Mose III, 10:9 - BAIBLO ALOO NGMAMI KLƆUKLƆU Ɔ

⁹ “O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Mose III, 10:9 ပူးပေါင်းရင်းမြစ်များ

Luka 1:15

E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

1 Timoteo 3:3

E ko pee e he dã delɔ; nɛ e ko pee nɔ nɛ hɛ mi jɔɛ, loo nɔ nɛ suɔ pɛ. E ko pee e he sika suɔlɔ.

Tito 1:7

Asafo nya dalɔ ɔ, akɛnɛ Mawu ní tsumi nɔ e ngɛ hyɛe he je ɔ, e sɛ kaa piami ko hii e he. E ko pee nɔ nɛ woɔ e he nɔ, loo nɔ nɛ tsui fiaa mlamlaamla, loo dã tɔlɔ, loo kunɔ nɔlɔ, loo nɔ ko nɛ dii sika se tsɔ.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Ezekiel 44:21

Ke osɔfo ko maa ya he klɔuklɔu ɔ, e ko nu dã.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

1 Timoteo 3:8

Asafo ɔ mi sɔmɔli nɛ yeɔ bua a, e hia kaa a pee nihi nɛ tsuɔ ní kɛ hɛdɔ, pi nihi nɛ a nya ngɛ enyɔɔnyɔ. A ko nu wai tsɔ, nɛ a hɛ ko tsu ngɛ sika he hulɔ.

Mose IV, 6:3

e yu e he kɛ je wai, kɛ dã nɛ nya wa a he. E ko nu wai, aloo dã kpa ko nɛ kuã. E ko nu nɔ́ ko nɛ a kɛ wai yiblii pee; wai yiblii mumu, loo gbigbli hu e ko ye.

1 Timoteo 5:23

Akɛnɛ o muklii mi haoɔ mo, nɛ o pɔɔ hiɔ numi kpitikpiti he je ɔ, koo nu nyu sɔuu hu, se mohu nuu wai bɔɔ.

Hosea 4:11

Yawɛ ke, “Wai he, kɛ wai momo ha nɛ ye ma a ngɛ biɛe! A je ye se kulaa!

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Mose IV, 6:20

Nyagbe ɔ, osɔfo ɔ nɛ fɔ ní ɔmɛ kɛ ya kɛ ba ngɛ Yawɛ hɛ mi kaa bɔ nɛ a fɔɔ kɛ yaa kɛ baa. Mlaa nya a, ní nɛ ɔmɛ, kɛ agbosu ɔ gugue, kɛ fiɔ ɔ peeɔ osɔfo ɔ nike ní klɔuklɔu. Enɛ ɔ se ɔ, Nazir no ɔ ngɛ he blɔ nɛ e nuɔ dã faa.

Mose III, 3:17

Israel fɔfɔɛ ko nɛ kó ye zɔ, loo muɔ. Enɛ ɔ ji mlaa nɛ fɔɔ si kɛ yaa neneene ha nyɛ yi nɔhi tsuo ngɛ nyɛ hi he ɔmɛ.

Mose III, 10:8

Yawɛ kɛ Aaron tu munyu, nɛ e de lɛ ke,

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.