Mose III, 10:7 - BAIBLO ALOO NGMAMI KLƆUKLƆU Ɔ

⁷ Nyɛ ko je kpe he bo tsu ɔ sinya a nya kɛ ya he ko. Ke nyɛ pee ja a, nyɛ ma gbo; ejakaa a kɛ Yawɛ nu pɔ nyɛ.” Lɔ ɔ he ɔ, a pee kaa bɔ nɛ Mose de ɔ.

Mose III, 10:7 ပူးပေါင်းရင်းမြစ်များ

2 Korintobi 1:21

Mawu ji nɔ nɛ peeɔ waa kɛ nyɛ tsuo anɔkuale Kristo se nyɛɛli. Mawu nitsɛ lɛ hla wɔ ngɔ to,

Mose III, 8:30

Jehanɛ Mose ngɔ nɔ pɔmi nu ɔ eko, kɛ muɔ nɛ ngɛ bɔ sami la tɛ ɔ nɔ ɔ hu eko, nɛ e kɛ fĩa Aaron kɛ e tade ɔmɛ a nɔ, kɛ e binyumu ɔmɛ kɛ mɛ hu a tade ɔmɛ a nɔ. Mose pee enɛ ɔmɛ kɛ tsukɔ Aaron kɛ e tade ɔmɛ, kɛ e binyumu ɔmɛ kɛ mɛ hu a tade ɔmɛ a he.

Mose II, 28:41

Ngɔɔ tade nɛ ɔmɛ kɛ wo o nyɛminyumu Aaron kɛ e binyumu ɔmɛ, nɛ o pɔ mɛ nu, nɛ o wo mɛ osɔfo, nɛ o tsukɔ a he, konɛ a sɔmɔ mi kaa osɔfohi.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Luka 9:60

Yesu de lɛ ke, “Ha nɛ ni gbogboehi nɛ a pu mɛ nitsɛmɛ a ni gbogboehi. Se moo lɛɛ yaa nɛ o ya fiɛ Mawu matsɛ yemi ɔ he sane ɔ.”

Mose III, 8:12

E plɛ nɔ pɔmi nu ɔ eko kɛ pue Aaron yi mi kɛ pɔ lɛ nu kɛ tsukɔ e he.

Mose II, 30:30

Jehanɛ moo pɔ Aaron kɛ e binyumu ɔmɛ nu, nɛ o tsukɔ a he, konɛ a sɔmɔ mi kaa osɔfohi.

Mose III, 10:8

Yawɛ kɛ Aaron tu munyu, nɛ e de lɛ ke,

Mose II, 29:7

Lɔ ɔ se ɔ, plɛ nu nɛ a kɛ pɔɔ nɔ ɔ kɛ pue e yi mi, nɛ o kɛ pɔ lɛ nu.