƆU Ɔ

⁸ Nyɛ ko ye lohwe nɛ ɔmɛ, nɛ nyɛ ko ta a gbogboe he hulɔ; a he tsɔ we.

Mose III, 11:8 ပူးပေါင်းရင်းမြစ်များ

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

Kolosebi 2:16

Lɔ ɔ he ɔ, nyɛ ko ha nɔ ko nɛ wo nyɛ mlaa ngɛ nɔ́ nɛ nyɛ maa ye, kɛ nɔ́ nɛ nyɛ maa nu he, aloo ngɛ nyami be, Nyɔhiɔhe nyami be, kɛ Hejɔɔmi ligbi he.

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Mose III, 5:2

Ke nɔ ko li e he be, nɛ e ya ta nɔ́ ko nɛ he tsɔ we he, we mi lohwe gbogboe jio, nga mi lohwe gbogboe jio, lohwe tsɔwi a gbogboe jio, nɔ́ nɛ e pee ɔ woɔ e he mu nɛ, e yeɔ fɔ.

Efesobi 5:11

Diblii mi níhi nɛ se nami be he ɔ, nyɛ ko pee. Mohu ɔ, nyɛ je mɛ kpo nɛ nihi nɛ a na.

Efesobi 5:7

Lɔ ɔ he ɔ, nyɛɛ kɛ mɛ ko bɔ.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

1 Korintobi 8:8

Ngma kɛkɛ be hae nɛ waa hɛ wɔ kɛ su Mawu he haa pe bɔ nɛ wa ngɛ ɔ. Ke wa yi ɔ, wa laa we nɔ́ ko; ke wa ye hu, wa na we he se tsɔ.

Romabi 14:21

Lɔ ɔ he ɔ, e hi kaa o ko ye lo, nɛ o ko nu wai, nɛ jehanɛ hu, o ko pee nɔ́ ko nɛ ma ha o nyɛmi nane ma kpata.

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

Ni Tsumi 10:28

Nɛ e de mɛ ke, “Nyɛ nitsɛmɛ nyɛ le kaa Yuda no be he blɔ nɛ e kɛ ma kpa ko mi no bɔɔ, aloo e baa e ngɔ. Se imi lɛɛ Mawu je tsɔɔ mi ke ma ko bu nɔ ko yaka nɔmlɔ, loo nɔ nɛ he tsɔ we.

Marko 7:18

E de mɛ ke, “Anɛ kikɛ nɛ ɔ nyɛ hu nyɛ nui nɔ sisi! Nyɛ nɛ́ kaa nɔ́ tsuaa nɔ́ nɛ jeɔ kpo nɔ blɔ sɛɔ nɔmlɔ mi ɔ nyɛ we lɛ blemi,

Marko 7:15

Nɔ́ ko nɔ́ ko be nɛ jeɔ kpo nɔ blɔ sɛɔ nɔmlɔ mi nɛ ma nyɛ lɛ ma ble; nɔ́ nɛ bleɔ nɔmlɔ ɔ, nɔ ɔ mi e jeɔ.” [

Marko 7:2

A na kaa e kaseli ɔmɛ a ti ni komɛ ngɛ a he blee ejakaa a fɔ we a dɛ loko a yeɔ ní.

Mateo 15:20

Enɛ ɔmɛ ji níhi nɛ bleɔ nɔ; se ke nɔ ko fɔ we e dɛ loko e ye ní ɔ, lɔ ɔ ble we nɔ.”

Mateo 15:11

Pi nɔ́ nɛ yaa nɔ nya mi ɔ nɛ bleɔ nɔ; mohu ɔ, nɔ́ nɛ jee nɔ nya a lɛ bleɔ nɔ.”

Mose III, 11:7

Nyɛ ko ye kpotoo, e he tsɔ we, ejakaa a gba e nane kokloto mi lɛɛ, se e gɔle we nɔ́ nɛ e ye ɔ nɛ e ta ekohu.

Mose III, 11:9

Nyɛ ma nyɛ maa ye lo nɛ ɔmɛ: lo tsuaa lo nɛ ngɛ se ngmo kɛ toto.